南港島線通車後，南區巴士輸剩幾多？(歡迎交流見聞或測試)

HW8373 發表於 2017-1-10 00:14
想問下其實而家香隧除左下晝三點塞到七點同埋星期六塞大半日
一般重有咩時間塞得好離譜？例如朝早一般邊 ...

簡略傾下啦, 有咩漏有咩問可隨時回文.
   
未有地鐵朝早 8 點前香隧都吾保証通, 亦試過想早返公司 7:30 上車一樣排到黃竹坑, 正常堅拿道北行夜晚 7:30 仲塞到馬會 8:00 後塞極都有譜.
  
星期六黃昏亦見過香隧塞到冧檔成堆 629 行薄扶林山道去金鐘.
  
77 99 晚繁南行問題, 如果懶堅拿道北行塞無車回, 又點解 70 629 有車回 (當然大家明 629 點解有車), 又如果新城違反自家經營法則大幅加時比 77 99 穩定班次又即係加最少 6 架車, 但加呢堆車北行粒半鐘做得你 $700 生意都未必有, 回程當你打爆, 架車由出廠計到收近 5 個鐘先做得 $1500 生意, 以前計不如有車都比 171, 包賺 $2600 喎.
  
好啦一係柴廠私去筲箕灣頂 77 99 斷纜, 又比你頂到打爆有 $900, 但回程空車無哂繁時食, 又不如比埋 102 788 做三百個客.
  
所以企係新城角度 77 99 吾做好過做, 早晚繁又食吾到 2 個單, 提速上東廊又要轉乘補位, 特別係東廊慢線落怡東永世塞, 中快線晚繁又係塞到吾行, 根本無位可以比 77 99 去提速, 所以行返清風街係現行最好選擇, 真係吾好改走線.
  
另外 99 入灣仔, 真係趕客架, 比我就算炮台山見到 99 分段 $5.3 一樣吾上, 要賭灣北菲林明灣仔道塞吾塞, 炮台山搭鐵英皇道入口計 25 分鐘已經可以海怡出到地面 (有誇張既就加多 5 分).

PB602 發表於 2017-1-10 00:44
我另外開咗篇文講城巴買車同利息開支。
城巴當年為求Market Share，西區狂派車落5B其實成本極高。40架大 ...

師兄, 講開又有回憶返黎.
  
當年城記狂買車已經周街傳佢 (所謂周街都係巴士迷呀班楂車呀) 比利息都大獲, 當時買 6 頭已經係借錢高峰, 供樓已經 10 厘息, 你堆巴士 17 年折舊, 真係好大獲.  當年有傳 B6 用土炮因為借得太多要開始慳住駛.
  
5B 睇法小弟有 d 吾同, 當年城記真係可以做到一架大蘭 148 人每日 18 個鐘最起碼爆 6 個單, 仲要爆呢 6 個單係客量二百幾, 其餘既每單點都過百客; 而中記 10 仔行車時間長流水量真係吾夠 5B 勁, 當年 5B 客量應該勁過過 8 仔 10 仔, 城記 5B 開三四十架車真係有客有生意, 但就重本投資回報勁低白做, 只係城記既每日載客量可用 5B 幫佢打爆.
  
8X 就賣大包做大個餅, 真係好大個包好大個餅, 無肉既.

其實根本就係運輸署縱容巴士公司服務差劣

當年何達文年代九巴又係
今日新創建又係

不過有南港島線後
相信巿民怨氣減少

南區就變成另一個何文田區
巴士服務超級垃圾

neosan 發表於 2017-1-10 00:32
城巴係再係咁，真係無人搭架喇。
好似今日係東涌泳地等E23, 1420等到1450先有架吉車黎
夠道係廠車出黎東涌 ...

除非有同線競爭，否則差到點你咪又係要照搭。
老實講從來唔覺呢間公司憂無客上，先會hea住做。憂無客上嗰啲，差差地都開齊車嘅，例如堆7字頭。

kay 發表於 2017-1-10 07:23
其實根本就係運輸署縱容巴士公司服務差劣

當年何達文年代九巴又係

咁又難嘅，運吉唔會權力大到人地邊個做管理層都控制到，如果下下威脅收專營權，真係收又搞到一片混亂無人肯接手，唔收又得個講字。
始終今時今日，巴士係咪真係舊肥肉大把人搶，大家心知肚明。

GK3258 發表於 2017-1-10 07:35
咁又難嘅，運吉唔會權力大到人地邊個做管理層都控制到，如果下下威脅收專營權，真係收又搞到一片混亂無人 ...

點會唔係肥肉

九巴同城巴閒閒地都賺到~億億聲~

tridents 發表於 2017-1-10 01:19
師兄, 講開又有回憶返黎.
  
當年城記狂買車已經周街傳佢 (所謂周街都係巴士迷呀班楂車呀) 比利息都大獲, ...

如果睇番小分另文講述1993年中巴削線前十大最高客量內陸線，你會發現到中巴8同10係全港島最高，因此成為城巴頭號目標，導致5B同8X於九十年代中期大玩車海。城巴當年一為建立形象同公眾信心（以便可以進一步取得中巴路線），二為盡快上市集資還債同擴張（因為放血太多連徐展堂都頂唔順），所以一定要做靚盤數。盈利就好難搞，但狂谷流水線可以製造客量不斷增長嘅情況，絕對有利上市。

九十年代中期中環交通絕對比而家惡劣，我當時都係5B / 10常客，當年5B東行係行干諾道中，但因為機鐵工程，干諾道中不斷改路同收窄，塞起上嚟真係無譜，西環去銅鑼灣起碼個半鐘，有時要兩個鐘，而其中有九個字至一個鐘係塞死喺干諾道，架車可以喺同一個位完全唔郁半個鐘。

正正因為行車時間嚴重超時，而城巴又要維持乘客信心同口碑，所以只好不斷加車落5B，又拆出5C、5M之類嘅怪物。無錯雖然架架車望落去好爆，但流水線一塞車就會影響乘客流轉，以當時城巴架架新車每日都要還高額利息嘅情況，真係好睇唔好食。中巴見到呢啲情況多數由得條線自生自滅，繼續二十架車行然後由6分一班攤牌攤到10分一班。城巴就因為要維持3-4分一班嘅班次（當時城巴大部分路線會有時間表列出每班車嘅開出時間，透明度比而家高好多，但5B嘅時間表中段係無班次嘅，只寫上「每隔數分鐘一班」），所以就被迫要派40架車行。

無可否認城巴嘅做法最得民心，最後亦一嘗所願成功上市，復又於1998年不經投標直接獲得大量中巴高盈利路線，可見策略成功。但在商言商，5B（同後來8X）咁玩法對城巴好傷，所以當港島區大局已定後，未等到新城合拼，城巴就已急急將5B減班，然後陸續將5M取消，5C由工半改早繁，再後期1同5A合拼。