南港島線通車後，南區巴士輸剩幾多？(歡迎交流見聞或測試)

kay 發表於 2016-12-31 10:53
90B唔取消得
因為香港仔唯一一條山道天橋特快

咁590改薄扶道山道天橋加停西消防街路口上返林士街天橋東行
而91延長至海怡即可+加車

kay 發表於 2016-12-31 10:53
90B唔取消得
因為香港仔唯一一條山道天橋特快

但係山道天橋之前都係慢
學30X只停大站就差唔多

另外629仍有生存空間的
除了中環,


可考慮改為
停時代廣場不停站往啟德郵輪碼頭(唔夠客就停埋藍田)
並延長至數碼港/海怡

kmbodth 發表於 2016-12-31 12:37
另外629仍有生存空間的
除了中環,

平過671去南區
新城實蝕到入肉。
671都唔掂，629要去爭埋一份？

kay 發表於 2016-12-31 08:23
南區隧道對外線夜晚7點後開始客量得返好少係一向既事

南區西區咁多年黎都係咁，好睇唔好食得繁忙時間見得下人.唔係中巴點會5系長放交叉F到放棄.
東區都一樣只係情況好小小，好似柴灣西灣河筲箕灣咁，唔係居民返放工出入，人流有幾多.啲線大部分又全日要開到夜一夜，賺埋都貼凸出去.
好似中巴80咁，夜後無車朝早用埋冷氣車打仗中段時間執得幾就幾多，就話做得住～

FBI2 發表於 2016-12-31 10:11
雖然學生哥放緊假,又有班港人去左旅行,但其實現時情況,已經足夠令一班什麼關注組織跌眼鏡. 因為,呢班關注組 ...

通車前，社區不斷有聲音指出南港島線三卡不夠載，MTR年年加價，運輸署cut巴士線逼人坐MTR。

我自己立場是一件事歸一件事，可加可減機制是有問題，但我同意運輸署吳先生在最近一次南區交通委員會說，乘客用腳投票選擇合適的交通工具。

我覺得沒有需求的交通服務應該取消，騰空資源去其他地方。

ctb234 發表於 2016-12-31 09:18
新城有本事得罪沿途大部份乘客(死忠fans除外),仲要條條線都係咁.
一條5分鐘一班客量既班次都可以俾你地搞死 ...

點只呀 50分鐘一班甚至一個鐘一班都做得出 好似25呢啲20分一班兼你完全唔起眼既線.
佢理得你死鐘意就開唔鐘意就唔開.
搭車要等下係天經地義 你寫20分班 沿途交通情況預計唔到 比盡等30分鐘可以接受.
另一條63，30分鐘一班車，下午16xx打後啲班次賭大細咁，一日有兩日冇，三四有又一日冇.
經常性無譜既班次叫啲客點等？
有啲死忠實話你自己係度等之嘛又無人揸住枝槍叫你等，等得咪等唔等得咪搭的士囉！
鬼唔知咩，你間係公營服務巴士公司喎，承諾得既班次服務就要俾足.
大家都知呢兩間野唔係間唔中係咁，又係每一日係咁.
你估紅色小巴呀鐘意就開，唔夠客等幾耐開都得.


過年節日路通都無車？梗係啦早夜加埋唔知鋤幾多百人，你賴人鋤假，你點對班伙計先？
完全係個惡性循環.

kay 發表於 2016-12-31 10:45
其實都唔係，我咁多年都見過唔少有心為社區既人

不過交通課題唔係咁講

根本而家個勢係仲衰過將軍澳線通車個時
將軍澳隧道個時都唔會塞到好似香港仔隧道咁
所以仲有一堆特快線有競爭力做得住, 如98D, 296D, 796X
但南區堆巴士線好多只係去港島北岸, 做既唔少係轉鐵客, 而家一鋪清袋


同地鐵平行既巴士線, 得短途區內線或長途特快線有得做, 起碼短線唔駛行上行落做區內長者客, 長途就時間上有競爭力
中距離既平行巴士線在時間上一定同鐵無得爭, 而香隧線大部分正正係中距離線, 所以真係全部收得工
我諗有競爭力既長距離特快係得671飛東廊, 經紅隧去土瓜灣(即107), 同埋經西隧去荃灣/沙田, 睇下巴士公司敢唔敢試

kmbodth 發表於 2016-12-31 12:37
另外629仍有生存空間的
除了中環,

咁同開條新線有乜分別??
為左保住個number，巴迷可以去到幾盡??

ATE31 發表於 2016-12-31 13:58
同埋經西隧去荃灣/沙田, 睇下巴士公司敢唔敢試

問題係南區唔似將軍澳咁多人口，將軍澳仲要可以拉埋觀塘做，人地當然支持到非旺區長途，例如將荃、將沙

但南區人口分散，兜又慢唔兜又唔夠客，地鐵未通個陣170、171已經做哂沙田等等新界東乘客，可見本身需求根本唔高

ATE31 發表於 2016-12-31 13:58
根本而家個勢係仲衰過將軍澳線通車個時# A$ w' i7 W0 m
將軍澳隧道個時都唔會塞到好似香港仔隧道咁
所以仲有一堆特快線有競爭力做得住, 如98D, 296D, 796X
但南區堆巴士線好多只係去港島北岸, 做既唔少係轉鐵客, 而家一鋪清袋

咁又未至於，691/693將軍澳線通車Day 1就已經暴跌90%客載空氣，就算98D都跌成50%，
當年通車一星期就要重組止蝕