講真, 係咪有d人太投入支持果隊波...呀唔係, 係支持果間巴士公司所以諗太多
如果, 偷雞堅係對巴士公司損失重大, 你估佢地唔即刻飛上去運吉投訴對家偷雞?
其實根本大家都有偷大家雞, 好似條街d大排檔, 你放出兩格階磚, 我又放出兩格, 霸霸下大家都霸左半條街, 大家都冇乜所謂 (如果行人/街坊唔投訴, 衛生邦又唔做野的話)
講到巴士, 多左車邊個客仔會投訴, 反正一家獨大佢都唔會派夠車清客清得咁快.
兩間公司互相係大家時段抽大家水其實大家都有著數, 反正幾多客你都清唔晒, 咪隻眼開隻眼閉囉.
唯一會有的衝突, 其實可能只係低層員工, 可能係兩間公司稽查睇唔過眼, 上頭叫你做下樣落去棟係度睇住對家,
你就同對家個邦辦鬧交, 對家同你唔順超回兩句鬧多兩次可能打交.
兩家司機可能因為爭線抽頭開火, 去到總站落車口角...... 除此之外其實可能公司上頭根本就唔mind.
|
