九巴11米雙層巴士終極之旅 - AV531 (HW225) @ 72X (已加相)

九巴由1986年開始購買奧林比安 11米, 在港九新界不停穿梭30載, 成為九巴車隊的中堅分子....
本由利蘭廠製造, 之後富豪收購之後就依舊生產, 累計都供應左左近千二架11米三軸雙層俾九巴,
直到98年停產, 由低地台超豪取代為止.....

本文主角 AV531 - HW225 係最後出牌的十一米冷馬富豪之一,
有網友指 最後三架 (AV529-531) 首航係俾85M 線 - 穿梭錦英, 馬鞍山同埋東九一帶....

在1999年 HW225 首掛來往沙田圍去長沙灣的86A, 86A 加金後轉去來往東九龍去濱景花園的 82X 線,
亦曾長駐新田圍出西九龍的 87A, 後期重返新田圍, 做 89B掛牌, 到2015年做後備,
去年尾更被拉去北上做後備用車, 直到退役....
(比其他同款車更早北上做替車)....

做替車期間, 成堆北上白板 (連埋 HW225) 不時都會行走大埔 特快線
同埋區內線.....

LAST ROUTE: 72X-S4 > S2
來往大埔至旺角的72X 一向都係尾日車熱門用線,亦難得有司機愛渣舊車......
HW225 都係成日做 72X 替車....
我都跟朋友坐過佢, 架車公路表現OK, 上斜麻麻,
有指架車好重軑同無力, 同埋起初冷氣不足.....
後尾整過好一點........

到九巴最後三架十一米白板退休當日, 沒想到 排在隊尾的 AV531 (HW225)
會出車, 因為平時 大埔上水廠的到期車, 到期當日或者夠十八年就封車不出....
今次係三架車一起到期, 難得埔廠今次跟總廠同步派 HW225 為11米雙層巴士
做全面謝幕.....

當日三架最後的十一米車最後路線都穿越獅隧......
我就在下午一點八先去奧運站睇位影相, 上車前都影多張就
會合車上朋友. 難得架車係由愛舊車的司機渣,
架車除左上映月台慢之外, 公路表現也理想,
轉眼就到大埔中心.......

到總站, 三點三左右, 我趁機影下層同埋司機位相, 後再下車影.....

在那一刻, 站務職員突然通知S4司機換車, 渣 AVW LL3708,
由另一位司機 (即係 渣 3708 果位) 替, 更份亦由 S4 轉為 S2,
開車時間提早 10分鐘, 即係1530開車....

之後有非證實消息話又話架車做多一轉就套車拆牌, 我就坐後車追,
再回到奧運站再上 225, 亦會合另外的朋友, 再坐去埔中了解...

到埔中, 亦多左巴迷去影相, 有部份都好忘我地影, 司機熄車後留在車內,
要職員叫落車.....

究竟架車最後有無做? 下段自有分曉.....

Final round
最終, 架車在1750 最後一次開往九龍, 開車到廣福, 上層都坐滿哂,
當時到放工時間, 坐滿也是正常

途中得知 HV果兩架去左80, 就決定在獅隧口轉車去九龍灣睇果兩架....
獅隧口落車, 就影車尾, 留下特別情景.....

上車去東九時, 睇到鑽石山去新界方向有意外, 就決定只影不坐....
下面 LINK 可以睇埋站友分享的尾日紀錄 (我影左 9280)
http://www.hkitalk.net/HKiTalk2/ ... 9532&extra=page%3D1

九龍灣最終只影到 HV9290, HV9680 前一日都坐左佢行286X, 就當是提早送別吧!

之後我坐鐵去九龍塘想再坐 HW225 終極一單,
因為我當晚去左東九龍, 在柏景灣的相就用架車做全日車果陣當留影.....

架車七點半多點埋站, 都企滿, 還好都上到車企位.....
到映月台上多兩個, 上完斜, 就最後一次滿載入獅隧跑公路....

車長漸進式踩油門, 慢慢把車子推到獅隧出口, 再推出公路最後奔馳......

架車的最後一程, 滿載著行家同埋搭客, 架車更代表十一米版本去結束
Olympian 白板行走公路的生涯,  也為九巴叱吒一時的車款做最終的謝幕....
終於回到大埔中心, 架車停在307站後面, 代表架車收工, 職員上前指示司機拆牌....
我也過對面為 HW225 做最後留影, 見證佢拆牌的一刻....

不久, 車子清空了, 我都趁機去出站位, 等佢離開總站轉彎,
同行家一起影架車門位, 係終極一影, 影完架車就先返埔廠,
再之後被拉回沙田總廠封車榮休.....

相信好多巴迷都會百感交集, 更不會忘記90年代的冷馬大家族...
我成日都坐夕陽白板跑72X 不下數十次,去享受跑吐公的暢快感.....

白板去後, 公路都是金車的天下.....
相信以後, 做72x 的尾日車都會係金車吧!~~~

Goodbye and Thank you,
KMB  11M Olmpians (1986-2016)!

現加多五張 HW225 退前一至三個月做 72X 的留影,
都轉左唔少廣告, 架車轉眼就退左就快一年....

唔係成日坐佢但不時都見佢替 72X,
有張梯位相剛好有輪椅客在等, 就構成見白板望車興嘆的場景....

87A 係博康
89B 係沙田圍

當年掛87A堆AV都算幾好力水
HT1808 HU6639 HU8225 呢幾架都幾爽
上澤安好過唔少2F 2B既ATS/AV
係HU7455 特別無力

Lawliet 發表於 2017-7-24 03:49
87A 係博康
89B 係沙田圍

只承認呢批車同HU 牌AV/3AD 係最後白板!

最後白板係JD 鳩? 我呸!  得班傻人先會去追果兩部JD 鳩
呢堆垃圾一早到左, 係狗巴唔想砌, 先會出到JD 牌咋!

hardplastic 發表於 2017-7-24 12:11
只承認呢批車同HU 牌AV/3AD 係最後白板!

最後白板係JD 鳩? 我呸!  得班傻人先會去追果兩部JD 鳩

咁ATS50一定唔係最後膠牌車,3ASV JH4035已經係最後膠牌車
照你咁講應該都係得精神病先追焗爐鳩
建議你搵搵料先講野,應該係調番轉臨時將ATS改做呢批車就真