回帶當年Q-train點俾傳媒質疑招標過程不尋常

053h4 發表於 2018-2-25 10:13
都係個句啦，設計港鐵設計，判左比歐洲設計，而主要材料又係港鐵招標，判左比四方裝
用咩咪料，裝都未必知 ...

可能部份版友真係睇神戸製鋼單野睇得太重, 神戸製鋼做假的確係有問題, 但係並唔係版友所想咁嚴重,
因為各類受呢件事影響嘅公司/ 製品, 包括各大車廠 (豐田, 日產, 萬事得, 福特等), 新幹線, 三菱火箭零件, 川崎飛機零件,
全部 (或絕大部份) 均表示有關受影響部份並無即時危險, 無回收嘅需要, 表示有關造假並唔嚴重,

一般黎講, 設計重型機械/ 建築時, 係計算材料所需強度時, 除咗會考慮預計受力之外, 重會加入一個安全系數 (SF),
即係例如一個車架, 預計載重20噸, 佢會設計成可載重30噸 (SF 1.5), 甚至40 (SF 2)~60 (SF 3)噸, 呢個就係安全系數,
目的就係當出現預計外嘅狀況時 (如材質不如預期/ 超負荷運轉等), 有關零件仍可以係可容忍嘅情況下運作而不構成安全問題,
例如一件安全系數為3嘅產品, 設計承重為300kg, 安全容許承重為100kg,
假如不幸採用了中國自煮燃發並有中國特色嘅造假原件, 強度只有原來一半, 佢個可承受載重都只係由300kg變為150kg,
雖然強度大減一半, 但係係正常使用範圍仍然唔會有即時危險, 呢個就係安全系數嘅作用,

假如神戸製鋼實際強度只係帳面數字打九折, 只要各用家係設計產品時有加入安全系數, 基本上產品使用安全上係幾乎冇影響,
如果中國車廠為咗慳料唔落安全系數, 自己手工又差, D原料出事時咪會中哂伏, 做唔到應有嘅強度

ky26042008 發表於 2018-2-24 22:47
但係中國製有冇可能兩架 + 換車造成既成本都比買一架外國貨平? 係冇可能架嗎
你換一次車, 新車結構唔同舊 ...

你講既方向無錯

同一時間另一個方向睇
而家技術發展得快
換密D車亦都可以有著數
無話邊個一定啱

For Example
有人鐘意買部貴一貴既旗艦機用耐D
我就鐘意買部平平地一兩年換機
策略不同但冇話邊個錯

Snoopy@FB8617 發表於 2018-2-25 15:05
你講既方向無錯

同一時間另一個方向睇

但而家龜仔玩法係用遮渣價錢砌，想抽車有燒鵝o既味道

KMBAVC19 發表於 2018-2-25 13:55
普遍零件量產至少去到廿年甚至更長例如JR 209有一堆都依家仲未換Traction，205又係
私鐵仲有堆係直流電馬 ...

先搞清楚概念， IGBT 同 SiC 之間絕對唔係「有你冇我」的關係嘅。IGBT一樣有 Si 同 SiC 版，MOSFET亦一樣有 Si 同 SiC 版。

傳統嘅 IGBT 係指用緊 Si-IGBT + Si-FRD (Fast Recovery Diode)，
至於近年大家經常聽到嘅 SiC，其實只係講緊半導電材料由 Si (Silicon) 改為 SiC (Silicon Carbide)。
Hybrid SiC 一般係指 Si-IGBT + SiC-SBD (Schottky Barrier Diode)
Full SiC 現時主流係 SiC-MOSFET + SiC-SBD (但前面果part可以係 SiC-IGBT, 唔一定係SiC-MOSFET)

P.S. 在低電壓電流(如600V/1000A級別)的市場中，現時SiC還有GaN (Gallium Nitride) 這個強大的競爭對手。

rickywk 發表於 2018-2-25 17:17
但而家龜仔玩法係用遮渣價錢砌，想抽車有燒鵝o既味道

未必嘅,或者四方睇見呢個係大單先敢玩入大貨去應付咁嘅大單
話嗮入大貨CP值點都高過入細貨,除咗貨運成本效益之外亦都係一個供應商增加銷量嘅策略
就好似紅米咁799一部價廉物美嘅中階級數而唔係寒酸高通低階CPU手機
老龜就睇佢做工慳唔慳到又控制到QC,所以先見到佢內籠車頂個曲線比起C車收斂好多去維持個裝工水準就知道乜回事,簡單化都係一個好重要嘅工程
咁既然佢覺得值得搏咪由佢搏,反正我哋冇得揀...人地老闆係堂堂正正行商業主導就係咁

bam1a 發表於 2018-2-25 19:38
未必嘅,或者四方睇見呢個係大單先敢玩入大貨去應付咁嘅大單
話嗮入大貨CP值點都高過入細貨,除咗貨運成本效 ...

所以邊個有良心一目了然
KCR MTR我地都無得擇
不過KCR自已搵左口碑好既日本廠做長期供應商
一到MTR接手即刻唔再同口碑好既日本廠合作，全面改向無口碑既中國廠合作

053h4 發表於 2018-2-25 14:52
而家新加坡都係裂紋，有即時危險咩。新幹線就係指定時間內更換涉事部件。

而且正正係有其他新聞神鋼鋁合 ...

有裂紋都重可以死撐話冇即時危險, 呢D野真係呢位版友先講得出, 唔通要一開二咁先叫有即時危險?
以前東鐵裂紋事件係因為長期超負荷運轉先發出黎都已經咁大件事, 要即時綁尼龍索帶做補強同全面檢查,
而家中國製係新車落地已經即刻出事, 咁都可以死撐話冇即時危險, 一定係因為SMRT特登係中國車鋸條裂紋出黎屈中國架啦, 係咪?

而家D版友真係為中國護航可以連常理都冇埋, 果然連思想都同中國接軌, 出左問題第一時間瀨人地, 而唔係先睇下自己有冇問題
首先SMRT裂紋事件同神戶製鋼做假事件係兩樣完全唔同既野黎,

SMRT裂紋事件時序: 中國中車交車 -> SMRT發現裂紋 -> 返中車車廠大修 -> 中車重死撐話其實冇問題, 係我好心幫你換車
神戶製鋼做假事件時序: 神戶製鋼主動發表造假事件 -> 全球檢查有關部件 -> 用家發現並不影響安全

G式處理: 知出事都唔講, 照交車比人, 比人斷正重死撐冇事, 事後低調處理換車
(正宗掩耳盜鈴, 以為唔講人地唔會知, 就算斷正, 都諗住打死都唔認人地就會覺得冇事)

日式處理: 發現問題後主動對外公布, 雖然用左咁多年都完全冇人覺, 用家驗完都覺得其實冇野,
(衰D講句神戶製鋼唔出聲永遠都唔會有人知, 但係人地冒住公司身敗名裂都要主動出黎講)

根據日本"每日新聞"係2017年12月6日報導,
JR東海同JR西日本轄下新幹線列車分別有1110件同630件部品受神戶製鋼事件影響, 原文節錄如下:

　ＪＲ東海とＪＲ西日本は６日、品質検査データが改ざんされた神戸製鋼所のアルミ製品が新幹線車両に使われていた問題を受け、車軸関連の部品２種類をそれぞれ来年２月から順次、交換することを明らかにした。安全上の問題はないが、両社が求める強度基準を満たしていないため。

上文提到, JR東海同JR西日本將於來年 (2018年) 2月起順序更換有問題既部品,
但係有關部品本身並無安全上既問題, 更換純粹係因為未能符合JR所要求既標準

換句話講, 神戶製鋼既問題產品係被發現問題後, 仍然可以全負荷運作多兩至三個月先有更換既需要, 顯示造假問題係唔嚴重既,

重有而家巴士車身強度降低係因為要減重, 提升效益, 巴士係要黎載人, 唔係載車身, 車身太重效率就會降低,
只要對底盤定期保養, 行左17年之後有唔少係重見得下人, ReBoby相信都唔係唔可能架, 不過跟香港例做唔到咁解,
至於唔保養既, 咩野玩足17年唔保養都會甩皮甩骨啦, 係咪?

Snoopy@FB8617 發表於 2018-2-25 15:05
你講既方向無錯

同一時間另一個方向睇

依家地鐵係搵部小米塞IPhone料入去喎, 請版友搞清楚先, 點平平地買機?

買中國車最終造成既係, 列車品質差左, 列車壽命短左, 購車成本高左 (因為買車買密左), 我就睇唔到有咩好處啦,
可能版友係鐵路迷鐘意坐新車啦, 但係一般市民睇法就係, 架車又差左又貴左, 最後就係造成地鐵加價,

當然如果版友有水晶球睇到10年後有新技術可以地鐵唔使電都行得, 年中慳唔少電費既, 咁咪當我睇錯囉

不如龜仔學日本國鐵咁車底一路翻用，個殼廿年換一次囉，又可以俾生意中国廠做咯