本帖最後由 ctb7k-pc6795 於 2017-4-24 23:06 編輯
今日係中秋節, 人月兩團圓的日子, 11米白豪也離開九巴載客車隊有一星期........
去年今日係一個對各位巴迷都係特別的, 因為九巴白色清客神器 - 12米大富豪
在當日係最後一日服務....
3AV337 - HH9257 新出牌係 K 廠, 先後服務 東區過海線 106 同埋將軍澳線690,
同時下層拆除部份座位成企位, 增加運載力.
之後再入沙廠做短暫過客,再入上水廠為兩大皇牌線 277X / 279X 清客,
再因為 279X 水廠轉一更俾荔廠而在 2007年入荔廠;
八年來 荔廠唔少皇牌大線 佢都行過哂 , 真係行哂四大廠......
到去年今日, HH9257 被特別安排行走 4 大過海線,
先分別做單向全程, 再做另外兩線的中載加班車.....
架車下午出廠後由美孚出發做102, 然後在筲箕灣的去天后做一單948,
行西隧同埋西九龍快速公路遠征青衣....
我在放工後都收到消息架車做完948後再會做過海線, 但途中消息混亂,
就去醫肚先.......
之後聽到架車去到長宏就私去紅隧口, 再不久有行家報佢做118返小西灣....
就即刻通報俾我戰友, 雖然我坐不到, 但我都成功協助佢地上到車都好開心......
架車到藍灣半島, 有行家通報 司機已轉 蘇屋 112牌, 即係架車會做1單112 埋單,
就與行家保持聯絡, 自己就去紅隧口等, 務求成功上到同埋影到架車.....
最後戰友證實架車在維園對面去載返蘇屋.....
同其他在紅隧的行家等了又等, 大富豪終於出紅隧到站, 就趁上車前影左數張入站上客相....
上車後, 車子最後一次駛經彌敦道油旺區, 最後一次走過五光十色的街道......
返到蘇屋, 一個重建中的屋邨, 我兩年前歡送新巴鷹的地方...
全部行家都下了車, 亦把握最後五分鐘去留影......
五分鐘轉眼就過, 司機亦都上番車拆牌, 同埋再次開動引擎, 把車子駛回車廠退役,
九巴大富豪就在它的起點 - 過海線 終結載客生涯.......
寫完, 再次祝大家中秋節快樂!~~
|
