本帖最後由 ctb7k-pc6795 於 2017-1-30 11:45 編輯
相信大家都記得 Facelift 巨無霸在香港服務滿一年,
金色的頭目 TX917 在上星期當日在 73X 首航, 之後同一眾Facelift 兵團進駐279X....
http://wwww.hkitalk.net/HKiTalk2 ... tra=page%3D1&page=1
七個月後, 佢離開279x, 進駐屯門廠, 上掛 60x, 服務屯門市中心與西九龍一帶....
轉眼到出牌服務一周年 (上星期), 剛岩係星期六日, 架車出走去其他地方服務:想在此分享下.....
一周年前夕: 968 (6 Jan 2016)
在出牌一周年前夕同埋當日 (前後三日), TX917 上左元朗區, 做 過海線 968 替車,
既進入港島, 穿越西隧, 西九龍快速公路.....
亦都回到佢初掛牌時的三大幹道 (汀九橋, 大欖隧道, 青朗公路)
(其實 TX917 舊年暑假轉屯廠後, 968 係佢入屯廠後最早行的路線之一,
當時仲有L廠廠徽, 好似TY牌的同僚咁.....)
當晚放工, 見到架廣告同佢一樣的巴士在金鐘顯示968牌駛過,
就決定過上環皇后街等, 好在追到 (雖然要企).....
架車順暢地過了西隧, 跑公路都算定,
舒適度有D 似 避震好一些的大白龍的表現 (如 HN8597, HS2242)
到欖隧, 上滿哂轉車客奔馳於青朗公路, 轉眼到元朗西總站,
到總站, 原來泊單坑, 唯有影佢車側車頭, 架車之後休息,
目的地變成 銅鑼灣 (天后), 直到下手接車, 1948 再開車.....
(由於之後坐左64K短龍, 沒有坐佢回程了)....
OT 出牌一周年當晚佢更柯打B1 行埋新田公路 去落馬洲服務過境客,
多謝友好報料....
服務一周年: 59M (8 Jan 2016)
去左兩日元朗玩之後, 周日上網睇特見版,
佢被拉番屯門, 被安排做 59M S 車.....
亦都重返首航地 - 荃灣......
當日食飯後本想去東九龍影 315, 但唔見車, 就坐車去屯門等
在屯公沿線留心睇住59M 荃灣方向派車, 決定在屯轉等...
等左一陣, 59M 有巨無霸掛牌到, 就上車去屯碼
落車後上前, TX917 就在前面!!!~~~心中一陣興奮!!~~~
到前車開後, 我趁機影佢兩邊, 再上車過荃灣, 都也是一陣暢快,...
到南豐中心, 就集中影佢梯位, 以突出佢修長車身,
亦都影佢轉彎一刻; 停定果陣再影, 影完再坐佢去屯轉,
就結束這紀念遊....
|
