本帖最後由 EX-TL 於 2016-11-20 22:36 編輯
當日學校陸運會, 散場後搭天星過尖沙咀再轉1A返歸, 尖碼16:50開車, 行到栢麗大道停左好耐, 只聽到警車消防車聲不斷, 唔記得過左幾耐先被指示轉出柯士甸道 廣東道 佐敦道後返回原線, 返到觀塘市中心已經18:30.
睇電視唔駛專登搵, 由新聞到追擊 睇真D都有大篇幅報導, 記者們在對面大廈做直播, 目擊很多人在窗戶前揮動毛巾, 有的更難抵火勢熱力, 索性跳樓「逃生」.
電梯槽有助起火源頭和濃煙快速攻上最高幾層, 加上直昇機在空中盤旋, 加速火勢在高層蔓延.
當時租用嘉利大廈的寶麗金唱片公司, 大部份母帶被燒毀, 而起火源頭中藝的災情,
反而冇高層來得咁慘烈.
嘉利大廈沖天大火和同年農曆新年發生的八仙嶺山火, 導致馮堯敬紀念中學師生傷亡事件, 乃上一代香港人的集體回憶, 亦算是近代最嚴重的兩宗火警事故.
當然, 這二十年間也發生過多次嚴重火災, 就像今年初的淘大工業邨迷你倉大火, 但若論震撼力, 小弟始終認為嘉利大火和八仙嶺山火是近二十年來最嚴重的火災.
嘉利大廈經過多年重門深鎖, 才被拆卸興建為新式商場JD Mall. 我相信, 那些年的港人行經該處, 也會記起這場打入國際新聞的嘉利大廈大火. |