荃灣區議員建議興建屯九鐵路

http://www.districtcouncils.gov. ... per_No_12_17_18.pdf

區議員構思方案：
屯門西、大欖、掃管筠、深井、荃灣西、東北葵、美孚、南昌

田二少之前建議屯門至港島西的鐵路，現在又改良屯荃鐵路，不知道田二少是否打算屯門有三條鐵路出去呢？

馬後炮都想講翻句, 當初屯荃荃灣止步, 要靠翻西鐵(同荃灣線) 出九龍, 未免不切實際, 因為兩線都飽和
依家出到南昌無疑係有考慮翻上面嘅問題
不過我又有個諗法係, 依家新西來往東九都有相當市場
屯九係去東九而唔係西九, 甚至駁埋東九龍線直入將軍澳都未嘗不可
(留名畀d 巴x 話我保鐵)

樓上師兄唔好咁講，總會有啲理性啲既。 今次田少提出既建議，或多或少係有用既，但係我諗造價呢家野又會係一大障礙，隨時政府又話太貴唔整，某啲人又會出黎話係大白象，咁本人都無辦法。 屯門東九鐵路其實唔係唔可行，我係贊成既，但會有巴X會堅持開巴士將屯線

都去到南昌了，不如繼續橫貫九龍半島去啟德、觀塘，甚至將軍澳？

如果分快慢線咁起會唔會平d??
快線行地底直出荃灣西、美孚去東九龍(鑽石山、觀塘)，用6卡車
慢線就經青山公路地面去荃灣西，設三聖、黃金海岸、小欖、深井、麗灣站，3卡車，車站用輕鐵形式，減低成本。

荃灣西之後又係美孚南昌係多咗東北葵站
但屈上東北葵又屈落美孚會唔會迂迴咗啲？

咁點吸引屯門人由西鐵轉去搭屯荃？

想荃屯鐵路多人搭
倒不如考慮其他方向
1)荃灣西後入青衣轉乘東涌綫、青衣南起新站
2)伸延至葵芳/葵興轉乘荃灣綫
3)東北葵起新站再出大圍/沙田轉乘東鐵/馬鐵/沙中綫去新界東或九龍東

東涌綫同西鐵綫未飽和又要加多條屯荃鐵路入南昌
效益真係好低
叫港鐵加車好過啦

ryandroid 發表於 2017-5-28 12:30
荃灣西之後又係美孚南昌係多咗東北葵站
但屈上東北葵又屈落美孚會唔會迂迴咗啲？

你肯定10幾年後都仲可以靠加車去應付需求？

而且現時屯門仍然以巴士為主，西鐵已經咁多人，如果屯門好似將軍澳咁多人搭鐵，兆康站已經上唔到車了

根本屯門理論上自己本身已經夠支持一條專用鐵路

ryandroid 發表於 2017-5-28 12:30
荃灣西之後又係美孚南昌係多咗東北葵站
但屈上東北葵又屈落美孚會唔會迂迴咗啲？

屯門<>荃灣長遠係有條件建多一條鐵路﹐除非大西北再無住宅發展(但係無可能的事)。

但係單單去到荃灣﹐又唔係太值得去起﹐事關去到荃灣/葵青區之後﹐成班人又係要轉其他路線﹐但係其他路線(包括原有的西鐵/東涌線)都沒有太多空間接收。

所以﹐應該係荃灣區繼續伸廷。
一係向沙田火炭一帶發展﹐一係向東九龍發展。2邊都有一定的跨區需求﹐包括荃灣葵青都有這方面的需要﹐成條線唔需要靠屯門人去食糊﹐乘客量更有保證﹐亦可處理現時路面交通問題。

kei_hk 發表於 2017-5-28 21:51
屯門荃灣長遠係有條件建多一條鐵路﹐除非大西北再無住宅發展(但係無可能的事)。

但係單單去到荃灣﹐又唔 ...

https://www.hk01.com/%E7%A4%BE%E ... 6%E8%90%AC%E4%BA%BA

有報導提及荃灣區議會有關議程中一些區議員的看法。

田二少說他構思的鐵路可以改去大圍和沙田接駁沙中線，區議會主席說聯絡屯門、葵青和沙田區議會看看可否合作。

屯門去沙田有需求、荃灣、東北葵來往沙田又有需求，我覺得鐵路延伸至沙田區更好。

其實都幾複雜...
以下想法並未充份考慮工程難度。


(直通西鐵綫) 屯門─三聖─黃金海岸─大欖─青龍頭─深井─汀九─油柑頭 (麗城) ─荃灣 / 荃灣西 (直通荃灣或西鐵綫)

以荃灣至屯門一帶發展，黃金海岸同深井兩個站應該係必需，但其他站就可以斟酌。


荃灣站必需擴建。

屯荃綫東面直通荃灣綫、西面直通西鐵綫，荃灣西往屯荃綫有聯絡線，
之後西鐵綫 一半荃灣西→屯門→元朗→荃灣西、一半荃灣西→元朗→屯門→荃灣西，
如果有其他站，加開屯門─荃灣列車，各站全停，亦可延長部份荃灣綫列車至麗城或深井站，同樣各站全停。

如果起埋去沙田，路線如下：
荃灣─大窩口─石籬─大圍─沙田 (荃灣─大窩口、大圍─沙田四軌化)
如此一來，全部慢車改去沙田，繁時另加深井─沙田慢車。荃灣綫回復現狀。