依家D人真係好大壓力...

話說尋日 (25 May) 早上搭Rt.98C HS1745 去美孚, 當時去到寶達頂左閘,
一名男子企在上門附近, 司機問佢比左錢未? 該名男子即時發難, 以粗口
問侯司機祖宗十八代, 司機都有些扯火, 叫佢唔好再問侯, 然後該名男子
企在司機位旁打27454466即時投訴, 剩係講話個司機好無禮貌, 但係自己
問侯人祖宗十八代就當然隻字不提, 最後佢叫九巴要好好地比個交代佢...

然後佢又打去報館投訴九巴同埋個司機.

就係呢 D 人, 濫用投訴機制... 唉...

咁你快ｄ打上九巴熱線做證人證明係個乘客挑釁在先喇。

樓主應該用埋手上部DC拍片 (如有此功能)；最好俾埋呢幅相九巴

[ 本帖最後由 nwfb1001 於 2006-5-26 12:17 編輯 ]

原帖由 nwfb1001 於 2006-5-26 12:08 發表
樓主應該用埋手上部DC拍片 (如有此功能)；最好俾埋呢幅相九巴

我部係電話, 試過拍片但當時水箱同引擎聲太嘈, 收唔清楚人聲...

原帖由 鄭笑 於 2006-5-26 16:45 發表
咁佢有無比錢先？

佢有俾錢又如何？

睇樓主0既形容
佢當時0既行為好明顯已經影響緊車長繼續架駛巴士，屬危險行為
如果唔係，車長又點會有0甘大反應

車長無請佢落車已經算係好人

又係呢位師傳咁唔好彩....(個司機係咪姓顏..?)
有次坐HS2358@98C...有個人竟然響796C個站等98C...司機見到即刻要抽番埋去比個客上(果陣都好險下la)...上到車個客(係個內地人)仲要罵個司機想飛站...一路咁話個司機唔岩...之後有客又同佢嘈...差D想開片咁濟....明明係佢唔岩...仲要講到自己無錯咁....跟住就打去九巴熱線投訴.....
呢度係香港...唔係大陸....唔係伸隻手出黎就一定要比你上.....

原帖由 JX7348 於 2006-5-26 19:34 發表
又係呢位師傳咁唔好彩....(個司機係咪姓顏..?)
有次坐HS2358@98C...有個人竟然響796C個站等98C...司機見到即刻要抽番埋去比個客上(果陣都好險下la)...上到車個客(係個內地人)仲要罵個司機想飛站...一路咁話個司機 ...

有一D人就係禁, 以為比少少錢就可以為所欲為, , 有一次我坐巴士部車成日
停站(因為有人上落), 結果有個人走去罵個司機: ' 點解禁耐都未到GA...(下刪粗口)'
個司機無理佢, 之後佢仲係唔停係度罵. 因為當時小弟的心情十分唔好, 結果
我忍唔住話:'呢部係巴士來, 要快的請你去坐的士, 或者早點出門口.' 結果佢怒
視我並問:' 關你XX事?' 我答:' 你宜家嘈到我, 就關我事.' 佢話:' 信唔信我打X你?'
跟住我就問個司機:' 請問頭先你聽唔聽到佢講什麼?' 個司機點頭, 之後我話:' 憑你剛才那
說話, 我可以報警話你恐嚇我.' 之後個人先死死氣禁講SORRY, 並無奈地係下一站下
車. 宜家諗返轉頭, 我當時真係太過勇...

有時D人就係禁, 無理取鬧的.

我覺得樓主應該主動打俾九記
證明個車長當時無任何錯誤
因為你睇到呢件事發生，
而且睇到呢個客係無理取鬧

你一個電話，就可以幫到個車長

原帖由 HJ8325 於 2006-5-26 21:59 發表
我覺得樓主應該主動打俾九記
證明個車長當時無任何錯誤
因為你睇到呢件事發生，
而且睇到呢個客係無理取鬧

你一個電話，就可以幫到個車長

同意, 唔好畀呢d 人影響個車長既前途... 假如車長行為良好既話....