東涌新樓唔搭37M唔要垃圾雙層要邨巴 (更新住客留言）

笑死我，又有一班離地中產要求自己新樓要穿梭巴士
運吉根本點都唔會批邨巴俾佢地，佢地仲要死嘈爛嘈
有幾個Point真係笑死
37M講左話會落雙層車（嶼巴雙層唔係去晒B2? 仲有多咩）
佢地仲要話巴士唔適合老人家細路
之前仲話雙層車滿載會反，
如果佢地又有新論點我會更新一下


全文如下：

(不斷更新) 有關申請Shuttle Bus 歸納各方意見如下:
(1)成立業主關注組 (尋找有經驗業主，有利申請屋苑巴士街坊參加)
(2) 了解SHK 申請程序及進度
(3) 要求shuttle bus 路線，因應可行理據作出調整:
選擇一: 東涌市中心(因交通擠塞，申請相當困難)
選擇二: 東涌市中心附近位置(近酒店位置，避開交通擠塞，離鐵路站需五分鐘步程)
選擇三: 欣澳站(現場考察，有足夠巴士停泊處)
選擇四:青衣站

(4) 針對運輸署考慮居民巴士申請，要求SHK 向運輸署反應如下:
(一) 現有或已計劃的公共運輸是否應付需要。
回: 37M 巴士絕對不能滿足東環入伙後交通運輸需要。 數以萬計居民要在烈日或暴雨下等車。另外巴士車身設計不適合小童及老人使用。
(二) 屋苑是否遠離鐵路站。
回: 本屋苑不但遠離鐵路站，而且沒有合適有蓋行人路前往鐵路站。加上，六座對出未有任何行人路/交通燈過映灣園。而且，前往昇薈天橋需要步行最少15分鐘，沿途沒有任何有蓋行人路。到達映灣園後，所有升降機是私人屋苑才可使用，對於手推嬰兒車，輪椅做成不便。
(三)公共運輸交匯處
依據發展圖則，又填海到興建最少八年，才可有合適公共運輸交匯處。
(四) 是否與現有公共巴士路線重疊
選擇二及三路線並 沒有與任何現有及計劃巴士路線重疊
(5) 東涌東薈城擴建項目於2018年下半年落成後，已設計有屋苑巴士Shuttle Bus 停泊位，必須預留一個停泊位給東環使用。
(6) 行動組
(一) 每人一電話向管理處反應
(二) 一人一電話打去運輸署
(三) 早上約齊等車，一條長龍，迫爆巴士(PS 找SHK / 記者拍攝)
(7) 收集意見後，安排接見議員，在區議會向政府部門提出要求(須知可能冇用)=================
住客留言：

少少經驗分享：小弟因為政府關照，所以九十年代起租樓住，經驗多啲，以前啲屋苑，要申請邨巴唔難，住上水，近天平邨都合法有邨巴去上水火車站。住葵涌某半山屋苑時，屋苑邨巴申請牌照時已偷雞服務落地鐵站，後來申請唔到牌照，因為話屋苑附近已有巴士及綠van路線去地鐵站，最後係搵大舊議員幫手，搞咗一輪又申請到邨巴牌照。再後來住四小龍，入伙時有邨巴去美孚地鐵站，一年後話申請唔到邨巴牌，停止服務，不了了之。所以，申請邨巴牌成功與否，真係要睇吓識唔識點喺規則下令到自己最有利。拋磚引玉，希望有其他人的經驗可以互相分享，好過一味堅持要點點點。

--
大家留意，現時映灣園仍繼續有村巴往返東涌站，呢個係一個重點要向政府施壓，點解佢地有，東環冇！
--
話起因其中之一係賣樓果陣話管理費收你成四蚊呎係因為專巴既營運成本，
而家無專巴就開始嘈，加上東涌唔似峻巒可以整紅Van做專巴出入
今天真係花生一地都係

嶼巴最近都有唔少雙層係37M
應該可以舒緩下客量

另外如果SLF巴士都唔適合小童同長者
咁高地台邨巴應該成年人都未必適合

要邨巴唔要嶼巴, 係咪唔想第日同迎東邨班窮鬼一起搭車咋?

低地台得果一級都話唔適合..咁得返行路呢個選擇..

私樓中產一向都鍾意有自己專線，因為咁可以有助屋苑保值，37M要同昇薈Share，東環業主當然不滿。

你37M派架A91佢地會嘈到癲，但轉個頭開村巴俾老冠投到，同樣開番A91都好，佢地都會覺得自己高人一等。

所以海怡半島居民從一開始就反對90延長去海怡，無平車坐唔緊要，同公屋居民Share一架車先係大問題。

21年前城巴接手592後減價，好多海怡居民其實好唔滿意，因為引晒班公屋客搭車佢地會覺得搞到條線Cheap晒。

中剷一向自以為高人一等，搭巴士會降低佢中剷身份嘛，不過又買唔起四個轆

不過唔好話中剷，我住個葵涌區居屋，初入伙時都有傻人話要 SB 落葵芳
因為用到管理費，其他業主不外乎「搭巴士啦」、「買私家車囉」
所以都唔好話晒中剷狗眼看人低

PB602 發表於 2016-12-22 23:18
私樓中產一向都鍾意有自己專線，因為咁可以有助屋苑保值，37M要同昇薈Share，東環業主當然不滿。

你37M派 ...

東環係新鴻基地產，要求龍運開條新線或延長現有路線服務東環好過開條村巴。(與68F延長至峻巒相似)

PB602 發表於 2016-12-22 23:18
21年前城巴接手592後減價，好多海怡居民其實好唔滿意，因為引晒班公屋客搭車佢地會覺得搞到條線Cheap晒。

聽落好過癮，但代價咪自己架車坐唔滿要減班囉

成日喺旺角等 238X 見到前面 87D 條龍排到自己站頭，真係好鬼驚九巴幾時又好似 2013 年咁開刀

呢啲咁嘅虛榮有乜價值？