E22A

GW5878 發表於 2018-9-5 22:59
成日話爬山走快過飛觀塘道既漢奸走狗不如解釋下下面兩張圖先啦 (攝於 1915 40 東行方向)

咁第一幅圖你條40咪又係要塞...冇乜說服力喎

況且一撞車邊到都死啦，之前將隧撞車塞足九個字線走得，日日夜夜都聽到翠屏南邨點點點，諗起都驚

10598C 發表於 2018-9-5 23:21
寶林290落龍翔道行山快過行隧道觀塘道，就算當兩者打和，點解唔上山做多幾批客？

更莫講條大流水290A，將 ...

290一日唔飛寶林，一日行隧道都唔會快過行山

「290一日唔飛寶林，一日行隧道都唔會快」-- 呢句非常同意，因為隧道出寶林要兜3個大圈先到茵怡......
「唔會快過行山」-- 呢句就視乎情況啦，如果觀繞/觀塘道唔停直達黃大仙，咁應該快過行山都唔難ge；如果停觀塘道3站，咁估計平手(除非車長個個燈位都碌住行、過唔到啦)。

當兩者打和，點解唔上山做多幾批客？

如果踢290落觀塘道只做3站，咁就可以吸埋40 ge客。
反正依家40班次有時唔准，已經有班客應該不滿緊......
只做3站基本上係變咗特快，連鑽石山、美孚都唔洗入。

不過290系除咗290A之外，我堅持一定要有多一條線行山，either 290 or 290X (因為290A對山上而言的確太慢)。
如果用290 ge話，觀感應該會好d (順利邨道落新清有天然優勢)，但寶達果邊其實越黎越塞 (少則5分鐘排隊埋站，多則15分鐘馬游塘都未落到秀茂坪道)。
而問題係290X能夠全日化ge原因，係有安達安泰，如果山上快線(compared to 山上慢線290A)係做寶達而唔做雙安，咁睇怕290同290X只可以開到一條......
如果290同290X二揀一，為觀塘山而言，我會揀290X，寶達可以上安達搭。但如果290的話，安泰就會比較遠。
而兩繁可以開特別班次，經安秀道落寶達巴士總站作補償。(但寶達失去特快來往彩雲就真ge，可能增加5-8分鐘車程左右)
個人黎講，290X個走線行安秀道未算太衰，但問題係康城出真係太慢，而過咗安秀道之後唔肯斬站，搞到條線長而追唔翻行安秀道ge時間.....

Conclusion: 如果問我點睇，我會話：
290A 維持現有服務最佳
290 停經厚德邨後，改經寶順路、將軍澳隧道，加停觀塘道A29 3站，直達沙田坳道，返回原線
290X 停經清水灣半島後，改經寶康路，取消將軍澳南各站，改停茵怡花園、寶儉樓、英明苑、寶仁樓，返回原線，並取消豐力樓及畢架山花園兩站 (並加開上繁寶達巴士總站開出、仁達樓返回原線之特別班次)

各區的主要得益 / 主要利益損失：
1. 寶達：上繁特班確保有位坐&上得到 / 來往彩雲、黃大仙區車程可能增加約5-8分鐘
2. 安達/安泰：全日來往荃灣巴士線 / --
3. 康翠：繁忙時段較容易登車&有位坐 / 來往彩雲、黃大仙區車程可能增加約5-8分鐘
4. 寶林：繁忙時段較容易有位坐 / 來往彩雲、黃大仙區車程可能增加約5-8分鐘
5. 坑口：如增設雙向分段收費，便能合理時間內來往觀塘、九龍灣 / 失去一條來往彩雲一帶的巴士線
6. 調景嶺/尚德/將軍澳南：來往黃大仙及荃灣時間大大縮短，如增設雙向分段收費，便能合理時間內來往觀塘、九龍灣，亦能享用觀塘道BBI / 失去一條來往彩雲一帶的巴士線
7. 康城/清水灣半島：全日來往荃灣巴士線 / --

3ASV174 發表於 2018-9-5 23:10
第一張相你架 40 又咪塞緊，龍頭係咪落觀塘道條橋咋
第二張相，早繁都唔會塞到呢個位啦。

唔怪得咁多將南拖篋客都鍾意 A29P 多過 E22A。

其實呢句好有道理。
我會解讀為：去得機場就要百分百唔遲得，行山雖然慢少少(唔計後勤區果段)，但時間穩定d，最重要係預啱時間
而翻工翻學都要準時，但routine ge野就最緊要快，塞車都好，但行隧道始終快d，但會冒隧道有炒車ge風險

好彩將軍澳有清泉 290 290A 290X A29P

呢句反而唔係咁同意........
290X要上安秀道，而大窩坪2站又唔肯斬，加上塞新舊兩清，會慢。
而290亦要塞寶達/安秀/秀茂坪交界，時間上地下鐵可能會快有突.......
290A係做流水，所以係清泉就啱
A29P都係清泉，上面解釋咗原因

(題外話：
其實行山ge線大部分都好惡頂：
98AC 兩繁基本上，山下又嫌佢兜到嘔，山上又嫌佢無位坐/上唔到/甩班......
所以行山ge，相信只有93A、95、95M、290A、A29P係清泉，其他條條都幾惡頂吓

心繫香港 發表於 2018-9-6 01:47
「290一日唔飛寶林，一日行隧道都唔會快」-- 呢句非常同意，因為隧道出寶林要兜3個大圈先到茵怡......
...

以九巴一貫嘅作風，踢290落觀塘道冇可能唔站站停，290而家可以做半直通，某程度上係運輸署嘅決策嚟，就算停大站，cut出cut入都係時間啦

啱啱睇過ETA，A29煜明苑去沙田坳道21分鐘，290梁潔華去沙田坳道都係19分鐘，但講緊我睇嘅時段觀塘道未係真正塞

況且你話40班次不穩，我又唔見得290如果入隧道，塞完之後班次會有幾穩定

至於290X，根據最近嘅數客post，平均係慢過290最少五分鐘，雖然話寶達可以落隧道口搭車，但我對於得返290X係有保留

心繫香港 發表於 2018-9-6 01:54
其實呢句好有道理。
我會解讀為：去得機場就要百分百唔遲得，行山雖然慢少少(唔計後勤區果段)，但時間穩 ...

其實，A29P將南嗰批客，好大程度上係因為貪A29P總站位優勢，先唔揀E22A

10598C 發表於 2018-9-6 07:33
其實，A29P將南嗰批客，好大程度上係因為貪A29P總站位優勢，先唔揀E22A

應該就冇咁聰明
我諗只係見部車寫住機場快線 同埋又有專用紅車 先上A車

同埋A29P 總站有酒店 又有另一個優勢
另外平時坐個時都留意到其實好多都係一家大細個個拖住個大gip 就會上A車
好似我一丁友或者拖細gip 就會上E22A

GW5878 發表於 2018-9-5 23:12
咪玩啦，龍頭係新清

如果龍頭係條橋就唔會快線暢通無阻，但慢線拉埋手掣，我搭會唔知？

新清過左消防局就可以爆上山你唔知?

不過真係辛苦晒 你坐左幾多日影左幾多張相先咁暢通呀 唔怕講喎
點解唔講埋今個星期開左學3日 將隧就炒左兩日車呀 我有朋友琴日1922坐798 塞到落面粉廠喎仲有張圖睇下;P嘩 原來牛頭角又紅 小巴站又紅 警署仲要深紅;P

053h4 發表於 2018-9-6 16:51
798有無機會踼上山唔洗塞觀繞將隧一帶？

踢得成應該一早就全日左798A B 唔駛好似今日咁

傳說話狗巴唔起新巴行上山麻

poondriver 發表於 2018-9-6 16:29
應該就冇咁聰明
我諗只係見部車寫住機場快線 同埋又有專用紅車 先上A車

始終叫做A線，品牌形象上做到即使路線兜路，感覺都係快，亦都“優越”過搭E線

但A29P總站真係有優勢，有親戚每次返嚟都住將軍澳站間酒店，拖行李去機場就算差幾步路出去搭E22A，甚至知道兩者車程一樣，都係寧願揀A29P

毋庸置疑，將軍澳站總站係吸引到酒店客搭，至於其餘將軍澳南乘客，咪當貴少少嘅E22A囉，反正上車就訓到入機場，部車仲好坐啲