青衣政客在香港01控訴政府的青衣通宵交通政策

kingprowm 發表於 2018-5-17 00:31
朗豪坊有快速通宵紅小去葵涌邨，梨木樹，安蔭，咁都要眼紅青衣有 N241，如果旺角通宵有小巴去青衣，我肯定 ...

有人眼紅唔比你青衣有N241咩?
只係d人有N241半夜油尖旺直車返歸都要講到幾垃圾
半夜有直車好過無啦,難為其他區想有合理既通宵服務都無
不過咁,老實講果句,上葵/葵盛宜家全晚N237仲存在緊 好過無
但要得美孚先有得搭兼等兩次車(仲要疏),梨木樹果d真係車都無得你搭

小巴咁危險唔安全又貴又服務唔穩定你搭埋我個份
正苦都好似唔想紅小存在架喎,係咪應該要做返d野呀

講到底青衣班人咪又係再一次嫌棄自己條線兜荔景

10598C 發表於 2018-5-20 20:53
講到底青衣班人咪又係再一次嫌棄自己條線兜荔景

講真大埔都要兜沙田...
馬鞍山要兜顯徑...
將軍澳要兜觀塘山...
班青衣大帝講到老九特登逼害佢地咁...

0q9w8e 發表於 2018-5-20 20:59
講真大埔都要兜沙田...
馬鞍山要兜顯徑...
將軍澳要兜觀塘山...

留意返，將軍澳兜山係某啲人眼中的確係九巴迫害緊佢地，無論任何一條線兜山，包括通宵線，都係咁話

大埔兜沙田嘅72都好多人要求飛走

但講真，荃灣好多線都要兜葵涌，將軍澳係隧道轉車站開之後所有車出市區必停觀塘區，兜一兜係咪真係咁大問題呢...

反觀青衣有41A、44、249X等線停完青衣之後就直出市區(仲有42A勉強算係)，真心已經唔錯

N241只會有人嫌棄行荔景慢，同啲人話N293行山路慢一模一樣

leo_ku 發表於 2018-5-20 21:34
喂, 咪係到合理化 "兜" 呢樣野先啦, 個個都係受害者,
話青衣人係大帝有意思咩?

定係你覺得荔景就唔駛搭車？青衣自己夠客撐起條N241先啦，唔夠客又嫌慢又話要通宵特快巴士，唔係大帝係咩？

通宵線注定兜多啲路，N241兜埋荔景根本非常合理，條山路夜晚一陣就行完，相反嫌長沙灣停燈多有一條旺角直飛美孚嘅線都未嘗唔好，反正夜晚美孚係大轉乘站

ps唔反對開通宵小巴特快青衣來往旺角

leo_ku 發表於 2018-5-20 21:39
唔好例換概念, 荃灣線經葵涌係順路, 行荔景山唔係, 係有葵涌道唔行特登行上去。

你搵寶琳路同荔景山路比 ...

偷換概念嘅係你，我講緊某一區嘅線要兜其他區吖，講乜順唔順路啫
荃灣咁大條荃灣路當睇唔到？咪一樣要行葵涌道停站

寶林北路同荔景根本冇分別，兩者咪一樣比山下人嫌唔行公路兜山路慢，我理得你幾多個站吖