前東區布牌冷鷹孖寶 - DA53 (最後生涯) + DA54 (盛年回憶)

為數20架F牌鷹 (DA37-56) 經過了一些改良, 在93年投入服務,
當中排在隊尾果五架 DA52-56 有幸被安排行走東區半山線 23,
服務上班族同埋廣大學生五年多, 亦都披上了全廣.....

入新巴後改為與另外20架一起, 長駐南區...
現在先分享來自東區的孖公仔 DA53 / DA54.....
兩架都同年同月同日出牌, 但退役時間就不同....

Part 1: DA53 : 簡史與 最後的循環: 4x
DA53在98年10月上新巴色後, 上層車頭變密封窗, 側面 Air-cond 空調 字樣被除去.....
好在車頭電鍍依然保留 - 全隊廿架車的的唯一......

記得架車到千禧年, 下層車頭都變埋密封, 亦不時行走970....
再不久就入了柴廠裝修內部, 並把兩側車窗 都密封.....
復出後, 佢梯位依然貼住 有蔡少芬代言的服裝廣告, 見過佢做 未取消的 43,
再不久  框之間油黑, 亦都服務至 六年前 2月第一日.....

記得當日係年廿九, 公司早放, 我就一放工就去黃廠搵 DA53, 但見不到,
後來, 友人來電, 通知我 架 DA53 做 4X, 就即時回到公司附近等,
過了不久, 目標車終於到, 我就上車會合友人, 一同為該車倒數......

到華富, 該位車長見我地舉機, 就主動搭訕, 同時都話架車做完最後一班4X
就回廠封車, 之後轉埋牌. 我地坐左三轉4X, 兩轉影哂門位梯位,
梯位廣告係卡通片,  2月2日上畫, 同時都預示架車消失的日子..........

三轉4X 平淡而愉快, 不過架車都不復當年了....做完最後一班4X, 回到華富,
車長隨即停在後面, 轉牌轉成 "暫停載客".....故事還有下文嗎? 請看下篇....

本來 做4X 的車長要直接完結 DA53 的載客生涯,
但當晚突然有低地台車壞左, 4X 車長要改拉果架壞車返廠,
套 DA53 去俾車長做42, 而路線號就在不久 由 X 轉做 2, 成為 42,
再不久目的地就被轉去北角 - 即係重返新出活躍地,
我地見到呢一刻都百感交集, 因為好似時光倒流咁....
可惜同年同月同日生的 DA54 早了一步走, 未能一齊到最後.....
(DA54 尾日都係做42)......

架DA53 之後駛前, 再不久就上客, 就再影下這最美一刻.....
就再上車......

開車了, 架車避震好似就散咁, 所有震動都完全感受到入心.....
去北角果程落斜平路多, 都不過不失.....

到北角, 我再去朋友家食蛋糕, 再直接過跑馬地等
DA53 返華富, 上到車, 全車都坐滿行花市回家的搭客, 下層都有少量的客要企....
過埋黃竹坑, 香港仔, 就最後一次上斜返華富, 架車已經老,
也衝不到, 跑不起, 回到總站, 車長駛入 42號的站坑, 再攪 北角牌....
不過當時已是 晚上11點, 唔通架車收東區????

最後, 有位休班車長上車, 把 目的地牌再轉, 轉為 "暫停載客",
果位 42 車長 就拿站頭的低地台車駕駛....DA53 就被拉返黃廠封車退役.....

就此, DA53 都載客生涯, 正式劃上完美句號......

分享完 DA53, 都想分享下佢同門, 板友車DA54 的遊歷,
在十年前2月1日重返 半山 23, 同埋在盛年做42的菲林相....

上文分享完 DA53 最後送別, 也順道分享 DA54 的遊歷,
今次會用倒聚法貼相.....
果20架 布牌鷹中, 只有四架在黃廠裝修內籠, 有兩架係排在隊尾,
就係 DA54 同 DA56, 另外兩架 係 DA43 / 44....
當中DA54 係 在千禧年尾入黃廠做內部裝修.....

11年前的 2月1日, 在網上得知 DA54 重返23, 即時通知友好去一起追,
架車當時力水都好夠, 上半山依舊出色, 同上文所說的 DA53 係兩個世界.....

再回帶到200X 年 (3 或4) , 當時用菲林機影 DA54 行42,
沒想到 DA54 成為同批第一架榮休的, 更估不到DA54 最後一程
可以重返北角碼頭, 可惜架車在六年前初四 埋單, 坐不到,
唯有用十多年前的菲林相去懷念一番.....

如要看DA54 最後的風釆, 請按下看站友們的分享
http://www.hkitalk.net/HKiTalk2/ ... rintable&tid=480575

長文分享完畢, 多謝收睇!!!~~