(多圖- 歡樂滿中華) 前中巴遺臣終極之旅 - 城巴 9042 (10/3/2016)

相信大家都知 城巴9041 / 9042 (前 中巴 VA62, 64) 的來歷, 而我亦不詳講佢地的歷史,
本篇集中記錄佢終極一日的服務日誌......

佢地因為同城巴交換了土炮車身 富豪 B6LE 1355 而加入城巴,並且保留中巴內部,
只係改用連貫光管同埋之後換走藍色 Trend Tex 椅, 換成城巴標準紫色椅......

三月天, 係最後中巴內籠車 - 11米富豪9042 最後十日服務的日子
有數日係特別留車, 上段重返東區行走早繁上學線, 再在黃昏晚上支援 70
同埋過東九龍的 107,星期六亦試過留俾629....

Part 1 - Route 99
到最後的一日, 3月10日, 佢回到正規線, 在東區出車,
(前一晚做完107 被拉返東區收)
全個上下午安排行走去海怡的99系 (加一單99x 再跳回99)
全日由海怡站長的精心編排, 大多數接更車長都係只做一轉車,
直到黃昏就傳出架車要過海做一轉171, 做完返廠退休.....

當日在面書收到架車做99x的消息, 就坐車去北角等,
整天都不停下雨, 為當日的送別增添了傷感,

等了又等, 終於見 9042, 影完就上車, 車長亦證實架車當晚埋單,
仲話佢在東區第一位開工渣中, 應該佢係當日渣最多單的車長,
好似渣左三轉.....

架車表現尚可, 佢食飯收工後, 就安排多位等食飯的車長做每次一轉,
做到黃昏, 收到消息話佢會跳去171.........

其實9042在2015年聖誕後兩日, 12月29日, 即係城巴最後載客利蘭391 退後的一天,
行過 171. 當晚我在旺角, 突然有架特別富豪, 就係 9042埋站, 當然上車.....

沒想到最後一程服務都走到西九龍, 可惜沒有服務102,
卻是服務城巴南區過海開荒之線 - 171
(服務102 的話就要收東區或者跳番99收, 沒法子了)........

架車在海怡後被安排行走171, 來回一轉都係頂閘狀態, 真係好似鐵人咁......
架車到荔枝角總站, 有行家特意拿出中巴 logo 去同 9042 做
最後合照, 終極一班都有好多大小巴迷一齊見證 這歷史時刻.....

終極班次最後在 1938 開出, 架車去到旺角之後全車頂閘,
不停站咁開返南區, 直到入利東先有人落車........

入利東, 就係為佢終極倒數, 全程都不停下雨, 我亦都安坐車中,
直到架車駛入海怡....9042 埋坑後, 電牌隨即顯示暫停服務連城巴網站轉頁,
好多人都在車前做最後留影, 不過好快就到離別的時刻,

我同行家都一齊過黃廠見證終極一刻,
可惜我睇唔到佢過洗車機, 只見到佢好快入左廠,
亦因為廠頂無位泊, 就被安排泊地下的出入口位....
不久有職員上車貼上封車證, 結束 9042 特別的一生,
之後佢被拉去橋底暫泊, 我都特別去留影.....

謝點閱, 歡迎大家分享當晚的相或者坐車的感受.....

Goodbye and Thank you again, 9042!~~~

你講影9042最後一程，即係43A都摺左一年！
當日稔住去影43A，點知送上9042．9042同
南港島線鴨橋合攝，9042唔可以見證南港島
線通車但都係我回憶的一部份！



另加當日因壞車已封車的9041，9042係比人
咋去劏的．好記得比人影到，相比下部9041
真係好弱雞．．．




呢部可以同南港島線首日通車合攝，2017/12/28
仲有幾多可以出到街？可能城巴非專突登留
幾部行到去2017/12/30比班巴迷去歡送，
2017/12/31已係假日．



再加多張無公開的情景，多謝呢度成為最後一
個有我的最愛車型搭的地方．呢批車可能我
生日前會突然提早死亡．．．