九巴公佈 2017 年 5-6 月車費 95 折詳情

CharlieSnoo@FB 發表於 2017-5-1 23:34
明天打去香港海關舉報
九巴疑違反商品說明條例

人地有成班律師係後面，做每樣事之前一定諮詢過法律意見，所以好難告得入

kei_hk 發表於 2017-5-1 15:46
擺明玩司機

就算司機放到乳豬紙+優惠通告在收費器則，作為乘客見收費器有幾錢便付幾錢(即有折價)，都唔 ...

昨早的確有車長將舊有價錢牌復活, 不過都要部機有電到先得
綠旦打後啲車都冇咗部機啦

再者是否能夠顯示正確豬紙, 首先有啲綫係冇豬紙 (散場綫),
之後打仗車亦難完全有豬紙, 最後係站長室都唔夠豬紙, 點玩

KU1143 發表於 2017-5-1 23:25
其實只是一個簡單的command
用if then else表示
就等於如果讀取嘅卡種係成人/學生,只扣除原價*0.95再rou ...

又未必你想像中的簡單。

如果當初根本無預計今天的優惠方式﹐database 只會有一個價錢(每個卡種計算)﹐即係只有成人 $XX.X ﹐小童$X.X﹐老人 $2.0

由於一直都係現金與八達通收費相同﹐所以將這個價錢直接放在八達通機的display﹐係唔會有問題的。


但係﹐今次的優惠玩法便是 "八違通直接減價"﹐直接以八達通收費做 display ﹐便會引起今次的問題。

由於當初都無想過此方式的優惠﹐明顯地database (及八達通機軟件)入面唔會有 "標價"(即現金價)﹐只有現時的一個收費。
所以﹐被迫地要全部收費重新入過晒收費金額。亦因為這個原因便只可以display 折扣價。
如果軟件及程式係支援到有 "標價"﹐便不會有這個問題。

*************************************************************

你提及的方法﹐加 if then else 這樣的方式。

轉乘﹐第2程折扣係無問題﹐因為真係有一件事發生﹐之後再做另一件事。

但係今次係人人有份﹐無條件。如何設定第1件事係什麼? (唔好話八達通拍卡係第1件事)
當沒有第1件事發生﹐又點去做第2件事計算折扣?

如果真係這麼簡單﹐又係一早做左啦。


**********************************************************

過去一年﹐九巴的 IT 又真係有問題。

可以官網「死」幾日﹐可以推優惠後才發現有漏洞(城隧第2程9折)﹐今次收費display問題。
早排轉車站的轉乘data又攪亂左。

lsc04d11 發表於 2017-5-2 08:43
r唔覺現金，八達通唔同價有咩衰，以前轉車票現金同八達通轉車車費都一樣啦，又唔見爭取要番轉車票
最重要係 ...

而家推上報﹐根本只係一個原因...... 這便收費器未能正確顯示 "現金價"。

如果可以正確顯示 "現金價" 又在使用八達通時扣減折扣﹐根本唔會被推上報。


至於2者收費不同﹐根本無得好講﹐講來都晒氣。
淨係講轉乘﹐現金客點計都係貴D啦。

其實唔駛搵海關.....

如果無 get 錯，九巴（更準確地講係有關司機）可能已經違反咗 Cap. 230A 《公共巴士服務規例》第 7 條

7.巴士上的標誌牌及通告
(1)任何巴士司機及售票員以巴士司機或售票員身分行事時須確保 ——
　...
　(e)在該巴士上展示以下資料，達致署長滿意的程度 ——
　　　...
　　　(ii)乘客在該巴士當時行走的路綫的某一分段上車時須付的獲准車費；及
　　　...

只要運輸署話佢無咁批准過係價錢牌上顯示一個「九五折車費」，佢已經犯咗相關法例....
(而我相信運輸署係唔會批准佢咁做....)

da54 發表於 2017-5-2 10:11
其實唔駛搵海關.....

如果無 get 錯，九巴（更準確地講係有關司機）可能已經違反咗 Cap. 230A 《公共巴士 ...

會唔會巴士上的「乳豬紙」顯示車費已經達到署長既滿意程度?


其實將「乳豬紙」上收費那部份剪出來貼在錢箱旁,

我已經可以接受.

ricky619 發表於 2017-5-2 10:24
會唔會巴士上的「乳豬紙」顯示車費已經達到署長既滿意程度?

乳豬紙應該係屬於第 7(1)(f) 條......

//該巴士上備有該路綫獲准收取的車費及其他收費的中英文詳細資料；該等資料在乘客提出合理要求時，可供乘客查閱。//

3ASV174 發表於 2017-5-2 00:07
你個問題問得好，
地鐵八達通個收費都係另外棟塊牌出黎，既然咁樣 ok，九巴車站同車廂有豬紙顯示正價就絕 ...

無疑今次九巴做法真係好有問題
不過而家個個城市都講緊無現金化
香港一個咁先進城市為左幾毫子散銀大造文章係咪有d貽笑大方呢?