南港島線通車後，南區巴士輸剩幾多？(歡迎交流見聞或測試)

kay 發表於 2017-9-2 09:46
上星期六經過大街36X/37系總站
見到有3部綠VAN無做生意

之前新城在RPP，說969在西消防街加站，是因為可以經西營盤站通道上半山，服務範圍可以擴大，所以之前新城叫人經利東站上去利枝道坐90完全不出奇。
如果漁安苑有出口，對37/37A/39M小巴影響更大。

kay 發表於 2017-9-2 09:46
上星期六經過大街36X/37系總站
見到有3部綠VAN無做生意

鴨島生意難做係事實
小巴佬都未必考慮加價,加價自己無客

但好似小巴36/37/38,唔重組就可能交牌
到時0服務,咪又嘈..唔到運輸署唔批重組

前面我都有講,價錢平係會有影響
大街往返利東,依家係FREE,差在你肯唔肯行,呢下都好傷

加價會趕客，太密可能會蝕．根本堆線吊緊
鹽水．佢都唔想趕客，但根本堆線蝕．趕多
0的客話蝕得太勁要摺堆線，等間公司有下
台階要摺晒堆線．．．

當日利東有0的位落大街唔駛錢37系已死左
一半，36X出銅記唔係密，係翻鴨島先有人
等．出銅記又要對住條睇心情黎塞車的香
隧，港鐵又密唔會得翻好多人搭36X．港島
0的人較唔計較避塞車每程比多幾蚊換少塞
車服務，36X就算未開南港島線非繁都無客
．鴨島出市區有人搭線得翻90，592．．．

P.S.你見到0個3部無開工車可能已經行車証
過期等比人租轉會先會續牌，根本唔需要
0甘多車．．．

P.S.2：鴨島綠小線收費偏低，可能長期係
微蝕．就算27加價都係加幾毫，買新車都
係買二手車．如果唔係當年政府比資助換
新車，呢間公司可能去到17/18年仲有3代
圓燈．．．

近排所見所聞.
  
星期六下午二點幾鴨島搭巴士出天樂里, 咁岩小巴 37A 東村轉落黎, 成車得一個客, 後面 E400 @ 590 鴨橋入緊海怡約 15 客, 真係算好生意.
  
然後下午五點幾灣仔近榮華返鴨島, 當時好大雨軒尼詩道東行塞到無得行, 落大雨都好咁既環境照行去灣仔站搭地鐵, 換轉以前大雨又塞又星期六黃昏, 灣仔道等半個鐘未必有車, 或有都未必上到.
  
搭地鐵時見南線北行好多人, 可能落大雨黃竹坑人走都吾搭巴士.
  
早幾日朝早香港仔約 8:45 搭 94 去西營盤 (33xx), 上車時樓上 6 成客, 香港仔上 15 個, 漁市場 10 個, 田灣 15 個, 樓上座滿企多 3 個踩上華富, 話佢無生意又吾係, Cut 左佢又吾夠載, 靠佢食胡又吾夠肉食, 慘淡經營.
  
再上星期六朝早搭 8:40 班 97A 去黃竹坑, 總站 40 人, 利東街市 10 人, 漁安 15 人, 只此一班仲好生意過 96 97 99 出鴨島.

點解590仲未取消？

我自己覺得如果行政會議批准新創建加價，下年RPP應該對590有所動作，始終不可能長期這樣的狀態繼續營運。

今早 7:45 無線新聞交通消息影住堅拿道天橋有 d 車龍.
  
約 8:05 屋企出門搭 Lift, 落左幾層有對中年夫婦街坊入 Lift, 個女既拎個電話出黎話堅拿道好塞喎 (望到佢電話應該係 TD 即時影像), 今日都係搭地鐵啦.
  
近排早繁搭地鐵入閘感覺多人左, 但上到車海怡利東黃竹坑 3 個站加埋, 又吾覺大幅度多左客, 而多個月觀察, 早繁南行去黃竹坑返工客其實算多人, 頭 2 卡平均 7 成滿開車往海洋.

借文講下.
  
上星期某日早繁經過利東 98 總站行去麥記等人, 當行到站頭位 E400 打開頭門準備上客, 有個婆婆排頭位上車傾計咁問司機點解日日朝早等 98 咁耐一班, 個司機又傾計咁答係呀 d 車朝早去哂第二度所以好耐一班車.
  
之後行去龍尾最少 60 人等 98, 最後架 E400 企幾個出站, 去到街市實打爆, 漁安吾駛旨意有車搭.
  
心血來朝睇下下班 98 隔幾耐, 真係隔足 12 分開大 9.
  
以前無人無車抽 98 過 97, 家陣全南區 Cut 咁多車條 98 仲係十幾分班 E400, 當班客死.
  
早幾日同同事吹開, 佢住深灣, 問佢呢排返工咩環境, 佢話落到街有 72A 開約半個鐘到 Sogo 轉地鐵, 行去黃竹坑站又熱又遠, 都係搭 72A 訓一陣, 未有地鐵前佢話搭 72A 平均 9 個字出 Sogo.

tridents 發表於 2017-9-25 22:50
借文講下.
  
上星期某日早繁經過利東 98 總站行去麥記等人, 當行到站頭位 E400 打開頭門準備上客, 有個婆 ...

早繁而家 94A 都係明顯爆得幾勁
應該都係 98 連帶問題

至於 72A o個樣o野,
就算係搭鐵去港島東 / 九龍東, 出銅鑼灣轉都係有 so
黃竹坑站對深灣人o黎講真係行得太遠
仲有搭鐵去港島東/九龍東,
特別當聽到廣播話「下一站：灣仔」同「下一站：銅鑼灣」,
都真係覺得個回頭車幾浪費時間

我都有個朋友長期鴨島出入將軍澳,
佢話下繁怕o左金鐘站
寧願銅鑼灣出返去轉 592

老問題啦,
搭巴士出銅鑼灣灣仔又o吾係慢
但係搭鐵, 金鐘站向東面個回頭車真係o吾係好開胃

條72A個時間表真係好有問題.. 早下繁做20分鐘一班..反正非繁就15分鐘一班 銅鑼灣返深灣呢段時間幾乎班班得10個都冇 反而條75 30分鐘一班都叫坐到~40個 咁不如減72A一架車比75仲好啦

98收費便宜，新創建沒有大意欲經營不會驚訝。

南區區議會一直要求黃竹坑站至深灣道有行人天橋，屆時加上現有的MTR特惠站，巴士應該再有打擊。