請不要把劏車場當成遊樂場

以下資料由知情人士提供:

某新界劏車場本來唔介意到訪嘅巴士迷為舊巴士拍照留念（應該係唯一咁好人嘅劏車場），但條件係唔可以披露位置、偷野、仲要注意安全。

不過近日場主發現有人大肆宣傳其位置，甚至公然組團前往，帶三唔識七嘅人入去，令劏車場嘅閒雜人等大增。

更離譜嘅係有人上載公開影片，唔單止公開位置，仲將巴士當係遊樂場，係巴士內跳上跳落，甚至鬆開手掣，構成嚴重危險。

另外亦懷疑有人手腳唔乾淨，趁工作人員睇唔到，拎走零件或物品後，無俾錢就離開。

劏車場方面對現時情況非常不滿，所以由即日開始，請所有閒雜人等不要再去有關劏車場，亦請所有人唔好再講劏車場位置，或者鼓勵其他人前往。

其實係咪唔貼圖會好D?
而家貼咗就俾巴士迷估甚至係知邊度?

kmb71k 發表於 2017-5-4 21:06
其實係咪唔貼圖會好D?
而家貼咗就俾巴士迷估甚至係知邊度?

知嘅唔貼圖都知，唔知嘅貼左圖都唔知（例如我）
只可以感概點解宜家啲巴士迷越黎越唔守規矩

BusterGMT 發表於 2017-5-4 21:21
知嘅唔貼圖都知，唔知嘅貼左圖都唔知（例如我）
只可以感概點解宜家啲巴士迷越黎越唔守規矩
...

當你睇吓鐵迷移家畀人話係鐵膠
搞到某Page決定閉關
你就知家陣嗰啲So-called交通迷嘅質素最差去到邊

點解咩巴迷鐵迷畀人話係膠真係多得佢哋唔少

真心嗰句呀
我相信場主唔係嬲在有啲人問都冇問就帶咗外人入去
最多講好數話冇下次，同埋自己知咗就算唔好講出去
呢啲事大極有限，頂到盡係場主最後渣正嚟做

當正自己係大帝咁錢都唔畀就偷嘢走
呢啲我都唔知有咩好講，擺到明燒着場主條尾
真係「抵你班巴敗死」

利申：我連相中起邊度影都唔知

知情人士發現有不少網民只針對有關片段的拍片者，他希望特別澄清:
劏車場所講嘅係整體情況，Youtube 只係其中一個例子，而偷野亦唔係指 Youtube 片，希望所有入去嘅人(特別係帶人去嘅人)都可以自我反省一下。

巴迷一向唔守規距都已經唔止一次，好多年前都係咁，不過當時無好似咁倡狂，但是而家個批巴迷，真係又唔願意接受人地意見，又要認屎又屁，上次我仲問佢丹尼士巨龍係屬於咩類型底盤，又問佢DM9712係用咩引擎（係用康明斯引擎），居然完全唔識不但止，更仲串我，仲係上網迷知囉，我係度諗“呢條友無料充四條”，又成日講路線，正常老一批巴迷都起碼講番車嘅結構咁，但是而家點巴迷，真係“不予置評、差劣” （粗口我都費事講）。

廿年前 (我諗而家呢批巴迷都未出世)
去湯車場, 可以同老闆有傾有講
可以上車, 工人就拆賣錢既野, 巴迷就拎走佢地唔要既野做紀念品,
軑盤呢d 就擺低少少錢, 波掣燈掣甚至成組錶板隨便拎走 ...

那時無咁多人, 又無咁多巴敗, 而且最重要係識得禮儀同對人尊重
喂...但果陣大家咪又係初中生 ...

franco26 發表於 2017-5-5 20:27
廿年前 (我諗而家呢批巴迷都未出世)
去湯車場, 可以同老闆有傾有講
可以上車, 工人就拆賣錢既野, 巴迷就拎 ...

係呀，個陣十幾年前上村個老闆真係好好人，只要我地肯守規距，根本唔會留難我地，嘅又可以睇到劏熱狗剩低底盤個吓，又俾我知道好多巴士機械結構，更而且俾我體驗到好多嘢，但係而家點巴迷真係當自己係一個霸王，鍾意點就點，完全唔理人感受，所以佢地搞到卡佬，劏車場老細及賣巴士精品點老闆都得罪哂，結果就害咗呢班巴迷，其實根本唔係咩教育制度教出嚟咁樣，而係無人教佢地做人處事方式，如果佢地肯去學嘅話，我相信佢地對我地態度唔會係咁樣啦。

有人出來認頭

巴膠真係剪不斷, 理還亂呀...