巴士公司手機app用家意見討論

話說今日見有版友話某公司手機app好多負評，
於是就開啟了兩間大公司的手機app觀看用家評論。

其中一間未有全線ETA的公司：

主要負評為

只有個別路線的ETA，部份用家表示我不坐機場路線，ETA沒有用途

另外亦包括

有ETA路線班次欠準

另一間全線有ETA的公司：

主要負評為

太多廣告，新app有太多不必要資訊

有部份用家表示

我裝個app只係想睇到站時間

另外亦包括

有ETA路線班次欠準

其實從以上評論，可見ETA對乘客的重要性，
乘客不願在巴士站上久等，或者送車尾，想搭車有預算。

而因為有公司有全線ETA，相對而言另一間公司則
較為輸蝕，造成期望落差。而ETA卻成為一個公共
交通app能否獲用家安裝於手機的其中一個重要因
素，有用家更表示沒有ETA不裝也罷。

另外，部份用家不太喜歡廣告，或者不太重要的資訊，
雖然不影響使用率，但會影響使用觀感。

當然，如果有公司認為ETA是必須品，借此達到其他目的，
此舉難以控制。但個人認為應該適可而止，否則適得其反。

ETA 我又唔覺得係必需品
不過呢樣野對於生客黎講又真係需要
熟客的話其實你搭多幾日你都大概知班車幾時到
生客o既話真係唔知
有 ETA 會方便好多

至於城巴果堆車其實大部分都冇個實時抵站系統
你見 25A 43M 派 9108-9111 以外果堆 91 字頭物體足以廢左個 next bus
有幾架 18XX 個 mon 都未開到

我就唔係好信個 ETA 會幫你慳到幾多等車時間
不過有 ETA 的話見個到站時間唔對路你就識出動 Plan B la ;P
唔駛響個站頭望天打掛 :$
咁對乘客黎講都比較 friendly

講真我又覺得冇 ETA 一樣要下載個 app ;P
你搭想知你要到去邊個站落有時都要靠個 app 幫你


至於城巴係咪應該揀果 8 條線做幸運兒
其實個人覺得都算 make sense
當然宣傳效果就未必好 ;P
利申果 8 條有 3 條我間中都會用

RobynnNKendyFan 發表於 2016-11-13 22:53
ETA 我又唔覺得係必需品
不過呢樣野對於生客黎講又真係需要
熟客的話其實你搭多幾日你都大概知班車幾 ...

其實熟客都需要ETA。家陣樓下堆線日日都唔同時間到，話密又唔係密，其實都真係需要ETA先可以唔使等車。只要唔係頭幾站，根本無得預時間。

其實ETA最有用真係轉車計時間
尤其轉車站一走268X就要等好耐

仲有樣叫做有用就係睇拖卡
一見後面冇耐就有車揀後車上隨時有位坐

不過對面海始終都係介面屈機
可以睇晒同站所有路線真係無得輸

廣告真係好反感，以前首頁睇ETA都有廣告...
而家雖然cut左ETA廣告，但最好唔好有，好哂data

MTR apps 整左Next train等等apps，成本都唔多低過九巴，但人地極其量都係自家廣告/通知...

GK3258 發表於 2016-11-14 00:29
其實熟客都需要ETA。家陣樓下堆線日日都唔同時間到，話密又唔係密，其實都真係需要ETA先可以唔使等車。只 ...

晚晚54都可以唔同時間先到同一個站

有啲線成日甩班甩到半個鐘都無車到ETA嘅用處就係睇有無車 無車就跳鐵或者轉其他線...

全ETA 個間公司
舊app冇咩問題
係間唔時啲 ETA 唔多準姐

新app就根本開都開唔到
一開就彈，已經不下 20 次係咁
最少都已經兩星期

其實點解新創建唔直接將現時設有實時數據傳輸功能既Telargo擴展至餘下車隊?點解要重新建造一個新既實時系統?
純粹因為現時系統唔能夠處理再多既數據? 定係有其他原因?
準確度方面, 只要站長入啱班次, 車長報站系統揀啱路線, Telargo既實時抵站預報真係好準.
系統反應好快, 就算位於中上環呢啲多高樓大廈既地方塞車, 系統都好快推遲打後既站既抵站時間.
唔準既原因多數都係站長取消無車開既班次, 但係又無喺實時系統取消該班次.


LECIP準確度就唔知喇, 未試過用.

至於九巴龍運採用既Openmatics, 佢既定位logic似乎無Telargo咁可靠.
就算站長入啱班次/架巴士有開, 佢既預報到站時間準確度同Telargo比真係差一截, 尤其繁忙時間中上環一帶.
Openmatics是否只用GPS定位? 有無里程計及其他儀器?
系統似乎唔太清楚巴士既確實位置, 就算巴士塞住唔行, 預報到站時間只會繼續倒數, 要隔一段時間或系統偵測巴士已駛離某巴士站, 系統才重新計算打後既巴士站到站時間.

例子1: 途經香港仔隧道既北行路線, 離開隧道後第一個站於下午繁忙時間真係唔太準, 明明已經係到達/離開都唔見有車. 過多一陣又突然變返到2分鐘.
唔知係唔係隧道收唔到GPS, 系統未能知悉巴士實際位置而繼續倒數.

例子2: 905P, 有日過左西隧之後幾個站 (包括 均益大廈第二期至正街) 都係到達/離開, 但係過左幾分鐘之後, 均益大廈第二期打後既站變返 X分鐘, 重新倒數.

例子3: 上星期四11月10日下午6點至7點, 怡和大廈附近既干諾道中異常塞車.
680X往新界方向, 及A11往北角方向同樣途經上述干諾道中, 停靠海港政府大樓, 怡和大廈, 大會堂.
680X九巴班次由6點05分開始, 至7點05分九巴開出尾班車.
當時680X深受影響, 九巴開左幾班車都塞住左,
有一刻由中環至灣仔既中途站, 全部顯示三班車 到達/離開, 類似咁:
到達/離開
到達/離開
到達/離開
A11既ETA就不斷更新(延後)到站時間, 剩餘距離就幾乎無改過, 反映系統清楚知道巴士確實位置及是否已到站,
當時清楚顯示有兩三架A11既到達時間各自相差數分鐘,
完全無好似九巴Openmatics咁連續幾個站三班車都係 "到達/離開", 系統好似未能確定巴士是否已到站/離站.
到左七點左右, 680X既ETA又正常返, 如常倒數.

至於介面, 九巴APP1933有樣好處, 一按站就即刻睇到ETA, 新創建就要按站再按ETA制先睇到ETA, 較為費時.

但係論細心程度, 新創建既Next Bus顯示方式比起九巴既ETA顯示方式優勝,
就如版友 JC8385 所說.

希望將來新創建手機APP都可以查詢剩餘距離, 唔使好似依家咁開個browser去ETA網頁先見到剩餘距離.