本帖最後由 lwb701 於 2016-11-8 10:33 編輯
現有路線：14X（鯉魚門崇信街→尖沙咀），循環線
前言：14X為鯉魚門提供直接來往東九龍的特快巴士服務，亦取代219P線為麗港城一帶乘客服務。然而本線班次疏落行(除一至五繁時20分鐘一班外，幾乎全日30分鐘一班車)。
加上本線行車路線及客源與現有215X線有亦相當程度的重疊。故本人建議14X線修改部份行車路線，開拓新客源。
建議起迄點：14X（鯉魚門崇信街→尖沙咀），循環線
建議路線：
由鯉魚門總站至尖沙咀中間道分站(即原本1-14號車站)路線/停站不變；
原有路線至中間道站後→梳士巴利道→九龍公園徑→廣東道→佐敦道→加士居道→至山谷道站後返回原有路線。
建議修改路線分站如下：
[15]九龍公園徑，
[16]中港城，
[17]柯士甸站，
[18]佐敦上海街，
[19]佐敦志和街，
[20]衛理道，
後返回原有路線：山谷道分站。
建議的好處：
對於佐敦西/佐敦道來往東九/觀塘的通勤客而言，現時乘坐14($6.8)/A22($7.0)線雖然能夠一程前往觀塘市中心，
但需取道馬頭圍/九龍城/觀塘道等塞車黑點，返工放工的繁忙時間行車需時，
即使步行至彌敦道南京街分站乘坐13X/213X/224X等機隧線，最遠亦只能去到九龍灣或牛頭角。而219X則直達麗港城不停觀塘。
以上建議的14X修改路線，則能為尖沙咀西部/佐敦道一帶乘客提供更直接往返東九龍的巴士服務。
亦希望吸引原本乘坐14/A22往返觀塘、藍田及油塘的客源，能夠在沙中綫通車線吸引他們轉投價錢較貴、但走線更直接的14X線。
建議新增八達通轉乘：
首程14X→免費轉乘→215X
(建議轉乘地點：觀塘)
以彌補原有使用14X前往尖東一帶的乘客。
純粹虛構，歡迎指教。 |
|
|
italk亞氏保加症討論者通病：魚蛋論、離地
|
|
|
|
|
|
本帖最後由 s_mopiko 於 2016-11-9 12:34 編輯
改走經柯士甸站, 放棄尖沙咀回程我有少少保留. 原因現在客流主要係: (i) 油塘官塘 → 尖沙咀: 少客 ; (ii) 尖沙咀 → 油塘官塘: 多客. (iii) 以前14x 曾行走佐敦上海街, 志和街回東九龍,
用左一年時間印証左果度係一個死位, 無人搭, 九巴第二年度急急止血, 改落尖沙咀, 所以唔建議咁修改.
另外 提及14x和215X線有亦相當程度的重疊, 但經仔細分析, 215x 食中乘客需求 (藍田山, 海港城, 漆咸道南無鐵地方), 而14x 踩中晒紅小及港鐵沿線 (佐敦道彌敦道), 所以少客, 現在客源主要係由無鐵漆咸道南起回程東九龍一段 
回顧當初改變14X改落尖沙咀既目的, 一黎係想回應油塘要求有直車去尖沙咀, 以及開拓官塘有快線落佐敦, 二黎係回程幫215X清漆咸道理工客, 諗住叫兩味可以夠客.
點知去程官塘油塘客都嫌佢先佐敦後尖沙咀, 經常塞晌加士居道衛理道及彌敦道南行達 10-20分鐘, 攪到個個寧願比貴D, 走晒去搭忘命紅小; 而官塘道乘客往尖沙咀直情面前有部14x到達都唔上, 死等215x. 証明官塘去佐敦既巴士快線效用唔大. 
===============================
 建議 (一): 14x 改成 215x [精簡版] 放棄佐敦, 改行漆咸道南前往尖沙咀
彷效215X 尖沙咀走線, 行漆咸道南→梳士巴利道→九龍公園徑→左轉入廣東道→新港中心→梳士巴利道返回原有路線, 其他不變.
好處: 取消車站[10-13], 完全避開問題塞車位, 穩定車程時間, 以及真正有條件去吸納油塘官塘去尖沙咀既港鐵客源和分擔215X 壓力
壞處: 喪失佐敦道及恆豐中心微量客源
--------
建議 (二): 14x + 215x [混合版] 保留佐敦服務, 行經漆咸道南+佐敦彌敦道
彷效215X 往尖沙咀走線, 先經漆咸道南→梳士巴利道→九龍公園徑→廣東道→柯士甸道→右轉彌敦道→返回原有路線, 其他不變.
好處: 取消車站[10-11], 避走加士居道衛理道,佐敦道及恆豐中心塞車位, 及油塘官塘道乘客可獲得215X 往尖沙咀既便利
壞處: 仍要塞彌敦道南行, 但可保持彌敦道回油塘官塘服務
===============================
資料參考:
創紀之城 → 尖沙咀東鐵路站 (現時走線車程)
215X : 18 分鐘
14X : 35 - 50 分鐘 (兼要等30分鐘一班)
結論: 油塘官塘去尖沙咀少客和14X 客弱既死因
|
|
|
|
|
|
|
|
|
本帖最後由 lwb701 於 2016-11-9 13:57 編輯
s_mopiko 發表於 2016-11-9 12:30
改走經柯士甸站, 放棄尖沙咀回程我有少少保留. 原因現在客流主要係: (i) 油塘官塘 → 尖沙咀: 少客 ; (ii) 尖沙咀 → 油塘官塘: 多客. (iii) 以前14x 曾行走佐敦上海街, 志和街回東九龍,
用左一年時間印証左果度係一個死位, 無人搭, 九巴第二年度急急止血, 改落尖沙咀, 所以唔建議咁修改.
用左一年時間印証左果度係一個死位, 無人搭, 九巴第二年度急急止血, 改落尖沙咀, 所以唔建議咁修改.
我認為14X改到呢家咁，唔係叫止血，而係改吸215X血咁解。
當年死得咁慘，唔多唔少係因為老九高估左佐敦道客源，總站放中港碼頭，靠佐敦道嘅客源，仲要雙向線真係死得。
唔似呢家新開嘅循環線(好似213X咁)，可以一班車做曬雙向客源。
只要某時段其中一個客源做得起，就可以同時服務埋細客源嘅地方。
反而我想知朝早油塘觀塘出佐敦多唔多客。
如果真係好似你咁講，觀塘客出尖沙咀係寧願等215X都唔坐面前嘅14X的話，
我諗不如14X放棄彌敦道尖沙咀、留佐敦尖東好過。
始終觀塘得14X一條快線落到佐敦，希望繼續一班車可以做曬雙向客源。
考慮到要顧及[油觀>佐敦]、[尖東>觀油]兩大客源，我有以下建議。
原線 > 佐敦道 > 廣東道 > 梳士巴利道 > 原線
(分站：原線至九龍佑寧堂 > 白加士街 > 炮台街 > 柯士甸道 > 新港中心 > 返回原線尖東站)
好處：
(1)保留唯一[觀塘>佐敦]快線、
(2)繼續食[尖東>觀塘/油塘]客倉、
(3)尖東客可以繼續同時叫14X/215X雙飛返觀塘、
(4)觀塘出廣東道/尖碼多條線選擇。
壞處：油塘觀塘>尖沙咀中部嘅客會無左條X線。
雖然都唔知有幾多個客咁神心等20/30分鐘坐佢兜佐敦出尖沙咀。
考慮加個215X/219X/296D轉乘解決。 |
|
|
italk亞氏保加症討論者通病：魚蛋論、離地
|
|
|
|
|
|
新建議 (原線 > 佐敦道 > 廣東道 > 梳士巴利道 > 原線) 都可以考慮. 不過油塘客未必buy 喎, 原因有二:
(i) 油佐線紅小, 貴三蚊, 車程20-25分鐘, 比巴士慳足超過一半時間, 毫比佢
(ii) 14x 行經加士居道衛理道,佐敦道, 而家仲要入埋匯翔道呢邊廣東道, 塞上加塞, 又吾肯加車, 繁忙時間脫班機會率好高, 一般情況下連等連塞去到尖沙咀都要成個鐘頭, 差其他競爭者仍有段距離.
(1) 保留唯一 [觀塘>佐敦]快線:
觀塘人去佐敦多數坐有紅小, 車費和14x 相若, 收9 蚊, 只差一元半, 但車程就只約20-25分鐘, 同仁街或牛頭角道有總站, 近民居, 所以評估先佐敦後尖沙咀擔心既方案, 14x 未必有咁大吸引力.
(2)繼續食[尖東>觀塘/油塘]客倉 
(3)尖東客可以繼續同時叫14X/215X雙飛返觀塘
(4) 至於觀塘出廣東道/尖碼多條線選擇。以現在215x 線既班次, 觀塘出廣東道/尖碼, ok 唔差啦~ 
都係果句, 唔想因為幾丁客, 影晌一大班客, 希望盡量避行加士居道衛理道,佐敦道彌敦道南, 廣東道匯翔道呢D 出名既擠塞地點, 令到14x 拉近和紅小港鐵既競爭力 
|
|
|
|
|
|
|
|
|
改到同215X更重疊只會令14X更容易死
215X密過你成條街根本冇咩好執
而家亦證明到其實
觀佐係有紅小
但其實如果巴士線能夠直上直落既效果唔會差過紅小
當初14X既問題除左單食佐敦道同有紅小
更慘既係半個鐘一班點快都冇用
要有效分流215X既客源
應該係從不同站位上入手
而家有眼睇到所謂既分流係要等215X好耐都冇車先有用
|
|
|
某巴士公司疑似謊稱區議會重組方案經區議會通過
|
|
|
|
|
|
其實14X唔好再改線就真
因為，依家真係有班熟客..
其實如果陰乾14B換14X加班
長遠對14X有利既
但鯉魚門唔盡快變成多D樓既住宅區就咩都唔駛講
|
|
|
世界很簡單 人類很複雜
|
|
|
|
|
|
本帖最後由 lwb701 於 2016-11-10 09:54 編輯
我反而想知陰左條14B堆車比14X，究竟會比咩補償14B班客
因為，依家真係有班熟客..
你可以話係雞肋線
一堆老人家,C9,學生
好似同區另一條28B咁，
非繁有時單層夠做，繁時出單層就即頭要企甚至頂閘。
但係沿線的確有唔少位比行去坐地鐵吸引 |
|
|
italk亞氏保加症討論者通病：魚蛋論、離地
|
|
|
|
|
|
本帖最後由 lwb701 於 2016-11-12 13:42 編輯
你所講嘅「一大班客」係未指尖東往返觀塘果班？如果係咁，坐返215X就得啦。
唔好忘記尖東少左呢條14X線，本身都仲有條密密開嘅215X全日服務，仲要尖東係做跑道尾站(出尖東又係跑道後頭站)。
如果你要14X飛走佐敦變左剩係做尖東嘅特快線，不如你直接叫老九加多幾班215P比油塘好過啦。
至於你成日講嘅塞車黑點。呢家尖東出紅隧口果段早繁/晚繁咪一樣塞車，調返轉我都希望盡量唔好咁行。
分分鐘加士居道Cut返出去快線出山谷道果個位會快過你塞理工燈位+紅隧口燈位。
以秀茂坪/樂華/牛頭角>佐敦/尖沙咀為例，夜晚由住宅區出尖沙咀嘅人真係少之又少。
13X出尖沙咀可以做25分鐘一班都係得半車人出佐敦尖咀。
28就見過半車人紅磡已經落曬，得返唔夠10人係出尖東。
但係需求量低係未代表可以完全漠視果班人？
所以我自己就幾Buy老九新開循環線嘅走線(213X/287X呢類)，
可以一個班車做曬兩邊方向，同時照顧到同時段同大客流相反方向嘅乘客。
好似213X咁， 早繁做完較多客嘅[住宅區>尖沙咀]，轉個頭已經可以做[佐敦>九龍灣/住宅](較少客)。
調返轉夜晚，做幾丁友出尖沙咀，轉個頭尖沙咀/佐敦又執客返東九山上。
呢家早繁出佐敦客量真係有你講到咁差？我自己朝早見九展出佐敦都起碼坐滿7/8成位wo。
如果油塘出佐敦真係無肉食嘅話，咁睇返佐敦/山谷道一帶返東九嘅返工客。
朝早紅小真係有咁快？
加士居道、馬頭圍道、世運道迴旋處、太子道東、觀塘道，全部早繁都係塞車熱點啦。
有時8點幾係尖東坐條28去九龍灣果頭、馬頭圍道直頭塞到拉手制，
當然馬頭圍道個情況唔係日日咁嚴重啦，而唔塞車快極車程亦都要30分鐘以上。
好肯定嘅係行機隧夠直接，朝早返九東起碼唔會塞。
而且行加士居道上機隧返九東絕對唔慢。
我8點左右係佐敦上13X/213X，都只係塞一塞加士居道cut入紅隧條車龍，15分鐘內已經出到九龍灣。
而馬頭圍道塞到咁，仍然都有唔少人寧願坐差唔多要45分鐘車程嘅A22/14返九龍灣/觀塘。
有班人一早已經預左時間塞車都唔會比多$3.5坐小巴/落地底迫地鐵。係未真係咁多打工仔每日豪多$3坐紅小亦都係一個問題。
佐敦秀茂坪一樣有紅小爭，但係區內山上一條13X先佐敦後尖東，一條213X先尖東後佐敦。
前者日日爆滿，後者早繁都已經坐滿出尖沙咀。只要走線直接絕對吸引到人坐。
係我立場，佐敦一帶呢就真係得呢條14X，所以我最上面先建議，寧願放棄尖東留返比215X做曬佢。
一來真正坐14X出尖東嘅人唔多，因為出尖東坐215X一定比14X來得直接，坐呢條線十居其九嘅人都係佐敦、尖沙咀已經落左車。
而回程[尖東返觀塘]嘅人根本可以繼續坐返215X。無謂咬死唔放。
二來，[彌敦道南行>廣東道北行>佐敦]做回程又好、[廣東道南行>尖沙咀>彌敦道>佐敦]回程又好。
佐敦區只要跑道尾站根本都有吸引力。
另一點係，據講當年老九將條14拉入九龍站一排因為客量差就放返中港碼頭。
同10幾年前相比，今時今日九龍站旁邊已經多左好多住宅、寫字樓、酒店、呢家又有高鐵/西九文化區地盤，已經多左好多人都係果頭住/返工。
而如果要由九龍站坐地鐵去九龍灣/觀塘，就要兜上荔景轉，再唔係就行出去柯士甸站坐西鐵，佐敦紅小就佐敦道止步入唔到機鐵站，九龍站總站上215X又要兜尖東。
種種因素之下照計一條經佐敦道+機隧返東九嘅特快線，相比起要兜嘅地鐵，都應該有吸引力。
10年後老九仍然選擇將條14X線繼續放中港碼頭而唔兜九龍站係未呢條線當初失敗原因之一？
|
|
|
italk亞氏保加症討論者通病：魚蛋論、離地
|
|
|
|
|
|
13X, 213X 出佐敦尖咀有紅隧大塞車, 已不算是好特快, 基本上是可唔知點塞
其實二條線做環狀線是快速清客的一種手段, 即類似日本的山手線, 但要留意二線目的地相同才有效果, 中途飛站或路線不同是做不到清客功能
一个佐敦 > 尖咀 > 尖東
一个尖東 > 尖咀 > 佐敦
至於 215X, 215P, 14X 個人有個諗法, 215X / P 二邊同時出車, 配合14X 改經中港城 (14X 可考慮擺九龍站同 14 同路, 但來回經舊機隧及經官塘)
一方面提高 14X 及 215X / 215P 運載力, 215P 則全日快速分流 215X 部份客源, 可不加車情況下提升三線運載能力, 215X 什至可縮短藍田北, 節省車輛幫另二線加班
215X 目前派車有 24 部, 215P +1部 (由 215X 主線派車), 實際得 24 部
14X 目前派車有 4 部
個人建議分開用車, 用二邊包抄藍田, 215P 快速線用連德道走, 215X 正常線經官塘 + 14X 包抄
1. 215P 連德道快速線, 所有班次全日不停曲街站, 來回不停國際展貿中心站 (不經官塘, 經官塘繞道走)
2. 215X 正常線, 所有班次繁忙時段不停曲街站 (經官塘)
|
|
|
PSPGAME 31145pcs 修復工程進行中, 48%
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主
