九巴6號線成為「特色購物路線」

lwb701 發表於 2016-12-12 11:52
誰說過本人不歡迎韓國人或日本人或內地人？
看來全帖最武斷那個人是你，GU9338。

問心個句 ,「死得七七八八」叫陳述事實 ?
咁「689 收檔」同「梁振英唔連任」都無分別 , 都係事實 , 對吧 ?

我無意繼續任何字面爭拗 ,
不過我覺得呢個指控非常莫名其妙

GCx468 發表於 2016-12-12 11:50
唔好曲解我指既民情！
巴迷／男仔既意見傾向當然唔係市民整體民情啦！香港係女多男少，老多幼少！
社會實 ...

韓風大過日風係事實
但女多男少、老多幼少既環境係咪會直接導致呢個現象 ?

講返正題 ,
我係十分懷疑廣東話之後次序係咪足夠反映到巴士公司對外地人既取態

當年報站廣 > 英 > 普 , 睇落就係想同報站機夾返 中 > 英 > 中 顯示
咁地鐵既廣 > 普 > 英 , 唔通就可以反映出地鐵重視大陸 > 外國 ? 九巴就外國 > 大陸 ?
以至而家九巴反其道而行 日 > 韓 ? 我就有所保留

GU9338 發表於 2016-12-12 13:03
問心個句 ,「死得七七八八」叫陳述事實 ?
咁「689 收檔」同「梁振英唔連任」都無分別 , 都係事實 , 對吧  ...

你又唔好搞錯wo，你叫人收檔同人地報導唔連任的確係兩回事黎以bo。

「梁振英宣佈唔連任」、「中華白海豚已經死得七七八八」
就只係一句事實陳述句。

「梁振英收檔啦，唔好連任」、「我想中華白海豚死得七七八八」
呢啲先係咀咒人，惡毒言論。

問題係點解你要將人地一句半句陳述句扣帽子？
我都覺得你嘅指控同埋理解能力非常莫名其妙囉

再者，如果講廣播次序，關乎到本地需要、外國人需要、地理因素、語言使用人口多少種種因素。
1)廣東話(香港法定語言，本地人優先)
2)英文(最廣泛國際語言，香港法定語言之一)
3)國語(地理因素，中港台三地交流多)
4)日本語(母語人口較多)
5)韓國語(母語人口少過日語，不過訪港韓國遊客已超越日本遊客總人次)
因此本人認為先日後韓嘅決定亦算得上合理。

如果因為是旦一個人覺得香港人鐘意韓國人多D就放韓語先，唔鐘意內地人就想CUT走普通話。
更何況唔少外國人學習中文都係以國語為主，廣東話都有，不過數量完全比唔上囉。
咁仇外不如就唔好搞旅遊啦，封港算把啦。

JR九州新幹線廣播係 日>英>韓>漢，難道又要走去投訴為何漢語放最尾？

lwb701 發表於 2016-12-12 13:21
你又唔好搞錯wo，你叫人收檔同人地報導唔連任的確係兩回事黎以bo。

「梁振英宣佈唔連任」、「中華白海豚 ...

乜我想 ? 我幾時指控你咒人瓜老襯 ?

我既出發點 1. 仲有好多仇 (或唔鐘意) 日既市民在生 , 2. 唔同語氣帶出黎既效果 , 就算事實都已經反映出兩種唔同態度
而我從來都無意圖 , 或者借機指控你心腸惡毒或者要咀咒人
你唔會以為我講句大吉利是就代表話緊你咒人瓜老襯掛 ?

回歸根本 , 你講個句都唔算係事實 , 你應該都知香港人口高齡化既現象 , 同上一輩既講返侵華 , 大把人都瀝瀝在目

你要指控我既言論係扣你帽子、抵毀你人格 , 我控制唔到
不過我覺得你毫無必要將件事放到咁大囉

舊版B1??

加乜語言先後次序都可以嘈一餐
我係九巴不如全球六千幾種語言按使用人口數字排落去報哂廢事煩
反正都係Google Translate

回正題：好似淨係歡迎詞有日文韓文，其他站都無
星期六坐過大半單，寶血醫院、旺角鐵路站、西貢街 呢三個站嘅報站聲內容都加左宣傳品有嘅地點，但顯示無變

GU9338 發表於 2016-12-12 13:38
乜我想 ? 我幾時指控你咒人瓜老襯 ?

我既出發點 1. 仲有好多仇 (或唔鐘意) 日既市民在生 , 2. 唔同語氣 ...

如果一開始你係認為我係陳述緊事實，你又點會用到「大吉利是」呀？
你講得出大吉利是就即係暗示我咀咒緊人，先要用句大吉利是、隔住「所謂我講嘅衰嘢」
咁我認為呢樣係你對我嘅指控亦都係人之常情。就當我神經敏感，同你道歉。

返正題，我覺得你毫無必要將果班憎恨日本人嘅香港人放到咁大wo。
一來今時今日香港所謂「絕對反日」嘅人只係佔極少數。
更唔好拉咩人口老化黎講，今時今日都唔知幾多退左休/上左岸嘅老友記周不時去日本浸下溫泉食下好西。
有幾多真正被歷史卡死一個位嘅人？因為怕左仇日人士而調走/調後日文咪又係講唔通。

呢家重點係條線會用黎sell 外國人坐車，唔係sell 香港人去韓國日本。
單純用「香港現在吹韓風勁d」/「因為中國人同日本人歷史遺留嘅問題」而去決定報唔報站，報邊個報站先，根本多舊魚。
難道會有港人聽見6號報站先講日文後講韓文就搞遊行抗議？

HT408 發表於 2016-12-12 14:06
加乜語言先後次序都可以嘈一餐
我係九巴不如全球六千幾種語言按使用人口數字排落去報哂廢事煩
反正都係Goog ...

當前排有人提議刪地鐵巴士刪國語廣播，你就知香港人已經走到極致，乜都反一餐。
咩六千種呢d就吹水成份居多。
國語已經慢慢變成第三種主流語言，內地、台灣、再加上大把學漢語嘅西人，事實唔到你唔接受。
問題係你當本地線做，就算得中文我都覺得無所謂，
但係如果你係要sell旅遊線，係要唔多唔少做多少少野出黎囉。
利申，唔係親中五毛。

kay 發表於 2016-12-11 09:28
其實九巴用少少成本搞promotion
如果大家要求多多

如果咁講，對面海非柴小路線其實差不多條條都可以sell做情侶線⋯⋯

ahken 發表於 2016-12-12 21:38
如果咁講，對面海非柴小路線其實差不多條條都可以sell做情侶線⋯⋯

347,388,389,971R全日服務

佢敢SELL,肯定旺場
事關..無他,其他普通線太差，未能回應乘客需求