九巴計劃推出月票

3ASV174 發表於 2017-9-9 01:48
柴小十五年前已經玩過即日來回證，起碼對應返路線，組別內長短途客都受惠，唔使淪為流國 Fun 山寨地區政 ...

十五年前
柴小Keep得住5年前個價唔申請加價我比個叻佢tim呀

lwb701 發表於 2017-9-9 02:02
十五年前
柴小Keep得住5年前個價唔申請加價我比個叻佢tim呀

佢 Keep 住就唔係五年前個價，而係九年前個價添啦，
我自己區計，相近里數既路線，柴小要加多 30% 先追到九巴收費。

九巴依家個月票制度根本一定係短途客貼長途，
因為長途本身每單位里數收費就相對短途線低，依家月票又基本上只針對超長途線減價，但本身搭少里數俾貴價班客就繼續撳住搶。

市區短途車程計，其實九巴真係好貴，
本身已經貴，仲要好多路段行左大半程車都仲要俾全價，好似 215x 咁，佐敦開返到九龍灣上車都仲咬人 $7.5，而呢樣野從不打算改善。

3ASV174 發表於 2017-9-9 02:23
佢 Keep 住就唔係五年前個價，而係九年前個價添啦，
我自己區計，相近里數既路線，柴小要加多 30% 先追到 ...

你講果到海皮幾乎係巴士獨家，坐車/行返去九龍灣站又要時間，$7.5真係豪比佢。
調轉方向 215X返九龍站全程無分段，出到尖沙咀照收$7.5都有客上車。
我呢家返幾乎都會X線轉X線往返九龍站，一程$15，勝在快過地鐵加一定有位坐。
所以月票對於短途轉車客有幫助。

lwb701 發表於 2017-9-9 02:54
你講果到海皮幾乎係巴士獨家，坐車/行返去九龍灣站又要時間，$7.5真係豪比佢。
調轉方向 215X返九龍站全程 ...

你兩程九巴轉到 $15 單程都係回唔到本，就算計埋假日都好勉強，
除非每日返工肯定要 $18 或以上一程，否則你放假用埋但唔出入新界市區都極難唔倒蝕俾九巴。

如果轉車轉到近 $18 一程既話，
通常起點至終點都唔會係九巴獨營線網絡 cover 得晒，要轉其他交通工具。

張月票基本上猶如 268B 268C 269B 269C 960 961 968 978 八線全月通送全港九巴任搭，但心水清 268B 269B 968 客其實買西鐵全月通係仲抵，960 961 就買唔買唔差幾遠除非星期六日常出市區，
所以來來去去得流國 Fun 拍手。

3ASV174 發表於 2017-9-9 03:09
你兩程九巴轉到 $15 單程都係回唔到本，就算計埋假日都好勉強，
除非每日返工肯定要 $18 或以上一程，否 ...

你當office boy一個月返22日就梗係回唔到本。
廢青小弟從事基層勞工一個月返足26、27日，再加埋放假出街都幾乎夠曬啦。
而且月票好處係可以多個選擇，例如有需要時坐條貴少少嘅線做駁腳

3ASV174 發表於 2017-9-9 02:23
佢 Keep 住就唔係五年前個價，而係九年前個價添啦，
我自己區計，相近里數既路線，柴小要加多 30% 先追到 ...

係唔係短途補貼長途客﹐真係要睇下月票系統運作暢順後﹐九巴會唔會加添更多款式的月票。

而家這個價﹐大家都識講係一些超長途線﹐或者長途轉車駁腳﹐才會有優惠。
大家暫時當係推出作 "公測" ﹐試下乘客使用上 / 系統運作有沒有什麼問題﹐加以改善之後才加種類﹐打入平價路線。


其實新聞提及﹐每日有一定的限制﹐可以想到有機會出一些路線較平的月票﹐只可坐較平的路線(收費)﹐利用每天乘坐限制去止蝕(避免不停坐平車去遠距離)。

到時﹐便會係 "生客" 補貼 "熟客"﹐唔係短途補貼長途了。

明顯地，九巴個TARGET並唔係荃葵青人士，因為呢個區域係九巴收幾多都差不多硬食;P;P