[經歷分享/報告] E22又行錯路

元旦日小編18:27係東涌纜車站上E22 Enviro500 MMC 8524(TJ7268)往藍田北

18:59到呈祥道過左大埔道分叉位部車dup停左，原來部車miss左入慢線歌和老街路口。部車之後係畢架山花園停左，車上有乘客議論車長行錯路；其後有乘客係豐力樓、天馬苑落車。係前往天馬苑途中有乘客得悉部車唔會行返原線，即是不停則仁中心至橫頭磡邨宏照樓各站，跟E22A行法。而原先係橫頭磡邨落車乘客被迫係天馬苑落車。

雖然車上冇乘客表明前往歌和老街同浸大各站，而我都只係去麗港城，但有關情況不容忽視，會令候車乘客失去預算。落車後小編打電話上城巴熱線反映事件，紀律組會十個工作天後回覆我。

巴士駛經龍翔道近龍坪道出口

8524駛經龍翔道近龍坪道出口

對照圖

龍翔道近龍坪道對照圖

後按：相片質素欠佳，唔好意思

8掛問下, 樓主期望城巴給予什麼回應?

乜野叫"又"行錯路?
乜你見過好多次E22 Miss左路口咩?
咁既發文質素都叫"小編" 呵呵

小題大做,司機都係人,做錯野佢都唔想架,你洗唔洗即打人小報告呀？樓主平時唔會做錯野？

而家好似有條龍駒道可以U-turn，不過12.8都唔會亂咁行，所以都係無得搞

觀塘方向真係道路設計問題冇得落南昌街補救返個車長莫非開得多E22A一時個腦未轉得過

反映黎做乜? 想攪到個車長冇左份工呀?

乜咁又叫小編架啦？！

巴士行錯路其實間唔中都有，差在係未咁岩有人遇到、甚至影低放上網講啫。如果一次半次又影響唔到自己嘅，當然最好就唔好走去投訴又剩。
除非係司機有心飛站，例如返九龍站飛走雅翔道唔兜，連續兩日德成街唔埋站玩中綫嘅都遇過。