旺角將建超級天橋，直通四線鐵路

jpoon 發表於 2017-1-11 06:51
唔識就唔好回啦，當年大大個路牌楝響快富街兩邊出入口叫人用地鐵出入口過馬路
其實地鐵起好後政府曾經響好 ...

話你九唔搭八真係無錯
快富街要落多層到大堂先過到馬路，另外幾個出口駛唔駛？

jpoon 發表於 2017-1-11 06:57
如果要起到好似旺角道天橋咁嘅闊度，似乎係冇乜可能局部封閉喎

天橋闊度同可否局部封閉有乜關係？
用閣下講過的話回敬，唔識唔好回喎

s3n370 發表於 2017-1-11 19:33
話你九唔搭八真係無錯
快富街要落多層到大堂先過到馬路，另外幾個出口駛唔駛？
...

咁你要問下政府啦，個路牌又唔係我放嘅
仲有就係尖沙咀A1出口同A2出口之間係有隧道嘅（只不過之後因為起升降機而臨時封咗），唔需要落到大堂架喎

s3n370 發表於 2017-1-11 19:39
天橋闊度同可否局部封閉有乜關係？
用閣下講過的話回敬，唔識唔好回喎

所以話你唔識就唔識啦
一般天橋係可以用單橋樑，但以亞皆老街咁嘅條件，最多只可以係西洋菜南街以東咁做，過咗呢段之後就要用雙橋樑去分擔重量，仲有就係起橋唔係咁簡單，橋樑下面仲要有基礎
起雙橋樑最好係相若時間起好，你自己去旺角道觀察下而家起緊果段天橋點起先啦，加上起得天橋，最好梗係好似灣仔站咁，可以由地鐵站直上天橋啦，既然係咁，唔封晒C、D出口又點起呢？請問點樣可以局部封閉呢？回正題，我個人唔係咁贊成響彌敦道以東嘅亞皆老街起，因為亞皆老街本身已經夠車多，再起天橋實要佔用一、兩條行車綫，加重交通問題

jpoon 發表於 2017-1-12 05:09
所以話你唔識就唔識啦
一般天橋係可以用單橋樑，但以亞皆老街咁嘅條件，最多只可以係西洋菜南街以東咁做， ...

明白哂，原來閣下0既意思係，
唔能夠用閣下指定的方法起到閣下心目中的天橋，就等於無可能起到
首先請你解釋下乜野係閣下自創0既“單橋樑”同“雙橋樑”
我唔講業內人士識唔識先，
google一下，最相近唔係地名，就係機械工程相關
建造工程、橋樑技術...見唔到0既？

閣下又叫小弟留意下現時旺角道天橋當年係點起，去印證閣下的說法。
咁我又邀請閣下去現時旺角道天橋西延工地睇睇（利申：同相關工程沒有任何關係）

閣下話最好所有橋蠆相若時間起好，無錯係最好但非必然
現存彌敦道東面的橋蠆連預留的承托結構，己落成超過十年
如果隔佐超過十年都叫做相若
只係考慮出口全拆再起呢個方案，
只要逐個（或兩個不等）出口輪流封閉，改建完先做下一個
四面支撐做哂先至起橋身，甚至唔0岩心水再重新拆過哂做過，
兩次加埋都肯肯定唔駛十年喎，咁又何需要全封先？

如果係加固/改建隧道結構令到夠力承托埋天橋
隨時略為收窄條隧道己經夠位做

拎現有旺角道同灣仔站A5出口硬塞落去建議中的亞皆老街天橋就仲搞笑連因果次序都錯哂
天橋從來唔會有一般呢回事，閣下都識講响旺角人多車多地底更加係塞到滿，做乜都要度身訂造
就算跟閣下FF，條新天橋好似灣仔A5出口咁，地鐵站直上天橋
幾乎可以肯定有一個出口一定要改走線，留番原有駁口直上天橋
先起需更改走線條隧道，再拆舊果條騰空位置起條直上天橋結構，又係唔駛全封

你唔好同我講起唔到新隧道呀，番轉頭睇下，
當年係點樣先拆去砵蘭街0既舊C3出口，再起條新C3出口去朗豪坊？

最後小弟離下題，平常好少可會响討論區話人唔識，
因為深信天外有天，人外有人
不過閣下自大又自暴其短，阻你都阻唔住

jpoon 發表於 2017-1-12 05:07
咁你要問下政府啦，個路牌又唔係我放嘅
仲有就係尖沙咀A1出口同A2出口之間係有隧道嘅（只不過之後因為起升 ...

政府擺牌又如何？頂多咪提示牌一個，唔跟有乜後果先？
而家旺角道天橋的例子，係取消埋行人過路燈

強行要响原處果度過馬路，可以罰錢架喎

s3n370 發表於 2017-1-12 23:24
明白哂，原來閣下0既意思係，
唔能夠用閣下指定的方法起到閣下心目中的天橋，就等於無可能起到
首先請你解 ...

咩叫「閣下心目中的天橋」，其實你知唔知天橋嘅結構同承重？唔通天橋可以離地唔駛橋樑承托？
仲有就係下面橫跨彌敦道條隧道已經夠窄，點樣仲可以收窄？隧道本身又夠力去承托天橋？你知唔知天橋幾重？扶手電梯幾重？升降機幾重？
果度起天橋當然可以唔加連接地鐵站，不過要起一堆連接天橋嘅設施，唔封晒四隻角嘅出入口同再遠Ｄ嘅Ｄ３出入口再改建﹐一來要封亞皆老街行車綫，二來萬一起起下影響隧道結構，到時仲大鑊
我講起橋躉時間相若，係講緊雙橋躉結構，即係而家旺角道起緊果段，唔會起完一邊再起另一邊，咁樣有機會令重力分佈不均，咁即係印証　閣下話分段封閉係唔可行嘅

jpoon 發表於 2017-1-13 02:48
咩叫「閣下心目中的天橋」，其實你知唔知天橋嘅結構同承重？唔通天橋可以離地唔駛橋樑承托？
仲有就係下面 ...

閣下提到
"不過要起一堆連接天橋嘅設施，唔封晒四隻角嘅出入口同再遠Ｄ嘅Ｄ３出入口再改建，
一來要封亞皆老街行車綫，二來萬一起起下影響隧道結構，到時仲大鑊"，
改建出口，直接郁地鐵站出口，就唔駛擔心影響隧道結構，
响旁邊就要擔心？
地鐵自通車以來，大大小小新線新出入口不知做佐幾多，
有邊單唔係响鐵路結構附近興建，唔駛怕影響鐵路結構？
咁多單都搞得掂，用番前人的經驗同方法咪得囉？
閣下堅持唔得的話，呢個項目又有乜咁特別，
咁多年咁多單的經驗同方法都解決唔到？

閣下又質疑唔可能局部封閉隧道開工，
但同時又認為全封係無問題，
唔俾人用就得，留番條路俾人行反而唔得？
你有無見過地鐵點响地底車站起新出口架？


閣下又話起完一面先，再起另一面會令重力分佈不均，
咁係點唔平均呀，上下直向定橫向唔平均呀
係地基、橋躉定橋身出事呀？
咁旺角道天橋西延，橫過彌敦道的橋身，
一面承托結構已落成十幾年，另一面而家先起，
按閣下的偉論，應該都會重力分佈不均喎。
咁點解唔出事？一係就根本無呢個問題，
再唔係就﹙重力不均但﹚根本唔係問題

閣下多番質疑我識唔識，咁閣下即係識好多啦係咪？
連簡單邏輯推拷都fail
仲有小弟問嘅簡單問題，包括最簡單嘅詞彙意思，都答唔到喎，
閣下又情何以堪？

小弟真係無講錯，無睇清楚小弟講乜，
繼續以為唔能夠用閣下指定的方法起到閣下心目中的天橋，
就等於無可能起到
工程本質就係利用天然資源解決問題，
物料已經唔止得一種，更何況建造方法？
一開頭拋堆基本到唔基本嘅設計要求，就當係難關
閣下鍾意繼續拋書包，自大兼自暴其短，請自便~