南港島線通車後，南區巴士輸剩幾多？(歡迎交流見聞或測試)

kay 發表於 2017-1-13 21:21
朝早48華富往深灣，過左返學時間開14-16分
搵鬼搭咩

78同時段開7-8,即係兩班78先有一班48

朝朝漁暉道等車去黃竹坑站都係78嚟先
係有次78上到頂閘先搭48

Choco 發表於 2017-1-13 21:15
現在70/72仍然會頂閘, 想信只係某幾班由頂閘變咗唔頂閘,
48除非碌車, 唔碌其實都係12-17分鐘到黃竹坑站, 又 ...

我覺有0的心理問題，搭４８去到黃竹坑站仲係南區．
搭到去大學站已係西區，但兩者轉鐵搭幾分鐘已去到市
區．但南港島線金鍾要行翻上去又未必個個鍾意．．．

wrong calculation--

最近有個想法

既然973都頹左

不如973來回入黃竹坑總站
取代71，往返瑪麗有直達巴士，而且去到西營盤
最多補分段

南港島線西段通左，再作打算
可考慮改為73A 西營盤-赤柱

kay 發表於 2017-1-13 21:41
我相信係配套問題

其實計下數

去太古坊既話
南港島線車站搭去則魚涌站都係 $8.2


華富出去好睇個人識唔識路


東區人如果比較後生、少去薄扶林
根本完全唔會諗去港大站轉


不過住港島廿幾年以上既東區人以往未有東區醫院前都總會去過瑪麗
大約都知有 d 巴士行山道天橋出中上環
就算唔記得路線去到巴士站見到車黎都可能會識搭 4x
搭到出港大唔爭在搭多陣去上環站先轉
上環去則魚涌站 $6.7


當然唔知多唔多人識去搭 69 號小巴直去則魚涌

HW8373 發表於 2017-1-13 22:38
去太古坊既話
南港島線車站搭去則魚涌站都係 $8.2

多謝你提我
我計錯數，48轉港鐵mark左金鐘站為起點
如果計埋個幾蚊，就打和

053h4 發表於 2017-1-13 21:45
轉鐵計，華富出發，上到4X可以直出埋上環香港站，正常上繁20-30分鐘可以到香港站，到上環就16-20分鐘，都唔 ...

黃竹坑就算唔搭48
南朗山道都大把車返華富
車程仲要比港大短

但華富去黃竹坑站
得48一條線直達(紅小就算把啦...)
班次又唔係密,好難吸到客

相反去港大就有4/4X/40/40M

stevechau 發表於 2017-1-13 18:30
常識?? 事實就係短途起黎有時連地鐵都未必夠快(當然係計地面TO地面)
你計果個%係無意義, 點挖...因為不論 ...

你係度轉移視線。

我夠知道如果係 1-2 個地鐵站距離既車程，如果計埋上落地面，流水線巴士分分鐘快過地鐵。
但再長少少既地鐵車程，同巴士對比，又係咪一樣？

上落地面都係咁既時間，但地鐵一個站只需約兩分鐘，巴士同樣距離至少五分鐘，
咁係唔係當超過某個距離的時候，流水線巴士就會慢過地鐵，而且距離越長慢越多？

你講咁多野，你根本只係複述左「慢 10 分鐘就係 10 分鐘」呢個 point，你無證明過
20 分鐘車程慢 10 分鐘，同 1 小時車程慢 10 分鐘，對乘客的觀感無分別，因為你無證明過兩個 case 的 10 分鐘對乘客的價值一樣，
你無證明過 percentage difference 唔關事

用另一個比喻，一件貨品原價 $100，折左賣 $95，同埋一件貨品原價 $10，打折賣 $5，顧客的觀感係咪無分別？
正常人都會同意前者平少少，後者半價平好多

如果超巿 $100 貨賣 $95，銷量應該會增加少少；但如果 $10 貨賣 $5，可能一兩日就搶晒了

你問我既話, 之前上左咁多客, 係油尖旺(太子唔夠在內先)範圍入面最常落到雙位數字客量既...
得油麻地同雅蘭兩個站...而落既客佔前段上車頂盡30%左右...有係有, 不過唔係多...
彌敦道流水需求大, 但唔好忘記彌敦道流水線都有好多...
其實係分薄左好多呢堆客GA...

你肯定油尖旺區內落得咁少？再加埋其他咁多個站落客人數，真係得彌敦道上車人數的 30%？
如果轉入彌敦道，上層仲有大把位，而油麻地同雅蘭都落到雙位數的話，係咪意味住尖沙咀上車乘客旺角前就落左起碼一半？

彌敦道流水線有好多，分薄左需求，但唔代表 2/6 呢段路的實際使用人數少！

你呢D根本就係講D唔講D…

我肯定既係...大埔去觀塘, 元朗去觀塘全日係唔止74X/268C咁少人次客量的...
咁淨低果堆客點去?? 到底淨低果堆客個%大定係74X/268C佔既客量%大??
人口增長左咁多, 同一條線既客量又有無相應多返咁多?? 無既話咁淨低既又去左邊??
你肯定到大部份人都搭巴士既話...我好歡迎你比實際官方數字的去學習下...
而唔係講埋D好似好合理但無實際支持既野咁...
正如我都好鼓勵你多D落地係彌敦道行下坐下2/6仔...睇下你估得岩定我講得岩??

你又係講D唔講D

太和同大埔墟站唔近 74X，走左去搭鐵路係正常

但用常理都可以諗到，如果係 74X 沿線，根本唔近鐵路站，有咩理由搭 K 巴再轉東鐵線再轉觀塘線走？

不如你自己試下去搵下 74X 沿線咁多個選區的人口普查數據，睇下往返觀塘區的需求係幾多，
再望下 74X 開緊咩班次，一日載緊幾多個客出去，先再講啦

268C 都係一樣道理，仲要大半條大馬路離西鐵站有一段距離

「人口增長左咁多」，增長左幾多先？大埔就真係唔見有幾多增長啦，至於元朗，268C 過去十年總共加左幾多次班，你又唔提？
如果淨係計 268C 元朗區覆蓋範圍，人口過去十年有無增長成倍咁多？無既話，再加上西鐵通車後 268C 客量基本不受影響，
你肯定 268C 佔有率少過一半？

你以偏概全，連基本常識都唔理，淨係活在自己的一套裏面，根本好難同你討論落去

dydx 發表於 2017-1-14 11:08
黃竹坑就算唔搭48
南朗山道都大把車返華富
車程仲要比港大短

掉轉方向都可以搭 73 去海洋公園站 ge
不過平日 73 好似開得好疏