南港島線通車後，南區巴士輸剩幾多？(歡迎交流見聞或測試)

FBI2 發表於 2017-1-10 13:49
新城搞到而家咁,主要係因為唔夠車長. 城巴欠50位車長左右,新巴欠80位車長,但係又請唔到人
其實九巴都有唔夠車長既情況,但勝在包裝得好,同埋有班益仔隨時候命,新城雖然都有班益仔,但唔知點解調配上冇咁靈活(除629和awe外).

今次南港,城巴最少減40部車,應該對人手不足有幫助,至於新巴,應該都可以減唔少車.

不過,新城有個原則,就係紅隧過海線盡量不收車.

FBI2 兄, 多謝提供國家機密.  小弟吾識咩人, 係呢度左吹右吹只係 d 親身經歷, 聽你咁講, 小弟感受呢廿幾三十年巴士公司話親吾夠人, 真係自身問題導致.

1. 26 線前幾年中記得 9 成幾人開 8 成車, 26 線後 Cut 2 成車, 所以 9 月 1 日岩岩齊章打對家.
  
2. 一年後又開始吾夠人 tup 車情況又開始, 但對家黃公司人海戰術勁過你.

3. 14 線及 98 年前又係吾夠人有字軌長收, 黃公司及對面海又無佢咁誇.
  
4. 早幾年九記無人無到條條線開 8 成車都吾知有無, d 人話九記出手低, 係都過新城做.
  
5. 呢幾年九記人工好左請人易左, 班傻仔就話九記加人工頂爛市攪到新城請吾到人.

6. 二年前西港島線通車新城已經西南區 Cut 左堆車, 怡家又係話吾夠人, 同 93 年 95 年 98 年中記無分別.
  
7. 如果二年前預計城記 Cut 港島西有人有車比條 290 你做, 怡家無人脫班肯定脫到 10 級地震.
  
8. 如果今時今日無南港島線仲要靠你新城缺 130 人, 同 1993 年 8 月 31 日前中巴毫無分別.
  
小弟只係齋吹, 咁多年來話吾夠人, 其實只係管理層有問題, 當年中記無人城記開檔就有人加車加班改善服務樣樣齊, 九記換左 CEO 成間公司轉哂性.
   

053h4 發表於 2017-1-10 14:34
根本巴士司機人工低，97中巴司機工半都兩萬啦，而家九巴先開兩皮一

無三萬會有年輕人入行？ 個個大學生爭 ...

乜當新城唔夠人,咁連港島都俾埋九記就會夠人咩?

053h4 發表於 2017-1-10 14:03
首先, 有利潤管制上限(做做下就變最高回報), 所以人地先報8.8%, 2000年加過價
另外, 借貸利息當年係金融風 ...

其實我本來都唔想再覆你啲文，但有樣嘢真係錯得好離譜。
由1992年開始，行政局已經通過，此後批出嘅巴士專營權係再無利潤管制。新巴專營權從一開始，就唔似中巴喺1992年前咁有15%准許利潤。

我諗你想講嘅係票價調整安排，即係利潤超標就要同乘客分享呢樣嘢。呢個機制係由2006年先開始，而我係講緊新巴接收中巴路線後，周大福收購城巴前（2001年），新巴自己話有8.8%回報。唔通新巴2001年已經預計到2006年會發生咩事？而呢樣嘢又關捷達咩事？

FBI2 發表於 2017-1-10 13:49
新城搞到而家咁,主要係因為唔夠車長. 城巴欠50位車長左右,新巴欠80位車長,但係又請唔到人.
其實九巴都有唔 ...

留名睇九記車廠管理層地震之後, 益仔有冇咁靈活

而城記冇咗海洋公園支大水喉, 都叫仲有個新機場,
不過機場綫返工又遠, 行車時間又緊張, 點會咁易搵到人返,
深西特又成班人賴死唔走, 都唔計了

629, 629A, 629S改動的運輸署通告
http://www.td.gov.hk/tc/traffic_notices/index_id_48045.html

小弟今晚去金鐘上堂早左到，係金鐘站企左15分鐘睇南區香隧線上客情況

時間/車隊編號/路線/上客
1746/9556/37B/22
1747/9535/70/10
1747/9510/90/6
1747/9509/75/2
1751/7053/97/10
1754/8102/90/3
1754/8275/70/25
1755/5629/590A/0
1756/8133/97/4
1757/9026/37B/22
1800/8113/70/13

之後小弟走左
就算1747班75走左到小弟走時未有下班75到，見有5人等緊75，唯一係590A係完全無人等過...

tridents 發表於 2017-1-10 00:59
簡略傾下啦, 有咩漏有咩問可隨時回文.
   
未有地鐵朝早 8 點前香隧都吾保証通, 亦試過想早返公司 7:30  ...

咁都唔怪得東區同南區對條 99 個觀感爭咁遠


平時閒日久唔久下晝入鴨島傍晚出返黎
星期六或者日上午入中午出返黎


唔塞車例如星期六朝早八九點 99 則魚涌起計
站站停坐滿人最快 35 分鐘已經到海怡尾站
連埋筲箕灣個堆短途客單向營收唔會差得去邊
朝早同傍晚打後的確無野好改


但早繁後英皇道周圍整路又多貨車而且北角有大量路口成堆貨車私家車排隊入
巴士同其他車左穿右插打晒交咁好惡啃
昨日中午由則魚涌搭 116 過海
個零字到健威
之後用多半粒鐘先入紅隧
怡東出面望過去都好多車
紅隧線已經少站過內陸線
即係 77 99 日頭齋由康山則魚涌計去香隧都隨時半粒鐘甚至以上
將北角炮台山天后日間塞車既時間已經夠佢直飛灣仔做返轉頭執多批客



同埋有時單邊特快回程無客呢樣野正正係新城大部分路線面對既野
好似港島經西隧過九龍快，調轉就慢
香隧紅隧出九龍慢，調轉就快
薄扶林山道天橋出去快，回程慢
東區行東廊去中西區快，回程周圍兜客拖返慢


一邊快一邊慢好易因為其中一邊盤數唔靚而令巴士公司唔肯正式加班
好似你都提到如果 99x 朝早 9 點零鐘到東區無所事事不如唔做
其實呢個鐘數雖然東區唔多人搭 99 入南區，但 720a 開始停、722 開始疏、英皇道開始塞
對東廊線既需求唔低
但呢種鐘數 722 一樣載滿人上東廊
特登搵架新巴加落去 720 722 架新巴之後除左夾硬去隧道線之外都無地方去


而家條廿分鐘一班垃圾 18x 日日兜埋兜埋都有堆走左架東廊車既人當東廊線加班車咁搭
個人經驗搭親 18x 同 99 最常有生客問路其中一個地方就係經唔經灣仔電車路個邊同上環
成條電車路係人都知有地鐵但班人既然想搭巴士
俾多架快車兜得幾多得幾多上東廊實有人搭
城巴勝在去金鐘灣仔銅鑼灣既路線夠多
入到南區有區內線有銅鑼灣線有 90b 攝下攝下唔難運返架車出黎做其他賺錢西隧線



之前星期六中午試左幾種唔同方法由鴨島出九龍塘同人補習
有次猶疑緊 171 轉火車定 90b 轉地鐵好
上左 171 個零字內到利東村口成車人塞上去塞返落黎
中間重有貨車塞著條路搞多 3 個字
呢下已經後悔唔睇清楚有無 90b 就上 171
然後未見到香隧口已經塞到停低
焗著面矇矇打俾對方話改期
成車人塞到黑口黑面
人地香隧線出灣仔銅鑼灣一塞完就落得車
171 班人海怡出黎 7-8 個字連海都未過


明明海怡西村十分鐘都兜到大半車生意
唔上利東既時間已經夠行香港仔直飛停一兩個大站塞夠 $1000 直飛西隧
西隧出返黎九龍有成幾個路口無可能個個都塞到唔郁
起碼大半車人半粒鐘已經到油麻地旺角附近
下下乜都唔搞用最低成本由得成車人陪塞而家睇見鴨島出黎 171 吉車真係心涼