【消息】沙中綫東西走廊已定名為「屯馬綫」(TML)

Megabus 發表於 2018-4-8 06:39
已經唔係高唔高層次問題，係要拎個名黎用的問題，咁一早就會否一早統一地用，咁有內部消息就唔會較後期仲 ...

內部定案同公開公佈一定有時間差距，一個站有兩個名唔係乜野奇怪事

TML 呢個名係樓主貼文前幾日，我已經聽見有內部人講.... 都係果句，我咪當食下花生囉。

西鐵綫+馬鞍山綫改做馬欖綫（馬鞍山&大欖）
東鐵綫改做展埔綫（會展&大埔）
啱晒政府口味啦！！
JK

epsilon 發表於 2018-4-6 19:27
東西綫改名為咗避同東鐵綫撞名呢個理由成立的話，
叫橫貫線Traverse Line又得唔得呀？ ...

如要用地名咁膚淺, 個人認為"屯鞍綫"會好過"屯馬綫".

"橫貫綫"係唔錯, 但"東鐵綫"需要配合, 建議後者改為"直通綫", 對港人返內地, 或者由內地來港, 「直通」都有直接通達深圳/香港(島)的意思.

直通車恐怕會隨著時代變遷而步入歷史, 但"直通綫"同"直通車"在現階段確係難以並存.

EX-TL 發表於 2018-4-11 01:27
如要用地名咁膚淺, 個人認為"屯鞍綫"會好過"屯馬綫".

"橫貫綫"係唔錯, 但"東鐵綫"需要配合, 建議後者改 ...

點解一個叫橫貫，另一個唔係叫縱貫？

我個人就buy以下的組合：
－東西線／南北線
－橫貫線／縱貫線
－屯馬線／吐露線 or 九廣線 or even 港深線

DIH 發表於 2018-4-11 15:41
點解一個叫橫貫，另一個唔係叫縱貫？

我個人就buy以下的組合：

縱 橫

貫 通

縱貫綫好似台灣, 唔用縱橫, 用香港人易明D的橫直, 就變成直通綫.

你buy嘅都幾好.

東鐵綫可以叫北港綫，連接北區及港島

好似以前台北捷運淡水新店線咁得唔得？ 雖然係直通運行，但係過咗中正就當第二條線。

繼續叫西鐵同馬鐵囉，新果D站當馬鐵延線，西鐵仍然係西鐵。

da54 發表於 2018-4-9 12:12
內部定案同公開公佈一定有時間差距，一個站有兩個名唔係乜野奇怪事

TML 呢個名係樓主貼文前幾日，我 ...

我自己相信樓主消息，始終樓主在italk鐵路版很長期間了。

以MTR作風，喜歡以地方命名鐵路線，所以我不會太驚奇。

MTR有MTR叫法，但民間亦有民間叫法，不見得市民會輕易改口。

LN9267 發表於 2018-4-13 11:01
我自己相信樓主消息，始終樓主在italk鐵路版很長期間了。

以MTR作風，喜歡以地方命名鐵路線，所以我不會 ...

出年就通車，我發現我要大費唇舌同家人解釋新線走線，鐵迷以外大部分人仍然以為「沙中線」係一條單一路線。

相信通車後會出現以下奇景：
同一地點出發，去新界西會話搭「西鐵」，去城河東會話搭「馬鐵」，去土瓜灣會話搭「沙中線」，以上其實全部係同一條線；將來東鐵過海會話搭「火車」或「東鐵」去會展金鐘。

我有住新界的家人會將每條線按目的地自行變成兩個名，如「荃灣線／中環線」、「調景嶺線／黃埔線」、「東涌線／香港線」，同我溝通會雞同鴨講但佢自己明囉。