[ del ]

S3BL100 發表於 2018-6-13 23:14
111 除左過鐘問題外，另一個問題係坪石、彩虹、新蒲崗無乜可能放手。
113 太少客，佢地會肯放，但 111？

111九巴時段尾車過鐘通常會泊爛地小休，食飯然後做頭車。星期一至五下午繁忙時間會有車林士街載。但113點解唔缩去港澳。據聞無位擺車。繁忙時間680x,641,109,111,115。尤其小休，九巴111小休柯打林士街小休食飯。但好多時泊港澳爛地。

利伸只係隨便爬下文

913呢，其實非繁忙時間都唔係話太多人要出到中環金鐘，相對地銅鑼灣灣仔依啲內城區應該會更加吸引人。
咁如果行西隧嘅話，時間已經相對地耐咗，因為中環金鐘都會塞車㗎嘛。另一個問題就係都係我成日講嗰樣嘢，同其他現有嘅路線方向相反，好難吸引到人哋放棄原有嘅路線而去對面等車。

咁更加更加重要係，如果你行西隧出嘅話，要過返香港東部，其實成件事係唔順路嘅。無謂為咗西隧而西隧。紅隧話就話擠塞，但係其實塞完之後直出到市中心嗰時間唔係話真係太過差，再唔係其實行東隧都唔算話太大問題。但係行西隧嘅話......
嗰idea係創新嘅，但係實際上應該唔會太過可行

castanopsis 發表於 2018-6-13 13:23
蒲崗村道班客慣性行落鑽石山搭鐵
富山明顯比較值得做
有一樣嘢你講的無錯，慈雲山出中西區，唔一定得一條 ...

上面嗰啲我已經懶得理啦，我淨係講最尾個樣。

其實有一樣好重要嘅嘢，首先要搞清楚就係秀茂坪個設計，主要係圍繞著第二層同第三層興建。最頂嗰層除咗頭頭尾尾有一兩棟之外，中間其實唔係太多樓（我嘅意思係唔係接駁住嗰層），更加重要係另一邊完全係一個山坡。
如果嗰個位要人企喺度等車，其實係難嘅。
咁所以如果真係全日嘅話，要有人坐出港島嗰程無論如何一定係要入第二層。
回程你可以淨係行最頂，叫人落車行返落去，咁我諗未必會有太大阻力同埋影響嘅。尤其是601咁樣行，我諗坐619X去到秀茂坪道落車行埋返去，601先至可能剛剛喺遊樂場。

當然最理想就係來回都入曬去嘅，因為無論行入去定係唔入去都好，順利邨坐619X都絕對快過619。問題係其實入面有時都頗為擠塞，所以其實就唔係好想放咁多車入去嘅。

不過另一樣比較矛盾嘅位，就係如果行秀茂坪道嘅話咁安達行天橋落嚟就方便好多，可能會食到一部分安達嘅人。咁但係安達嘅人會唔會因為條線喺秀明道而寧願坐返613轉車又或者行去坐601呢？定係會繼續行出去穿秀茂坪商場落去坐車呢？呢個真係唔敢肯定。

但係如果你話秀茂坪同埋安達兩樣要揀一個嚟做，我會比較傾向秀茂坪邨。因為入秀茂坪邨可以減輕到601嘅壓力，相比之下613客量上面冇任何壓力，甚至係需要施力......

Charon1999 發表於 2018-6-14 11:01
利伸只係隨便爬下文

913呢，其實非繁忙時間都唔係話太多人要出到中環金鐘，相對地銅鑼灣灣仔依啲內城區應 ...

其實非繁的確去灣銅需求一定多過中上環，但慈雲山計，就算係去灣仔，都有 116 擦邊

而 113 本身而家都唔係好做到灣仔同銅鑼灣最旺既位置，尤其是港島方向。
況且最大問題係 113 來回方向都用左最塞車方法入紅隧

咁我又覺得唔使條條線都入灣銅、條條線都做同樣既野，
有時候令成個網絡做到更多功能，反而可能仲著數

就 913 而言，逆走改行西隧，其實係做緊另外既旺區、另外的兩繁同非繁客源，
而且會比 113 有更明顯的雙向客流

西隧折返灣仔係兜遠左，所以我金鐘止步就算。
但我覺得唔使太擔心乘客唔肯過對面搭車既問題，
至少西港城起計，有 905 同站，呢個問題已經唔存在，
再加上獨巿位既點都會坐

如果要認真做灣仔來往慈雲山的，一定係 302，但回程點都無理由兜遠左去行東隧經觀塘，
紅隧不停站後跟 5X 去彩虹道係唯一合理行法

反而係去程行東隧都仲有得傾，但全日擺落觀塘道應該都無乜可能，
好大機會都係要入一入九龍灣然後上繞道走

Charon1999 發表於 2018-6-14 11:12
上面嗰啲我已經懶得理啦，我淨係講最尾個樣。

其實有一樣好重要嘅嘢，首先要搞清楚就係秀茂坪個設計，主 ...

其實安達邨橫跨秀茂坪道條天橋，秀茂坪道落腳位已係秀茂坪街巿門口，
亦即係秀茂坪商場北端入口隔離，同秀明道距離算係合理，
只係如果要坐 601，一係就行後一個站，一係就行前去秀茂坪商場

當然呢條天橋只係方便到安達邨部份座數，近寶達一邊係唔就腳


我自己對 619X 入唔入秀明道無太大意見，
但我覺得不如擔心下兩巴俾唔俾 619X 入秀明道直接同 601 601P 搶客好過

要留意上繁如果 619X 入秀明道，九巴班次係會食到新巴 601/P 頭段，
而城巴又會食到九巴 601/P 做緊既上繁尾段

當然，仲有一樣野，係 619X 上繁本身單靠四順同安泰都已經夠客，
上繁可能拆條 601X 仲實際


619X 入秀明道，係可以幫輕 601，但同時亦會令山腰的曉麗苑、祥和苑、和樂邨更被邊緣化，
入秀明道係可以做到秀茂坪邨，但直行可以更方便安達同寶達呢兩個 601 競爭力更低的屋邨，要小心考慮點樣取捨

S3BL100 發表於 2018-6-14 22:43
其實安達邨橫跨秀茂坪道條天橋，秀茂坪道落腳位已係秀茂坪街巿門口，
亦即係秀茂坪商場北端入口隔離，同秀 ...

因為始終我最想做到嘅係由源頭分流一堆人離開條線，等有剩餘嘅載客量去接載餘下路段嘅人，所以就會咁樣安排。
而你嘅做法就係吸納新嘅客人為主，協助為副（如果我冇理解錯嘅話）
的確吸納新客源都係一樣重要嘅嘢嚟嘅，尤其是一路同另一條線鬥搶秀茂坪的確唔會係一件好事。
問題就係我覺得如果連人口最集中、做咗最耐嘅觀塘市中心同埋藍田都做唔好嘅時候，其實係咪真係有資格去再開拓新客源呢？正如118，佢淨係做柴灣小西灣都可以非繁忙時間坐滿人，有部分時間甚至要飛站直出紅隧口。咁嘅話相比之下做好現有客源嘅迫切性，其實高過再開拓新嘅客源，所以我比較傾向係分流為主、開拓為副

S3BL100 發表於 2018-6-14 22:43
其實安達邨橫跨秀茂坪道條天橋，秀茂坪道落腳位已係秀茂坪街巿門口，
亦即係秀茂坪商場北端入口隔離，同秀 ...

我建議嘅601X係咁：

總站開，過秀明道之後轉上將軍澳道直接過海（唔停藍田站同東隧口），過海後落北角，再行清風街天橋，過銅鑼灣北後跟返601P去上環。呢條線做唔做得過？

Charon1999 發表於 2018-6-14 23:37
因為始終我最想做到嘅係由源頭分流一堆人離開條線，等有剩餘嘅載客量去接載餘下路段嘅人，所以就會咁樣安 ...

咁我又覺得兩樣野唔一定有衝突既，619X 就算行山頂都可以分流 601/P，不過係分流緊唔同既客

不過如果山腰被邊緣化，結果係會連你口中人口最集中、做左最耐既觀塘巿中心都唔會做得好

miklcct 發表於 2018-6-14 23:48
我建議嘅601X係咁：

總站開，過秀明道之後轉上將軍澳道直接過海（唔停藍田站同東隧口），過海後落北角， ...

你真係唔知寶達車務運作有幾亂，宜家601同13X跳飛機跳到亂七八嘈。有時九巴時段會收左2架車走290.213m。除非九巴加車

S3BL100 發表於 2018-6-15 00:40
咁我又覺得兩樣野唔一定有衝突既，619X 就算行山頂都可以分流 601/P，不過係分流緊唔同既客

不過如果山腰 ...

Ummm
行山頂係可以分流 601P，不過成效低少少.....（冇得叫雙飛，除非619X可以去到10-12啦）
同埋619X入秀明不代表601要減班架嘛