觀塘線延線通車後重組計劃最新安排

dennis28a 發表於 2016-12-26 02:13
30X 轉特快係好事，但落尖沙咀時機已過。

楊屋道係正西站旁，落尖沙咀正常人都上西鐵（除早繁上唔到車） ...

楊屋道點樣屈返去灣景再上公路？

又，大河道/楊屋道去尖沙咀，巴士競爭力麻麻，咁荃景圍呢？中途地區用唔著，就代表頭站區都唔需要？
同埋，就算唔去尖沙咀，繼續擺去黃埔，或者擺佐敦，又真係塞少左，真係慳到時間？

FBI2 發表於 2016-12-25 23:48
荃灣三寶入面,最有前景係你條238x啦,始終荃西一帶仲有新樓入伙,對238x很有利.

...

針無兩頭利，工廠變住宅，條線就無得兩邊多客 (除非有如心返工客嫌西鐵唔就腳)，
遲早搞到 63X / 268X 咁，反方向同假日疏到喊

S3BL100 發表於 2016-12-26 11:04
楊屋道點樣屈返去灣景再上公路？

又，大河道/楊屋道去尖沙咀，巴士競爭力麻麻，咁荃景圍呢？中途地區 ...

我又倒轉頭問，咩海濱花園出唔番德士古道？咁 2011 年路政署係永德街做過咩黎？

另外，咩原來荃景圍兜完大河道、楊屋道、海濱花園，再直出港景峯，
原來係會慢過家陣 230X 又落美孚、同埋塞成條彌敦道？234X 每日搞幾耐係九龍西遊花園。

你既邏輯係：為左荃景圍（頭站）、大河道、楊屋道（中途站）去旺角（中途站），
而放棄尖沙咀（頭站）去大河道、楊屋道（中途站）、荃景圍（頭站）利益。
試問邊個浪費緊荃景圍既時間？

做人要平衡，如果單靠 234X 大幅度提速，但問心靠荃景圍、大河道夠做全日尖沙咀特快？
兜一兜海濱花園，結果可以為荃景圍換黎一條飛美孚、深水埗、旺角既尖沙咀特快。

234X、238X 可以專心做油麻地打後路段，既可改善回車問題（仲可以考慮 234X 同 30X 合併），
又可以改善晚繁油麻地打後上唔到車問題，何樂而不為？
荃景圍想要快線，大可以係早繁係 234P 同 230X 做協調。

PS：仲要擔心地區權益，你唔驚有人投訴西九龍走廊嘈音污染咩？

dennis28a 發表於 2016-12-27 00:31
我又倒轉頭問，咩海濱花園出唔番德士古道？咁 2011 年路政署係永德街做過咩黎？

另外，咩原來荃景圍兜完 ...

問題係你之前 #249 明明係講緊楊屋道後再兜灣景，咁係咁楊屋道後走去荃灣路西行，經海興路入一入麗城後原路折返？
咁既世界級走線，唔經旺角慳返既時間都抵銷有餘啦…

同埋唔好講到行西九龍公路直落尖沙咀會快過經旺角好多，西九龍公路落廣東道塞車塞成咁，時間都返晒來。
真係想做尖沙咀特快的話，跟取消左條 6X 行法，停埋美孚轉車站，隨時除笨有精。
即係咁，唔係一刀切話尖沙咀特快唔值得做，但係都要睇下係咩區、咩道路網絡、有咩交通工具競爭

雖然尖沙咀勉強都算全日位，但旺角更加係。如果荃景圍同楊屋道角度，一條線旺角掃到尖沙咀，會好過只做尖沙咀特快；
但你就一味話荃景圍出尖咀到時會幾快，而家出旺角有幾慢，就隻字不提

而你自己都識話大河道/楊屋道去尖沙咀，正常都搭左鐵路。就算唔經旺角，巴士慳得果少少時間，都係無得做；
而大河道的情況，根本去旺角同尖咀都無得做

亦唔好講到咁做可以改善 234X 238X 回車，238X 本身已經係佐敦直入中港碼頭，唔會改變，油麻地無位擺總站，仲要照顧中港碼頭九龍內陸流水；
234X 呢？除非條新線好似你上面世界級走線，楊屋道後屈入灣景再屈返出去，否則都係無得縮短，人地唔會放走尖咀線，況且擺佐敦/紅磡其他總站根本慳唔到時間

即係呢，30X 234X 呢組線，係有一定想像空間，有唔少方法可以接受

最簡單，30X 34X 縮短到太子調頭，各每 20 分一班；230X 234X 齊齊擺麼地道，大涌道走，棄大河道，行西九廊，每 20 分一班，四線聯合班次，
實際唔會比而家用多幾多車，最多到時 30 39A 等線再執一兩架

如果想做埋楊屋道旺角，就 230X 兜埋

如果嫌 30X 34X 唔夠客，可以一條做晒深水步，荃景圍落灣景兜個圈再大涌道走，其實同而家荃景圍兜大河道一樣時間

仲有其他想像空間，正常的方案都唔少，但一定唔係一味覺得尖沙咀特快大晒，區入面兜到點就唔理；
更加唔會係荃景圍兜落楊屋道再兜去灣景的畸形走線

S3BL100 發表於 2016-12-27 01:11
問題係你之前 #249 明明係講緊楊屋道後再兜灣景，咁係咁楊屋道後走去荃灣路西行，經海興路入一入麗城後原 ...

咁你睇完上文下理，一睇就知手文之誤，我係指入海濱花園（坦白講，荃灣唔係太熟路，出現誤會唔好意思）。
咁唔知我更正完後，234X + 238X 直落尖沙咀有無得考慮？

你可以講條線荃灣太長，大可討論唔做大河道，係福來邨直行楊屋道去海濱花園再上橋。
依點叫討論，而唔係下下無限上綱。

同埋唔好講到行西九龍公路直落尖沙咀會快過經旺角好多，西九龍公路落廣東道塞車塞成咁，時間都返晒來。
真係想做尖沙咀特快的話，跟取消左條 6X 行法，停埋美孚轉車站，隨時除笨有精。
即係咁，唔係一刀切話尖沙咀特快唔值得做，但係都要睇下係咩區、咩道路網絡、有咩交通工具競爭

係德士古道上西九龍公路，再係出公路，時間要幾耐？係講緊 10 分鐘既時間。
我當德士古道經美孚上西廊，再行準備落橋，又係差唔多時間。

請問西九龍走廊落旺角，必須咁行邊幾條路？
1. 荔枝角道
2. 塘尾道（不過入唔到彌敦道）

唔好顛倒黑白。
荔枝角道至旺角道出名塞車黑點，你好清楚平時唔塞落埋客快則 5 分鐘，慢則？你落到橋再講。
我當連翔道塞車塞成死左，塞極都係 10 分鐘，最少前者仲係亞皆老街交界，後者起碼去到港景峯。

一係夠膽塘尾道落橋，咁就說服到我啦。
否則跟荔枝角道落橋，一塞車又係一樣趕晒尖沙咀批客。

停埋美孚轉車站？我完全唔多認同。點解仲要停？又唔係無其他線做。
一上一落又無左 5 分鐘，部份時段加士居道車輛倒流，作為全日線，最差係跟 6X 行法。

雖然尖沙咀勉強都算全日位，但旺角更加係。如果荃景圍同楊屋道角度，一條線旺角掃到尖沙咀，會好過只做尖沙咀特快；

但你就一味話荃景圍出尖咀到時會幾快，而家出旺角有幾慢，就隻字不提

我非常討厭依類既立論。
我幾時講過出旺角快？但為左出旺角快，而犧牲直出尖沙咀既潛力，值得咩？兩個立場好唔同。
除左港鐵，而家荃灣一帶有紅小出旺角，請問巴士又點係依個市場分一杯更？但荃灣去尖沙咀有紅小選擇？

而且，出旺角問題，係唔係可以有其他野做到？
我係否定旺角同尖沙咀炒成一碟，我有唔比開旺角特快咩？你要批判人地前搞清楚我既立論。
41A 而家係快左，但出現另一個問題，尖沙咀日塞夜塞，一斷纜就玩完。
青衣當區事實上係有聲音要拆線，不過驚拆完又疏又唔夠客。
旺角同尖沙咀炒成一碟，兩區都有計時炸彈，一爆炸就完。
（而試問除左 41A 外，有幾多條全日特快線係尖沙咀行到旺角？）

仲有其他想像空間，正常的方案都唔少，但一定唔係一味覺得尖沙咀特快大晒，區入面兜到點就唔理；

討論區係多元，我只係提出一個好簡單既概念，無講到包生仔。
荃灣走線可以再夾再討論，好明顯我既方向旺角同尖沙咀分開做，荃灣做得幾多得幾多，然後直出尖沙咀。
但你硬要係做旺角特快先可以做尖沙咀。

我就真係唔明，點解明明係「最差選擇」，係唔係拎最好方案出黎討論都要比你批判？
而且顛倒事非黑白有個譜，高鐵地盤係會塞車，但為左驚塞車，咁不如叫 260X 改經旺角出入，好過日日塞返佐敦道上公路。

針對荃灣慢，係應該討論荃灣走線點執，而唔係批鬥一個明明好合理九龍區論述。

當年改 41A 係唔夠資源，加上青衣除 41A 外全部旺角止步，至要硬改成旺角出入。
30X、234X、238X 三條線，加埋其他區內線，係唔係仲要跟 41A 咁改？
都係果句，除左 41A 外，有幾多條全日特快線係尖沙咀行到旺角？

另外，行西廊仲有你最擔心既地區阻力，你搞好左再講啦。
63X 家陣仲係十點後唔上西廊（41A 起碼去綠島唔上西廊）。

尖咀特快得東九、將軍澳先做到成績

向西看，屯門咁大只係養到260X
元朗天水圍得返1條269B加半條268B

九巴又身體力行搞過6X衰左

而荃灣又同巿區距離咁近(當然呢句實比人話，旺角咪仲近？)

就算我係巴膠都會睇下個勢先..

近年有部份路線開完/改完唔成功，就係因為太多FF
基本上主流幾間大公司都有呢個毛病，只不過埋單計有錢賺先有佢FF

dennis28a 發表於 2016-12-27 05:50
咁你睇完上文下理，一睇就知手文之誤，我係指入海濱花園（坦白講，荃灣唔係太熟路，出現誤會唔好意思）。
...

[路過]63X已經行返上西廊


不得不承認既一件事係尖咀客量並唔係真係好高
經三幹既係道路網上更加天生有缺陷
就算九龍段快
荃灣段慢既班客都係唔會覺得快
[/路過]

dennis28a 發表於 2016-12-27 05:50
咁你睇完上文下理，一睇就知手文之誤，我係指入海濱花園（坦白講，荃灣唔係太熟路，出現誤會唔好意思）。
...

唔好意思，#249 上文下理，我完全估唔到你係想講楊屋道後兜入海濱花園而唔係灣景

不過呢，唔熟路唔係事必都要評論一餐，我都唔係十八區熟晒，
你幾時有見我亂對唔熟既屯元天北區事務指手劃腳、扮四條？費事講錯野有位俾入就唔好啦。

至於你認為我針對「灣景花園」一點「無限上綱」，煩請你自己諗下你一路以來唔合自己心意就要批鬥，點解你會俾人「針對」先啦…

停埋美孚轉車站？我完全唔多認同。點解仲要停？又唔係無其他線做。
一上一落又無左 5 分鐘，部份時段加士居道車輛倒流，作為全日線，最差係跟 6X 行法。

停美孚係會唔見五分鐘

不過你又數下荃葵青而家有幾多個小區無全日尖沙咀線，甚至連兩味線都無先…
如果停美孚，再理順轉乘網絡，條線會變相做半個荃葵往來尖沙咀特快。
呢個情況下，做尖沙咀真特快就有得玩，亦係我唯一接受到飛起旺角（同埋停美孚）的理由

當然九巴美孚轉車站可能已經胎死腹中，但如果配套得宜，本來係有一定戰略意義

我非常討厭依類既立論。
我幾時講過出旺角快？但為左出旺角快，而犧牲直出尖沙咀既潛力，值得咩？兩個立場好唔同。
除左港鐵，而家荃灣一帶有紅小出旺角，請問巴士又點係依個市場分一杯更？但荃灣去尖沙咀有紅小選擇？

尖沙咀潛力真係咁高？

荃灣有紅小出旺角，但荃景圍有無紅小搭？
無紅小出尖沙咀，但你都識講，荃灣線荃灣唔係頭站？唔係仲有條西鐵線特快直達尖沙咀？
楊屋道，甚至海濱，距離西站都唔係好遠囉

咁荃灣仲有邊個位開條所謂真特快去尖沙咀係有得玩的？咪又係得返荃景圍，但你就要呢個頭站區兜廿分鐘先上公路

但荃景圍明明而家落旺角都係慢，如果合理定線上公路，可以由旺角掃到落尖沙咀，
有潛力的客源種類數目，比起你心目中的定線仲要多

而且荃灣比兩條鐵路夾住，唔係應該先照顧更有需要而且更有潛力的遠離鐵路站地區？

望下條 268B 本來都好地地，西鐵線一落尖沙咀，即刻不似人形，仲要大馬路以南距離西鐵站唔係好近

我就真係唔明，點解明明係「最差選擇」，係唔係拎最好方案出黎討論都要比你批判？
而且顛倒事非黑白有個譜，高鐵地盤係會塞車，但為左驚塞車，咁不如叫 260X 改經旺角出入，好過日日塞返佐敦道上公路。

針對荃灣慢，係應該討論荃灣走線點執，而唔係批鬥一個明明好合理九龍區論述。

當年改 41A 係唔夠資源，加上青衣除 41A 外全部旺角止步，至要硬改成旺角出入。
30X、234X、238X 三條線，加埋其他區內線，係唔係仲要跟 41A 咁改？
都係果句，除左 41A 外，有幾多條全日特快線係尖沙咀行到旺角？

咁而家 41A 又係咪因為做旺角而倒左尖咀客先？你的「九龍區論述」真係合理？

同埋 260X 直出尖咀係有歷史原因，當年開通三幹，屯門無全日尖咀線，但旺角已經有好多條線 cover 晒，
所以先至咁開，況且當年路面情況同今日都唔同，重組/開線的準則同考慮都同今日有分別

不過好似好多人講過 268X/268B 油麻地分手，上公路、入大欖既時間差唔多咋喎，甚至 268X 分分鐘仲快。
至於南行，無錯西九廊落橋、連翔道出口都會塞車，但連翔道出返廣東道，去到中港城對面俾人落車，又要幾多時間？

所以難怪本版同其他地方好多人提出過要 268X 改落尖沙咀，順便避開佐敦道黑洞，只係因為收費問題先無可能成事

不過問題就係，做得旺角特快，如果擺佐敦分分鐘仲耐過、塞過擺落尖沙咀，而尖沙咀又有位的話，
點解唔直情掃埋尖沙咀？而係要夾硬開多條根本唔快得幾多的所謂尖咀特快線？

明明旺角人流全日都多過尖沙咀唔少，掃埋旺角又的確唔會慢幾多，你就偏要九龍區只做尖沙咀，
然後荃灣入面就兜埋晒一堆巴士競爭力低的位置，先合自己心水，否則就唔可以。
即係咁，我唔會一刀切話尖沙咀特快唔值得開，但都要睇下咩環境。
如果係由西面連翔道入的，我幾主張開多條沙田城河東尖咀特快，
由 281A 拆，大涌橋路直行掃到田心，對比起塞獅隧、塞窩打老道、塞太子道西/界限街既 281A
就真係快好多，而且可以加價、順手縮 281A 唔入尖沙咀減蝕，甚至重組埋 81C，又可以做單向西隧轉乘，
再加埋青沙轉車站同其他線協同效應。呢幾樣效果加埋，尖咀特快就值得做。
但荃灣呢？俾兩條唔使轉車直達尖沙咀的鐵路夾住，真係有得玩？

一味想快，但唔諗下實際路面情況，唔諗下邊D位真係值得做，唔諗下到底會有幾多客，結果必然係蝕錢收場。

238X 發表於 2016-12-25 22:00
咁又問心，旺角麗城紅小都要好幾分鐘先上滿，唔夠誘因俾巴士開 230X / 234P / 238P 回程 (而且 234P 咁多 ...

234P 加唔到班個原因根本就係因為唔夠車，
不過講真，我係九巴都寧願幫 230X 加班都唔會幫 234P 加了吧，大佬 230X 收貴人地 234P 成個 level ……

castanopsis 發表於 2016-12-26 01:30
我覺得與其等230X回程，不如寄望30X轉特快拉落尖咀食咗條230X好過
黃埔段客量因為觀延通車而下跌，正可以 ...

我成日都強調當年九巴擲過 30X 上西九龍走廊個建議出黎基本上係衰配套，
當年如果佢肯拎條 30 出黎改，甚至整多條線去 cover 荃景圍去深水埔區 o既服務（順道縮短條 30），
根本就應該冇咩大問題（即新線換走 30，30X 特快），可惜九巴就就咁擲左條線出黎就算數，結果未就係比區議會否決左。

老老實實，30 咁改絕對係德政，最少 30 有望起死回生。
而家？30 系列未兩條線一齊攬炒。