請問觀塘線觀塘段可否地下化？同九龍灣廠可否搬

將軍澳邊忽有位起車廠？就算有，又點解唔直接用黎起樓？一句你想住觀塘樓就要成條鐵路同你搬，你唔識住將軍澳？
地底化唔使錢？搬廠唔洗錢？比你觀塘賣地賺多幾多都唔夠填番條數啦。
小朋友，讀好書先諗買樓啦，未學行先學走唔掂架。

地下化後唔見得上可以起高樓，頂多騰返D馬路位出黎，但條工程費都幾甘下

小朋友, 呢度係香港唔係大陸, 地皮唔係話收就收, 再者未學行先學走, 條鐵路拆左都冇觀塘的樓你買啦(其實點解要買觀塘樓, 樓齡又高, 又冇會所, 空氣又唔好, 俾著係我就買將軍澳, 近地鐵, 有會所, 樓齡低).

觀塘線的架空路段都係沿觀塘道行走, 就算地下化左, 假設站體都保留, 都只可以擴闊牛頭角站前一段, 以及觀塘及藍田之間的觀塘道, 對交通幫助不大之餘還製造多個樽頸位.再者就算地下化騰空出來的地皮都唔夠起樓, 但工程費係天文數字

而九龍灣車廠如果要搬, 就算真係搬去將軍澳, 騰出來的地方都只能夠做商場, 要知九龍灣車廠的上蓋已是德福花園, 就算九龍灣車廠易拆走, 德福的業權分散, 要收購晒, 冇二三十年都冇可能成事.

利申: 自住西環單棟樓

除左車廠，觀塘線露天段都係馬路，拆左都無乜位可以起到樓，
而且洗幾百億無利益，搵鬼起？

而車廠上面都有個德福啦，
果度樓價亦唔平，亦唔算舊...點收購重建？

樓主有無思考個問題呢？

觀塘線架空段要埋落地下，係大手術，好似沙中線工程咁要封路好幾年，以觀塘道交通流量，會造成嚴重大擠塞，況且騰出既土地都起唔到樓，更冇可能滿足樓主係觀塘置業既夢想。

如果樓主想係觀塘區置業，唔介意樓齡大，德福、德寶、淘大都係好選擇，要樓齡新就揀觀月樺峰，全部都係現樓，唔洗又拆又起咁麻煩。

你咁叻,又吾建議所有香港地鐵線架空路段地下化

咁就唔好單單地下化啦，不如直情先將成個九龍灣車廠重建啦！

地盤範圍 位於 觀塘道以西 及 偉業街以東，由 啟業道以南 一直至 康德道以北，
重建範圍包括九龍灣車廠、九龍灣站、整個德福平台建築群，
成個項目總值幾兆，用10-20年時間，應該走唔甩~

樓主，快啲寫個propsal搵老闆注資啦！