九龍西隧過海線分析

而家由九龍開出嘅客西隧線之中，條條都有啲問題，但條條都有啲難搞位：

904：喺西港島線通車後被公認係吊命，但係西隧直出石塘咀點都要留線，不過又同971重疊。
905：而家條線都叫可以，不過金鐘至灣仔嗰段好似有啲多餘，因為過海太過兜，但係東行又做緊舊有18嗰批客。
914：公認垃圾，但係深水埗舊區、大角咀舊區、旺角西重有渡船角呢幾個位難搞（渡船角勉強叫有970經），重有係唯一上環直入西隧嘅九龍路線。但係垃圾得來繁忙時間返九龍可以上到企人。
970/970X：脫班頂閘投訴王（尤其南行），成日唔知等幾耐先有車，等到又分分鐘頂閘飛站。
971：話就話兜下路，實質係流水線，有油麻地返大角咀西流水，又有佐敦來回西環流水，更加有唔少西環去香港仔流水。但係因為970X實在太垃圾（成日甩班），有時啲過海客見971都照上，南行返田灣其實兩者根本分別唔大。不過西環嗰段就同904爭客。
973：呢條係公認流水線，好少會搭全程，不過陰到成30分鐘一班，同埋係尖沙咀唯一西隧線。同埋因為970(X)太垃圾，所以重可以執到雞。

其實呢批線有無得搞呢？

全世界應該都係等緊沙中綫過左海先算

不論9XX 定係 1XX

始終西鐵東鐵過海唔洗再行尖東 咁遠

還有中環灣仔繞道通車後, 如果可以大幅改善港島北岸塞車的話, 肯定有變數!

914好睇936搶到多少客 970 970X南行其實不應拆線，寧願開密佢，繁時試下特快去旺角或深水埗特班

973 day one 已經開30分一班,係繁忙時間有20, 現在基本上同以前班次分別不大

咁都叫陰?! 唔好見到30就係又陰唔係又陰

904同971，將來加惠民道一帶入伙應該有得做，但到時應該就拆西環邨（甚至觀龍樓）

970/x而家有ETA應該好咗少少

西隧線個問題我唔逐條講；整體黎講係九龍區無好好用到每一個出口；

油麻地果欄出口：
呢個係無巴士線經，但呢個出口係最快出到油麻地/何文田；

佐敦出口：
西隧線係欠缺一條去九龍東嘅線，有條西隧線經東九龍走廊東行其實可以諗諗，不過西行就真係唔好上東九龍走廊；

欽州街出口：
呢個都係少巴士用嘅，不過真心欽州街啲燈位真係超唔順

港島區無野講，因為先天上中環個出口係有問題，得2線去中上環仲要左線有機會俾干諾道西塞返轉頭，搞到繁忙時間港島出口塞死；個人覺得就算中環繞道開左都解決唔到好好個問題。因為1）去上環個出口依然依靠中環個左線支線出口，攬炒格；
2）就算上到4號幹線，西隧上4號幹線個兩條線都係最終係信德附近merge埋；根本都分流唔到西隧個車龍；除非用條外線同堅城入口車龍merge，以西隧出口個兩條線做主線或者會順好多；當然可能要外線兩線merge係有危險性，但堅城入口上4幹我諗點都無西隧出上4幹嘅車多

海麗真系幾慘，獨霸2條西隧線，但都系廢。。。

111 發表於 2018-4-15 14:23
海麗真系幾慘，獨霸2條西隧線，但都系廢。。。

大大條鐵係隔離,想唔廢都難