南港島線通車後，南區巴士輸剩幾多？(歡迎交流見聞或測試)

miklcct 發表於 2017-1-6 23:44
90 97同590其實係特快，前兩者係灣仔摩里臣山特快，後者係中環特快，快過地鐵好多
...

590 幾時快過地鐵？

我不如話九龍條 1A 係觀塘九龍城特快好唔好？

38．HKT．138 發表於 2017-1-6 21:30
證明巴士優勢唔係短途唔合理地方就大把，係咁意舉個例，短途先冇乜人想落去搭地鐵.
例如銅鑼灣去灣仔，中 ...

短途真係搭鬼地鐵呀。

好似我上次灣仔駱克道去大會堂呢啲咁短途，行出外告士打道求其截部特快，出發起計6分鐘就已經喺大會堂對面落咗車啦。如果行返去地鐵站？分分鐘閘都未入到呀！

S3BL100 發表於 2017-1-6 23:46
590 幾時快過地鐵？

我不如話九龍條 1A 係觀塘九龍城特快好唔好？

590正常15分鐘內行完全程，遇着趕收工車手癲起上來10分鐘都試過！

LAK2 發表於 2017-1-6 23:38
其實我相信kay兄呢篇文想集合大家既客量紀錄以進行分析,
多過一堆長途短途理論吹水囉...
再講, 每個區既情 ...

其實就算係中環，都已經無乜理由搭巴士

90 97 我覺得縮去金鐘好過飛金鐘，至少中環就算行海皮入都要塞車，尤其回程交廣出站，塞少幾架巴士都好，金鐘純粹擺位。
對重點要留的灣仔客，金鐘開車會好過中環開搞到無定向班次

590 直頭可以執笠，最多留上下繁有限度服務，去中環鍾意搭巴士既，90B 啦…

當然香隧一次過無咁多部中環車，心理上可能會係問題

不過金鐘無左條 629，已經多唔少位可以用，
12A/12M 擺去有蓋總站就不必，反而仲兜耐左。
反而係咁多位用，我寧願藉呢個契機，將東九東隧線（尤其 619）全日拆，慢線擺金鐘，減少私牌踢車都好

S3BL100 發表於 2017-1-6 23:53
其實就算係中環，都已經無乜理由搭巴士

90 97 我覺得縮去金鐘好過飛金鐘，至少中環就算行海皮入都要塞車 ...

香港仔去中環唔使諗一定係70啦
海怡/西邨出發如果好趕時間就590啦

590好老實,
唔經金鐘都做唔住果陣寧願兩味好過...

不過呢間公司近年只係識睇架車收幾多錢做重組就無辦法...

鴨島基本上而家個局畀地鐵搞到好尷尬,
想搵條出路行亦唔係容易,
特別地鐵出新界本身時間唔係慢果陣...

S3BL100 發表於 2017-1-6 23:53
其實就算係中環，都已經無乜理由搭巴士

90 97 我覺得縮去金鐘好過飛金鐘，至少中環就算行海皮入都要塞車 ...

問題係中環收工真係有客, 唔做有D可惜
尤其是星期日, 有某個國家既人好鐘意去中環, 唔塞之餘, 應該唔太憂做

個人建議中環方向跟601轉出海皮, 塞少條大道中已經好唔少

同埋真係CUT香隧線中環段的話, 我怕反而增加薄扶林線重組阻力

＊＊＊＊＊＊＊＊

12A/M搬入去, 當然係講緊629個位

有件事我一直覺得好奇怪，就係南港島線西段一直只聞樓梯響，
但所有人都無視了中間的接駁～

意思係，當年九龍南線興建中，都有條K16做一模一樣的走線，接駁兩邊的車站直至通車，
咁今時今日又有無呢？

我相信大家都會答我係無，但新城同運輸署一直都當左係有，
果條線係43M～

問題係，43M根本連黃竹坑站都唔到，反而去左田灣，連香港仔都唔到，真係令人費解～
而同一時間，971同43M做同一段路，客量亦唔見得係好，加上970同970X客量都跌左，可以重組。。。

我個方案係，43M變海洋公園／黃竹坑站至堅尼地城站（循環線），971縮短到堅尼地城（904總站），
970不變，970X變石排灣至欽洲街，來回改經士美菲路，堅尼地城站，城西道，干諾道西出入西隧～

kay 發表於 2017-1-6 22:15
其實大家應該弄清前提

就當問大家

車點都要 cut
爭在 cut 法係睇客量跌幅、收入定係睇替代品


好似以前 91 食 94 搞到無晒西村客咁
睇客量或者睇順路就正路
但隨著利東交通日益繁忙
兜一兜單線行車既利東浪費既時間愈黎愈多
跟中架多人既 171 99 671 埋站頂著後面就有排先落返黎
正一由 94 食 91 隨時重快
睇地圖規劃時可能都未必睇得出


同埋鴨島個道路設計令巴士來回要兜同一個地方一次
有時個感覺都唔太討好
好似 671 95c 595 其實係咪需要下下兜兩次海怡呢
重有 595 98 之類雖然入到香港仔中心但塞一餐去到香港仔巴總先有站
同香港仔海傍落車行隧道根本差唔多
將堆鴨島出薄扶林線執下個短途收費已經善用到 90b 91 之類路線既剩餘運載力


過去半年不時夜晚 7 點半左右由利東返東區
次次等車途中都聽到其他等車客 "哎又係 171"、"嘩 171 真係好密" 之類對話
顯得市區線特別疏
一架 171 兜完一鋪利東下一班車已經係山腳個燈位等緊上山
望著十幾架其他巴士經過先到自己條線實在好易令人錯覺等左好耐
襯而家 171 重創連紅隧口乘客都大跌
隨時差過 671
正好藉呢個機會檢討下條線

90 97 呢D究竟點郁,
都係等數據吧,
有人係摩利臣山見到97都ok多人,
有人又見到97冇客落飛金鐘,
或者有人鐘意97轉東涌線,
又有人要晨早地鐵都未始發, 就要坐97轉機場快線入機場返工。

所以點樣郁, 要每個時段, 每個班次, 每個站, 都要分析,
要郁亦可能唔需要全日一刀切同一模式咁郁,
而家連些少數據都未有, 真係好難下結論。

然後又唔覺有人報過970/970X係咪少咗客,
究竟有冇少咗客係真定靠估又唔知,
定係上年12月後已經都係咁又冇比較過。

總之, 希望有的是數據, 相片等資料, 再結集。