應否延長11C上安達？

s3m89 發表於 2016-9-2 14:13
有位擺緊係歡迎延長11X
但此線覆蓋唔到觀塘道大部分路段

其實如果係觀塘巿中心，11C 覆蓋仲差過 11X 九條街

和樂邨唔少買餸客，但 11C 就走左落去翠屏道；
跟住西行仲要停埋成業街公園後直接剷落隧道，下站創紀之城，完全唔近 apm 同裕民坊，相反 11X 仲可以停 apm 門口

如果係去德福淘大一帶，213X 同 89B 小巴都可以去到；
東行如果將 11X 改行觀塘道，新山道至九龍灣站之間飛站，咁大半條觀塘道都有車返上去

cong 發表於 2016-9-2 15:11
其實拉落觀市果條應該係13X,曉光街屈上振華道同落觀市跟215X入啟隧差唔遠,213X又可以完全補到13X
樂華佐 ...

雖然係咁，但 13X 唔係咁易改，中間堆流水客好複雜，就算係聯合醫院一個站都唔係咁易處理

213X 亦唔係完全代到 13X，起碼又唔入啟麗，啟麗寧願 13X 兜入去都唔要 224X 全日

S3BL100 發表於 2016-9-2 21:26
其實如果係觀塘巿中心，11C 覆蓋仲差過 11X 九條街

和樂邨唔少買餸客，但 11C 就走左落去翠屏道；

我每日都係度問，不論 213X，何得何能做德福淘大批客？
不論寶達好（13X），安達好（213X），單係回程返上觀塘山要行去振華道，根本無可能迫到批買餸客行過去。

（另，落德福淘大果條綠小係 89A，89B 客量簡直慘不忍睹）

其實如果係觀塘巿中心，11C 覆蓋仲差過 11X 九條街

和樂邨唔少買餸客，但 11C 就走左落去翠屏道；

依幾句其實係道出點解 13D 仲存在既價值。
物華街果個站真係唔少人上 13D 返上山，你竟然咁想殺 13D 拎 11X 補飛，係唔係好應該做番物華街？

（另，一未有時間回文，二來同 214 開始拉遠，我都係轉移過黎依邊討論）

既然當日討論東九機場線，閣下認為叫鯉安苑班客推住行李上山去啟田道搭車係無問題的話，
叫 13D 淘大花園上車班客，行去振華苑上車，又有咩問題？
問心，淘大個站的位置已經比起十年前推前左，行去振華苑，幾乎全程平路，而且真係唔遠

當然德福出發就真係遠左，不過仲有 1A 11C 做緊流水，講來講去都係得寶達一個站，
但南邨上寶達有全天候行人通道，而且 1A 11C 加埋密過 13D 唔少

你一直淨係識睇地圖，但從來唔識分機場客、區內流水客、長途跨區客既分別。
如果區內流水客真係肯行，2A 淘大條龍根本要消失，振華苑條條線都上到樂華，仲有得比人選擇入總站定係去小學，區內流水客根本唔肯行。

最好趣既係，綠小 89A 夠開左線一陣，係正臭明渠有站，但都唔夠力去搶晒班 13D 上寶達班流水客，
89A 平又平過 13D，究竟 13D 淘大個站養緊批咩野客？好問題。
但好肯定你叫佢地行去觀塘道上 1A 或者 11C 再係上秀行番入邨；行去明渠上線小 89A 未必解決到問題。
唯一解決到問題係線小 89A 直接兜入邨，增加知名度／順利性，咁就有機養得番 13D 批客。

如果 13D 純粹係淘大往返寶達流水客而存在，咁條線係咪應該斬左啟業打後一段，唔好下下塞多部車入旺角？
不過都係唔得，牛頭角道同維港灣都有既得利益者，佢地一定反對到底。
如果因為咁而斬開做兩條線，就一定唔止用而家九部車

如果一條線純粹因為一個站每班車平均唔多過 10 個流水客而存在，係咪應該執笠？

平心而論，13D 係要執笠或者縮線。
但要明白，13D 唔係話改就改，寶達係問題；聯合醫院都係問題。

13D 流水客不停跌，主因係多謝 28B，多一部車食晒物華街、和樂邨、聯合醫院批客。
但你殺左 13D，28B 係唔係全日加雙向牛頭角總站？28B 係唔係會加班？28B 係唔係全面轉雙層？（唔好忘記，28B 係物華街要企）
28B 已經日日比人淘大班客投訴緊，唔就腳（係呀，振華苑同彩頤居都叫唔就腳）。

13D 殺線也好，去翠屏也好。

真係要補位的話，觀塘區內成堆短途線，大洗牌執條彩福經觀塘、聯合醫院上寶達，入埋安達又得，
簡單少少只係 11X 回程拉直改新山道直飛九龍灣站，再上埋寶達又得，順手處理埋 11X 的問題。
總之就好多方法，但點都無理由因為一個站每班車平均唔多過 5-10 個流水客，而唔改得 13D

東行如果將 11X 改行觀塘道，新山道至九龍灣站之間飛站，咁大半條觀塘道都有車返上去

我完全唔認同拎 11X 做雙向流水，安達也好、寶達也好。
你殺 13D 一定要拉 11X 入寶達總站，同時再拉上安達，我先唔計對 11X 依條脫班大師有幾大影響。我更加唔理麗港城班人。

我單問一句，11X 紅磡、九龍城去敬業街批番工客要放棄？
唔好考慮到 11X 改行觀塘道咁簡單。

秀茂坪攬住咁多條旺角線，如果 13D 唔改得，咁有左條速度同 95 差唔多的 213D 之後，
佢地係咪應該交返條 95 出來，畢竟係將軍澳資源，俾佢地自行重組換線，
唔好下下騎劫第二個區資源，對人地的巴士服務指手劃腳，阻住其他區改善巴士服務？
不過都係唔得，順利又會嘈無車落油麻地，秀茂坪一見 95 減一班車已經發癲，
仲要 95 事實上秀茂坪使用量多過 13D 唔少，而且九巴搞 95 誘因都唔大

13D 時間係唔係去到好慢大家知，但問題係，點解個個秀程樓班人點解唔多上巴士？20 分鐘一班（95 也好，13D 也好）。
20 分鐘都見唔到一部紅小出旺角？明點解秀茂坪咁少人上 13D 未？根本等唔到一部巴士都比小巴截胡，
仲要係正秀暉樓睇住有無 13D 食燈，之後爬頭搶位。

95 使用量高，因為要做埋落彩雲、彩虹生意，秀明道搞到咁多年先有條 290A 去到彩雲、彩虹，問你可唔可悲。

至於翠屏問題順帶提一提：

你認為九龍城區有本事/能力/程序可以拉倒一個改善其他區巴士服務的建議？
又，大家都講道理既，咁有咩道理可以為左保住 11B 而阻礙翠屏改善本身巴士服務覆蓋？

有，11B 同 17 合併係一例。
翠屏係非常支持合併方案，原因係 17 會有個位數班次，依點係翠屏想要好多年既野。

佢地最後發現無左 17 係失望，但多左三條沙田線，佢地最後收聲。

1. 如果 13D 落翠屏會搞到 11B 客量跌，咁 6P 全日後擺翠屏又何嘗唔會令 11B 客量跌？又唔見你話唔可以？
仲要 6P 來回行觀塘道，同 11B/11C 重疊，又可以到九龍城（不過彩虹道拖慢），而 11B 翠屏上落乘客，
往返觀塘道沿途，特別係德福為主，尤其非繁

會又點，依件事已經發生左。

重點係 89 去到淘大，本身用 11B／11C 去淘大批客個個轉投，加上 89 咁密，又唔洗係觀塘道行番入去。
13D 拉落翠屏，係完全做緊同 89 一樣（甚至更多）翠屏去淘大流水客。

另外，6P 定線好明題有問題。
根本唔應係九龍城設任何站，可惜東行方向偏偏係橋底鬥塞，唔塞依一段路，兩繁時間都爭幾遠下。

2. 如果 13D 縮落翠屏會搞到 11B 客量跌，即係意味 13D 在翠屏都吸到客，咁點解你又認為翠屏會唔揀 13D 出旺角？
同 1A 一齊行出面就話姐，如果邨入面就有得搭，情況會唔會一樣？

搞清楚一件事，翠屏客既特性，唔係區區居民好似你咁睇有無車而唔理班次。
翠屏客係非常願意行出去搭車，而且我講緊既係，翠屏道兩旁既人 5-10 分鐘就行到去和樂邨或者地鐵站。
20 分鐘一班既旺角線？唔會。

當年邨入面係有落安基苑小巴，但下下都等成 15-20 分鐘，最後等到佢地班居民唔想等，所以行番去上 11B／11C 行入去；或者行上協和街搭其他車。
但 89 係證實左牛頭角街市 - 翠屏係有流水客，問題係，點解當年紅小做唔住？

翠屏 - 旺角係跨區客，跨區客係唔介意行，但好介意班次，而區內真係太多落旺角更好選擇。
而且，最大問題係，13D 落翠屏 20 分鐘一班？我當唔太塞車，再搭多 35-40 分鐘出旺角。

返黎仲死，大大條 16 係正泳池、警署搶南邨生意；加埋完全好吸引既油旺紅小呢。
係北邨叫有少少市場，南邨既居民真係費事係旺角等果 20 分鐘。

同埋翠楣樓好似係成個翠屏第二最近和樂邨巴士站的一座，要比較都似乎至少應該揀翠榕樓去比

真係呢，睇地圖睇清楚少少。咁大個笑話都講得出？
成個翠屏最近和樂邨巴士站果座係翠楠樓同翠梅樓，就算輪街症係都翠愉樓先到翠楣樓。
翠楣樓其實行上去曉麗苑巴士站，其實同和樂邨巴士站唔係差得太遠，
我識人直頭上山搭 13X 出佐敦，只係條樓梯唔係人咁品。

遲下翠揚樓、翠楣樓仲可以受惠於曉明街公屋項目，直接上金茂坪戲院仲快過去和樂邨。
翠揚樓、翠楣樓、翠榕樓既居民，以及曉明街班學生呢，其實係想要扶手電梯系統上曉光街／地鐵站搭車，多過求其拉條三不像既線落翠屏道。
最少佢地去新都城「終於」唔洗行樓梯。

dennis28a 發表於 2016-9-3 00:21
我每日都係度問，不論 213X，何得何能做德福淘大批客？
不論寶達好（13X），安達好（213X），單係回程返 ...

不過牛頭角街巿視乎咩位置，行去牛頭角上村搭 13D，可能仲遠過去振華苑坐 13X/213

依幾句其實係道出點解 13D 仲存在既價值。
物華街果個站真係唔少人上 13D 返上山，你竟然咁想殺 13D 拎 11X 補飛，係唔係好應該做番物華街？

見 #27

你一直淨係識睇地圖，但從來唔識分機場客、區內流水客、長途跨區客既分別。
如果區內流水客真係肯行，2A 淘大條龍根本要消失，振華苑條條線都上到樂華，仲有得比人選擇入總站定係去小學，區內流水客根本唔肯行。

最好趣既係，綠小 89A 夠開左線一陣，係正臭明渠有站，但都唔夠力去搶晒班 13D 上寶達班流水客，
89A 平又平過 13D，究竟 13D 淘大個站養緊批咩野客？好問題。
但好肯定你叫佢地行去觀塘道上 1A 或者 11C 再係上秀行番入邨；行去明渠上線小 89A 未必解決到問題。
唯一解決到問題係線小 89A 直接兜入邨，增加知名度／順利性，咁就有機養得番 13D 批客。

2A 28 點同？淘大上樂華距離幾多？上去秀茂坪距離幾多？
況且淘大德福附近合理步行距離內仲有成抽線上秀茂坪寶達，但去樂華的，附近真係得 2A 28，就算行去振華苑，都仲有 2A 28，最多咪多條 23M 入邨

我完全唔認同拎 11X 做雙向流水，安達也好、寶達也好。
你殺 13D 一定要拉 11X 入寶達總站，同時再拉上安達，我先唔計對 11X 依條脫班大師有幾大影響。我更加唔理麗港城班人。

我單問一句，11X 紅磡、九龍城去敬業街批番工客要放棄？
唔好考慮到 11X 改行觀塘道咁簡單。

咁 11X 東行客量差過西行唔少、現時走線拖慢山上行返屋企既時間的問題，係咪唔需要解決？

點都應該要既得利益者同 big picture 之間取平衡，唔係一句有班人反對就唔可以郁，都要視乎情況，
反而好似係你堅持要遷就你的意思去改線，今次就話有班人有需要唔郁得，但之前就無視其他例子的既得利益者，
只係自己一句有需要就要人地就範交線

至於翠屏問題順帶提一提：

你認為九龍城區有本事/能力/程序可以拉倒一個改善其他區巴士服務的建議？
又，大家都講道理既，咁有咩道理可以為左保住 11B 而阻礙翠屏改善本身巴士服務覆蓋？

有，11B 同 17 合併係一例。
翠屏係非常支持合併方案，原因係 17 會有個位數班次，依點係翠屏想要好多年既野。

佢地最後發現無左 17 係失望，但多左三條沙田線，佢地最後收聲。

11B/17 同 13D 改線的例子點同？
11B/17 係捆綁埋 11B 來做，一下子就搞到十三街無車出九龍灣觀塘，人地由有變無，點會唔反對？
但如果係改 13D 落翠屏，唔郁 11B 住，佢地又憑咩可以 slippery slope 到用「預料之後會影響 11B 客量導致減班」之類的理由，阻住地球轉？

仲要九龍城只係 13D 途經地區，而唔係總站區

會又點，依件事已經發生左。

重點係 89 去到淘大，本身用 11B／11C 去淘大批客個個轉投，加上 89 咁密，又唔洗係觀塘道行番入去。
13D 拉落翠屏，係完全做緊同 89 一樣（甚至更多）翠屏去淘大流水客。

另外，6P 定線好明題有問題。
根本唔應係九龍城設任何站，可惜東行方向偏偏係橋底鬥塞，唔塞依一段路，兩繁時間都爭幾遠下。

但 6P 如果全日兼擺翠屏道，係咪都會影響 11B/11C 客量先？

即係呢，你用 13D 落翠屏會影響 11B 客量呢個理由反對，係完全站不住腳，因為又唔見你反對 6P 去翠屏

搞清楚一件事，翠屏客既特性，唔係區區居民好似你咁睇有無車而唔理班次。
翠屏客係非常願意行出去搭車，而且我講緊既係，翠屏道兩旁既人 5-10 分鐘就行到去和樂邨或者地鐵站。
20 分鐘一班既旺角線？唔會。

當年邨入面係有落安基苑小巴，但下下都等成 15-20 分鐘，最後等到佢地班居民唔想等，所以行番去上 11B／11C 行入去；或者行上協和街搭其他車。
但 89 係證實左牛頭角街市 - 翠屏係有流水客，問題係，點解當年紅小做唔住？

翠屏 - 旺角係跨區客，跨區客係唔介意行，但好介意班次，而區內真係太多落旺角更好選擇。
而且，最大問題係，13D 落翠屏 20 分鐘一班？我當唔太塞車，再搭多 35-40 分鐘出旺角。

返黎仲死，大大條 16 係正泳池、警署搶南邨生意；加埋完全好吸引既油旺紅小呢。
係北邨叫有少少市場，南邨既居民真係費事係旺角等果 20 分鐘。

咁你答我一個問題，13D 如果落翠屏，係咪一個新客都唔會有？係咪唔會令到翠屏更方便？
只要有新客，唔理數目幾多，而舊客全部可以用其他路線吸收，唔係可以帶來客量同收入增長？

又，秀茂坪往返旺角太多線重疊，撥亂反正，重新分配資源，唔係更理想的整體規劃？

exspeed 發表於 2016-9-2 14:21
咁快就話213X冇客？

安達入左伙幾耐？入哂未？

sorry，真系唔體好呢條線，特別系其實嚴格黎講，個獨市系得安達邨...

至於非獨市但比較有價值既，系得尖東特快，但尖東特快，做起極有限，因為有條28以班次、價錢優勢搶客...

安泰我相信用黎擺多過做，行落去搭26好過，我當安泰死既(流水？唔系掛)...

流水？至少牛頭角上山冇得做啦，九龍灣下一站已經振華苑，仲要有小巴做...

S3BL100 發表於 2016-9-3 01:28
不過牛頭角街巿視乎咩位置，行去牛頭角上村搭 13D，可能仲遠過去振華苑坐 13X/213

嘩，你都係收番個「可能」吧。
除非你願意非常橫過馬路，或者你係瑞和街紅小站頭，否則我行過成千上萬次，
我結論係街市座樓任何一個出口行去 13D 個站，一定近過行振華苑，仲要過少條馬路（果條馬路好過，就唔會日日咁多人非法橫過馬路）。

見 #27

咁 11X 東行客量差過西行唔少、現時走線拖慢山上行返屋企既時間的問題，係咪唔需要解決？

點都應該要既得利益者同 big picture 之間取平衡，唔係一句有班人反對就唔可以郁，都要視乎情況，
反而好似係你堅持要遷就你的意思去改線，今次就話有班人有需要唔郁得，但之前就無視其他例子的既得利益者，
只係自己一句有需要就要人地就範交線

咁你姐係否定 11X 去敬業街既功用？
你究竟知唔知 11X 早繁最賺錢係邊一段生意？

你下下講 Big Picture，試問依班客可以搭咩？上 15X 由頭塞到落觀塘站？
搞清楚因果先，東行客量差過西行，因為下繁西行單係 apm 同創紀之城都足夠獨立成線。
而 11X 東行只做到成業街、敬業街；而做成個創紀之城，創紀之城一直上緊 15 同 15X。
另一個因素係 11X 落唔到機隧，東行客量試問有幾好？每日塞出九龍城都浪費晒唔少人時間。

我幾時講過 11X 唔改呢？但係唔係應該拆番幾條線呢？15X、93K 根本可以拉落水改。
我一直主張有線直踩觀繞上山，你忘記唔緊要，
但康翠（或安達）、寶達、上秀，以今時今日既客量，真係無能力開條類似 297P 既物體出黎？
15X 同 11X 係唔係可以掉換東行路線？而且 15X 改行下路，係行承啟道（當通車後）往返啟福道？到時想做埋創紀+泳池（敬業街）又得。

根本 11X 有更大空間重組，而唔係為左 11X 上山慢，只改 11X。
我真係唔認同秀茂坪特快批客同觀市流水客掛咩野勾。
而且，你咁拉直 11X 對觀塘山吸引力好有限，做埋流水客咁叫改善東行慢既問題？不如改番名做 13A？

Big Picture 嗎？沙中線過多幾年就殺到，11X、15、17 總會有一條線出事，
當連 101 命仔不保既情況下，上下路同啟德南點分工係遲早既事，仲可以解決 11X 東行落唔到機隧而塞九龍城問題。

2A 28 點同？淘大上樂華距離幾多？上去秀茂坪距離幾多？
況且淘大德福附近合理步行距離內仲有成抽線上秀茂坪寶達，但去樂華的，附近真係得 2A 28，就算行去振華苑，都仲有 2A 28，最多咪多條 23M 入邨

28B、13X、213X、619、紅小都好似去到大半條樂華邨，只係過條馬路／隧道姐，
而且，樂雅苑少人落車咩？點解我唔覺既？

我真係想請教咩係合理步行距離？好似由淘大行出觀塘道，再係上邨行番寶達，其實係遠過我係淘大行番上樂華間百佳（後者我又行過好多次）。

不過我經驗呢，行得去振華苑既朋友根本唔爭在行上邨，你識行只係行少少樓梯。

11B/17 同 13D 改線的例子點同？
11B/17 係捆綁埋 11B 來做，一下子就搞到十三街無車出九龍灣觀塘，人地由有變無，點會唔反對？
但如果係改 13D 落翠屏，唔郁 11B 住，佢地又憑咩可以 slippery slope 到用「預料之後會影響 11B 客量導致減班」之類的理由，阻住地球轉？

仲要九龍城只係 13D 途經地區，而唔係總站區

你而家搞到山腰既人無左條大角咀／亞皆老街線，而偏偏係協和街又真係最有客去依兩點。
而且，我又問，係唔係下路無車返觀塘無得搞先？上路又 11X、15、15X、17，根本唔係無空間討論。更何況放工返下路大大條 11X 同 15X 係度。

另外，11B 而家幾多分鐘一班？仲減？一減，定點班次係去到 20。對翠屏又係好事？
佢地講明係要求 11B 加班，再減？你除左要同土瓜灣交代，仲要同翠屏交待，點解減 11B 車都只係換 20 分鐘一班 13D 落黎？

但 6P 如果全日兼擺翠屏道，係咪都會影響 11B/11C 客量先？

即係呢，你用 13D 落翠屏會影響 11B 客量呢個理由反對，係完全站不住腳，因為又唔見你反對 6P 去翠屏

我倒轉頭問，觀塘道 - 翠屏班客好似咁多年都係見咩車上咩車。
6P 就算會搞，都係 11B／11C／89C 觀塘區入面爭客。
因為落左彩虹道，西行根本去唔到九龍城（甚至根本唔應該經）；而 13D 係同 11B 行緊大馬路，又點會唔跌多舊客？

咁你答我一個問題，13D 如果落翠屏，係咪一個新客都唔會有？係咪唔會令到翠屏更方便？
只要有新客，唔理數目幾多，而舊客全部可以用其他路線吸收，唔係可以帶來客量同收入增長？

有，但只限區內流水客。
而最大問題係，依批區內流水客根本用緊 89 或者行緊出觀塘道上緊 11B／11C／89C。

一係完全唔理將 13D 既客，直接送比綠小 89A。
或者為左 13D 縮線保客，而強拉 11X 入牛頭角道，但同時跌晒 11X 敬業街批早繁客。
加上，我一定保證寶達批客唔會流入 1A／11C 手中，再行上寶達（尤其係 11C，上山慢到呢）。

我又問你，就算 13D 儲到一個新客，咁會唔會係改線中跌左其他客？
而且 13D 塞落去翠屏有幾大「前途」？他日和樂邨重建，13D 直頭可以摺線。

不如真係落下區問下，翠屏既人點去旺角先啦。
13D 係翠屏道要 40 分鐘出旺角，仲要未計塞車。

同一時間，你都話 1A 係秀明道行上寶達係合理距離，
其實呢，瑞和街市政大廈去觀塘站同翠屏噴水池去觀塘站差唔多。
其實呢，淘大近利基行去振華苑，係遠過我當年係翠柏樓行去月華街巴總既。
其實呢，和樂邨最遠果幾座行去巴士站，係遠過翠楠、翠梅樓行去和樂邨巴士站。
真心，其實成條翠屏道交通唔係咁差，全部都係「合理距離」入面。

你講到翠屏道去咁慘，點解唔數義安、民安、恆安樓（恆安根本係翠屏邨）？佢地行番落翠屏道巴士總站係好近。

無意發現左一點，翠安、翠愉樓除左行大馬路，今時今日係有另一個更好選擇落港鐵站，
不論上月華街定係落翠屏道，時間其實差唔多，都係 10 分鐘內。

PS：另外呢，提提你，其實翠屏道車流已經可以唔流入容鳳書而可以直轉去觀塘道。

dennis28a 發表於 2016-9-3 04:05
嘩，你都係收番個「可能」吧。
除非你願意非常橫過馬路，或者你係瑞和街紅小站頭，否則我行過成千上萬次， ...

但係唔係無其他選擇先？係咪為左一個站行近少少，就可以左擁右抱，繼續資源錯配落去？

咁你姐係否定 11X 去敬業街既功用？
你究竟知唔知 11X 早繁最賺錢係邊一段生意？

你估我唔知 11X 做緊碼頭區一帶返工客咩，但值唔值得因為咁而拖累條線全日其他時段客量？

呢個位，真係要做，根本只值上繁特別班次，但其他時段，如果直行觀塘道，其實係方便埋黃埔/紅磡邨一帶去九龍灣至觀塘巿中心沿途

我同意可以拉埋 15X 甚至 93K 重組（不過 93K 要顧及將軍澳意願，
根本應該除左開行山 297 特車外，成條線執笠換其他野，但唔講太多離題野），
不過就算 11X 自己一條亦唔係唔改得。

只係 11X 改完可以送 15X 回程行繞道直飛藍田。
根本 11X 行繞道兜路浪費時間，15X 行繞道順路，我同意兩條線應該調轉

Big Picture 嗎？沙中線過多幾年就殺到，11X、15、17 總會有一條線出事，
當連 101 命仔不保既情況下，上下路同啟德南點分工係遲早既事，仲可以解決 11X 東行落唔到機隧而塞九龍城問題。

我同意第日承啟道連接土瓜灣道通車後，11X（甚至 297）可以改行，
但就算今日道路網，11X 送上橋，新山道直飛九龍灣，已經避開九龍城塞車

28B、13X、213X、619、紅小都好似去到大半條樂華邨，只係過條馬路／隧道姐，
而且，樂雅苑少人落車咩？點解我唔覺既？

我真係想請教咩係合理步行距離？好似由淘大行出觀塘道，再係上邨行番寶達，其實係遠過我係淘大行番上樂華間百佳（後者我又行過好多次）。

不過我經驗呢，行得去振華苑既朋友根本唔爭在行上邨，你識行只係行少少樓梯。

我想講既，正正就係，因為淘大上樂華實際距離近過去秀茂坪好多，所以更應該門口就有得上車。
但去秀茂坪情況根本唔同，唔可以咁比較，行多一兩個街口的距離，對比起整個行程的距離，係好短。

何況觀塘道本身都有車上秀茂坪，已經截左成堆德福客，
唔似得淘大 2A 28 係做緊德福加淘大。如果真係要計客量，13D 淘大上車去秀茂坪方向客量比起 2A 28 差九條街

你而家搞到山腰既人無左條大角咀／亞皆老街線，而偏偏係協和街又真係最有客去依兩點。
而且，我又問，係唔係下路無車返觀塘無得搞先？上路又 11X、15、15X、17，根本唔係無空間討論。更何況放工返下路大大條 11X 同 15X 係度。

另外，11B 而家幾多分鐘一班？仲減？一減，定點班次係去到 20。對翠屏又係好事？
佢地講明係要求 11B 加班，再減？你除左要同土瓜灣交代，仲要同翠屏交待，點解減 11B 車都只係換 20 分鐘一班 13D 落黎？

我倒轉頭問，觀塘道 - 翠屏班客好似咁多年都係見咩車上咩車。
6P 就算會搞，都係 11B／11C／89C 觀塘區入面爭客。
因為落左彩虹道，西行根本去唔到九龍城（甚至根本唔應該經）；而 13D 係同 11B 行緊大馬路，又點會唔跌多舊客？

13D 就算搬去翠屏，來回都仲停和樂邨

同埋我幾時有講過 13D 搬去翠屏的同時就即時減 11B 班次？

13D 去埋九龍城，但如果行牛頭角道協和街好似你所講咁慢，根本就唔會對 11B 九龍城客量有咩影響，仲要收費差兩級。
但 11B 翠屏乘客，來往觀塘道似乎仲多過九龍城，而 6P 全日又要疊一疊，唔通唔會對 11B 客量有影響？影響唔係更大？

你只係搵對自己有利的 point 來講

我又問你，就算 13D 儲到一個新客，咁會唔會係改線中跌左其他客？
而且 13D 塞落去翠屏有幾大「前途」？他日和樂邨重建，13D 直頭可以摺線。

不如真係落下區問下，翠屏既人點去旺角先啦。
13D 係翠屏道要 40 分鐘出旺角，仲要未計塞車。

同一時間，你都話 1A 係秀明道行上寶達係合理距離，
其實呢，瑞和街市政大廈去觀塘站同翠屏噴水池去觀塘站差唔多。
其實呢，淘大近利基行去振華苑，係遠過我當年係翠柏樓行去月華街巴總既。
其實呢，和樂邨最遠果幾座行去巴士站，係遠過翠楠、翠梅樓行去和樂邨巴士站。
真心，其實成條翠屏道交通唔係咁差，全部都係「合理距離」入面。

你講到翠屏道去咁慘，點解唔數義安、民安、恆安樓（恆安根本係翠屏邨）？佢地行番落翠屏道巴士總站係好近。

咁要睇下跌左既客到底係走左去其他九巴路線，定係走左去其他競爭對手

但 89A 唔入秀明道、唔入寶達邨，行得去 89A 站頭，13X 都只係隔一個街口，我就唔認為會倒左班淘大客落去其他交通工具

點都好，重點係，就算翠屏講到好似你咁方便都好，事實係 13D 搬落旺角，可以理順資源錯配。
對比起有五條旺角線的秀茂坪，仲要流水客有齊替代品，13D 走去做距離地鐵站至少 10 分鐘腳程的翠屏，都好過秀茂坪完全執唔到九龍城旺角客

如果翠屏真係咁方便，就唔好提話咩 6P 全日入翠屏，因為兜彩虹道的 6P 比起行牛頭角道的 13D 更差

點解觀市D人成日都想食左人地條13X
好好味呀？

安達差唔多叫開夠4條線比佢，仲要213M海量轉乘，同區舊屋邨對比都無安達咁多著數位，
仲想食更多資源？拉線究竟車從何來先