復古富豪 AV442 (HT1532) 的最後東九循環: 85M

AV132 - HT1532 在十八年都有一些時間都係跑公路,
計有由新落地在元朗廠跑968, 到276P;  轉荔廠後跑城隧43X
同埋重返屯公欖隧的251M, 再到251M減車後入沙田跑馬鞍山路的86C
都係離不開公路....

如果有留意特見版, 都會知 呢部車頭復古的 AV442 - HT1532
最後5日都俾左馬鞍山對外線, 穿梭大老山隧道去東九龍,
當中有兩日下段更加因套車入埋西貢....

自從四月尾坐過佢做269D 重返大西北後, 對架車表現都改觀,
架車平路好好跑, 上斜也不太慢, (車長的表現也應記一功)....

果次行完269D 後, 車頭廠徽同編號被復古, 貼返白色的地方....
再不久就被貼上 上一代廠徽, 編號轉去近車門位, 再加上一代冷馬標貼
臨尾一兩日車頭中間更加上土炮富豪出牌 (如圖), 不過最後的貼法有點多餘了.....

講番正題, 架車做85K - S1, 都係先由恆安做一單去沙田站,  
再私去新港城做 89P 開車去藍田,  再返去85K,來往恆安同埋沙田站,  
下繁再去錦英苑做三轉85M 埋尾......

我自己就在尾日, 即係架車到18年的當日 - 今年5月12日,
坐85M 果尾兩三單....
當日我在鑽石山撞見其他戰友, 都一齊影當日退的富豪....

不久, 本文主角就入站, 但入站前, 有少少阻滯,
我地就趁機影多張梯位, 再行入站去上車, 享受架車跑公路的快感.....

架車行駛途中, 無人企近梯果邊水塘位, 原來有 大黃蜂, 唔知邊度入來!!!
好在客都好鎮定, 坐下層車頭的巴迷更專住在享受架車跑隧道跑公路的一刻....
我之後在恆安落車, 就影門位同 車尾梯位.......
(其實架車最原裝係車尾塊黃色車牌, 新出都無換過....)

之後再坐車上錦英苑, 下面再分享終極一單吧!

坐數站當然未夠喉, 到總站就用手機影多張,
再趁架車開前影多張車頭位今次上車之後, 黃蜂似係走左....
之後我另一位朋友就在富安花園恭侯,
再上車享受最後的循環....

到黃大仙, 我同其他行家下車, 再去影架車梯位,
同埋上客站都去留影, 影完再上番車, 迎接架車終極的一單.....

到鑽石山, 架車頂哂閘, 之後都不停轉車站, 直去沙田醫院...
架車到富安花園都係頂閘, 之後再最後一次跑馬鞍山路,
有一小段先落後即上的斜先再去恆安,
最後都跑過了, 在恆安先開始多人上落......

車長在最尾一單都全力策騎, 架車表現都無因頂閘而失色,
依舊出色, 令各位在車上的巴迷都有難忘回憶.....

轉眼就返到錦英苑, 天色已黑, 亦代表架車要踏上歸途, 說再見....
難得架車無被拆牌, 影多一張車頭相, 車長拍完卡, 就上車熄燈,
將架車駛離總站, 返回車廠退役.....

呢次亦係11米白板最後一次做85M 埋單....
記得85M在富豪新落地都做過首航線
(例如 3+2 的 AV111, 尾三架 AV529-531) -
Source - italk facebook page)
更長期做主力十多年, 直到最後的一刻....

架車最後一次在85m 亦圓滿地
結束 85m 白板活躍的日子.....

長文分享完畢.....Goodbye and thank you again, HT1532!

跟相