(8+8 PICS) 細說黃色巨蛋 6500 - 由到港到首航 (2014/2015)

呢架黃色巨蛋 6500 有著不一樣的經歷, 亦有不一樣的裝嵌歷程.....
據巴士年鑑所指, 架車完成底盤後, 在英國做好左車身 一 PART,
再運馬拉再完成, 為 WRIGHT 在馬拉的首個車身成品,
雖在2014年9月到香港, 但因種種原因而待在車廠. 有日我在西九廠見到佢
未出牌曬太陽, 就影左佢先, 心總期待佢快D出牌....

到2015年3月17日, 巨蛋終於出牌, 車牌 TG2476,
三日後傳來出街首航消息.....

佢原來在柴廠出牌, 之後做員工車去太古, 而我那時在附近返工,
可以放工後即時行去康怡後面靜待巨蛋....

架車在181X 終於來到, 就立即用手機先影為快,
之後架車轉 969C 牌, 即係架車係會做969C 泊屯門廠,
影完我再去新威園等上車, 再影佢門位同埋車尾....
車尾顯示目的地亦係由佢開始, 至今廣泛使用.....

(即係全車電牌全都係目的地牌加線號, 同國際接軌)

架車當日或以後表現如何???下篇會分享.....

首航當日上車, "嘩! 咁熱???"........上到上層比下層更熱, 似係未加夠雪種,
即刻落下層坐; 中間有戰友在中環, 我到叫佢地落下層, 當時車子坐滿,
有少少人企. 我在公路企也不覺累, 因為架車平路好穩定.....

在汀九橋打俾其他朋友分享, 架車轉眼到天水圍, 到總站前都影番數張內籠相
之後電牌打 屯門車廠字樣....

過左數日, 知架車都會做同一班次, 就再等, 呢次冷氣好好多, 好足夠,
比上次舒服太多了, 實在正....

為影多D架車, 我就在天慈落, 落車影佢梯位, 好修長.....

自去年四月開始, 6500 因為行車路面限制, 長駐深圳灣特快 B3X, 鮮有出市區........
謝點閱, 歡迎跟相或分享....

聽過九巴將會有12.8米B9TL改中擔動力.

我影過 #6500 的相片不足10張，有3張是在去年4月在筲箕灣試路時拍攝的：

最近#6500曾經見過行走B3線好多次，都係朝早返學繁忙時間由深圳灣口岸返屯門。

尾牌顯示目的地，cityflyer 才是先行者。

右邊個旁板唔知整好左未？

allen_814 發表於 2016-12-11 23:30
右邊個旁板唔知整好左未？

未