【消息】南港島線票價公佈

約略對過份車費表
除咗去港島同九龍東/將軍澳既價錢有分別之外 ,
海洋公園、黃竹坑、利東同海怡基本上係跟現成既炮台山、北角、鰂魚涌同太古一樣
而海怡一過海已經係 $14.2 起跳

我個人覺得算有啲意外 ,
當年東鐵拉去尖東 , 或者馬鐵搭到大圍都係一套獨立 fare scale , 寧寧舍舍貴過人
但今次成條新線開通要穿埋隧道 , 都只係跟港島東個價 (而且未到最東) ...

荃葵青 (唔計荃灣西) 搭過海西至堅尼地城 , 東至柴灣 , 南至海怡都係 $14.2 , 又係大贏家

jocosben 發表於 2016-11-21 18:23
海怡利東去旺角收14.2貴左少少

不過去到荃灣葵涌將軍澳仲係14.2，又好平下

港島東去旺角都係 $14.2 ,
如果用返 171 個差距比既話 , 鴨島情況已經好過另一邊既 102

GU9338 發表於 2016-11-22 01:33
約略對過份車費表
除咗去港島同九龍東/將軍澳既價錢有分別之外 ,
海洋公園、黃竹坑、利東同海怡基本上係跟 ...

太多歷史問題，九龍東同將軍澳既價錢相對特別，
主要係 85 年港島線通車時，已經考慮下將來東隧延線通車後帶黎既問題，所以東九龍去港島東有特別階級。

證明當時票價訂定上有更大遠見，而唔係兩鐵合併後由得東鐵票價留係度，
之後觀塘線延線通車後，繼續將情況惡化（何文田去鑽石山，貴過紅磡去鑽石山）。

希望沙中線通車之後，最低限度搞返好晒以上問題。

金鐘去海洋公園$5.3車程4分鐘，平巴士一半快N咁多倍
再一次証明咩時值票價完全係廢話，根本蝦緊大西北居民，合併後港鐵應盡快檢討西鐵票價

053h4 發表於 2016-11-22 12:16
關歷史咩事，降低港鐵收入少左，港鐵會咁做？

日本大陸地鐵或火車銭司都有標準運價呢樣野，香港鐘意點收 ...

唔清楚就唔好關唔關歷史事。
九鐵行緊票價制度既區域劃分，問題係度，馬鐵北上係劃一收費，主要分兩大區，石門前同大水坑後。
而不論係兩大收費區內去大埔以北車站，全部收緊一樣錢。
明明大水坑去大學站係好近，但收緊同上水一樣價錢。

另一個問題係，東鐵本身收費結構太平，同西鐵行緊收費完全係兩個世界既事。
屯元天出市區，仲貴過上水出市區。

根本個問題係九鐵年代訂落黎既收費結構好有問題，加埋 ex-MTR 行緊按里數收費（陳年去係用緊 1985-89 年標準），
叫港鐵改唔係問題，點改？
如果按標準運價去搞，想西鐵減到價，東鐵同部份港鐵路段就一定要加價（仲加？）。
如果想唔加價，就會出現全部減到平過巴士小巴。
你口講就易，一陣巴士公司唔做直接交還專營權出黎，無鐵路地區路段點做？

dennis28a 發表於 2016-11-24 20:39
唔清楚就唔好關唔關歷史事。
九鐵行緊票價制度既區域劃分，問題係度，馬鐵北上係劃一收費，主要分兩大區， ...

馬鐵個收費結構畸形,
其實都係因為東鐵個收費結構畸形

要改東鐵個收費結構太大工程,
要加東鐵價, 首先就要過到可加可減機制, 所以做唔到;
減東鐵價? 你當地鐵傻架咩

反而想睇顯徑站開左之後,
佢個收費係咪會跟大圍站個特平收費

053h4 發表於 2016-11-24 21:49
根本無標準運價呢樣野，咪點收都得lor
過海線貴一截，觀塘線又貴過港島線

收費無規範？你自己認為無姐。
你不如研究下收費表再講。

80 年代地下鐵路通車果陣，一早訂落一個好嚴格既規範，每 2-3 個站收為一個階級，
如站與站之間站距過長，就會按番相對里數跳級（例如灣仔 - 銅鑼灣）。
而家單程票基本過站收費收緊 4.5，而過海基本收費收緊 10.5，去到盡只會收 14.5。

至於東涌線係例外，因為佢站距長，以及去到荔景站有交匯，所以公佈果下已經講明係跟最近地鐵站收費。
香港跟中環；九龍跟佐敦等等。

今次出現既問題係海怡去荃灣，因為市區線過海收費頂級現時係 14.5，
就算係好遠，點收都唔會過 14.5。

而東西兩鐵問題更大，而家東鐵最低過站收費收緊 4.0，而西鐵低過站收費收緊 5.0，市區線收緊 4.5。
加埋合併果陣用左指定轉車站，再減所謂「過閘費」。
如果按以前地鐵邏輯，九龍跟佐敦價。咁紅磡／旺角東／荃灣西收市區線車站價，好應該收佐敦／旺角／荃灣價。

如果真係檢討票價階級，假設用番地鐵原有基準去改，又要解決紅磡／荃灣西問題，
海怡去荃灣一定要加多 1-2 個階級，加到同荃灣西 17.5 一樣，咁後果就大啦，姐係堅尼地城去寶林／彩虹全世界都要加價（證明西鐵本身個價有幾唔合邏輯）。

一係就倒轉，係 10.5 下面收平 2 個階級，姐係單程票過海基本收費跌到去 7.5-8.5 依個範圍內，
加埋八達通優惠，佐敦、紅磡去中環收 7 蚊附近，旺角去中環收 9-10 蚊左右，你認為 9.3 既紅隧線仲有無得做？

一係唔搞，好簡單紅磡／旺角東／荃灣西減車費，唔搞收費階級，
去到沙中線通車，紅磡去鑽石山理論上係快過佐敦去鑽石山唔少，又點算好？淨減紅磡價，定係九龍／柯士甸／佐敦一齊減價？
咁就有趣啦，會有機會出現 A 西鐵站去尖東仲貴過 A 西鐵站去紅磡，又或者 B 東鐵站去柯士甸平過 B 東鐵站去尖東。

有人提出過，以地區劃分，但市區線點用地區劃分？彌敦道一區，荔枝角道一區咁，咁太子去深水埗又點收？咁樣劃分法，只會令更多人比多左錢，而且將東西鐵畸型既區域劃分複雜化。

SSBT 發表於 2016-11-24 23:36
馬鐵個收費結構畸形,
其實都係因為東鐵個收費結構畸形

去到沙中線通車果陣，放心，大把問題要處理。
單係何文田去鑽石山／紅磡去海怡半島依段兩路好應該要減價。