北港島綫交匯方案 - 改喺維園做會否更理想

ryandroid 發表於 2018-10-22 22:28
依家唔同以前基建發展停滯嘅年代
個個新發展區都不時改規劃
新界東北規劃已經多次加密發展人口

新界東西人口必然繼續大幅增加
但去港島東嘅需求係咪又同步增加？
港島東可供進一步發展嘅商業區已經好有限，當太古坊重建完大概差不多見頂，就業人口相信唔會再大手上升

如果北角以東係好似正式CBD咁多人從全港各區返工，咁換線分流效果的確相當顯著
但北角以東係咪真係會多人成咁，我就有點保留
即使有，我都覺得好似樓上版友咁講，由東涌線經新線路直接延伸入東區，會係更有效嘅分流方案
用嘅錢未必多過改裝換線舊線、重建炮台山站好多，亦唔使強行逼東涌線班次升級到港島線級數

HV7025 發表於 2018-10-23 08:51
新界東西人口必然繼續大幅增加
但去港島東嘅需求係咪又同步增加？
港島東可供進一步發展嘅商業區已經好有 ...

問題係依家都可以預計東鐵綫過海段塞爆港島綫
太古城/鰂魚涌都不斷重建緊
難保有日柴灣都會填海發展商業(實大把人話異想天開，都真係有就同官員一樣話無預計過，不過呢個唔係重點，只係一個假設，唔使同我拗柴灣係咪填海)

但唔使講咁遠
淨係講東鐵綫過海段吸咗一半紅磡轉乘巴士都對港島綫好大影響
102,106,118三條隊都長到打蛇餅
甚至上埋車站內通道打蛇餅
依家新界去東區交通咁轉折咁嘥時間都有咁多人去東區搭102,106,118
東鐵綫過海後
東區工作人口居住地區分佈洗牌都唔會冇可能
淨係講東鐵綫過海吸引東區工作人口搬去新界東住或者新界東多咗人去東區工作也會增加金鐘至灣仔嘅人流
除非你肯定現有東區工作人口打死東區工
唔會再有更多新界人口去東區工作

板友講東涌綫伸延去更遠地方
將軍澳綫又點算？
我唔認為政府肯一次過拉哂東涌綫去東區同將軍澳綫去灣仔
政府肯嘅話我原則上歡迎嘅
但都要睇走綫、站位、轉乘是否有效分流港島綫
政府唔肯擴大將軍澳綫及東涌綫板圖嘅話
咁優化換綫方案仍然會係首選方案

鐵路基建冇得隨便改
有好多都係起完返唔到轉頭
南港島綫當初肯伸延去灣仔嘅話
經唔經跑馬地都可以幫手舒緩金鐘至灣仔
為咗唔再重蹈覆轍繼續自行削弱鐵路嘅分流能力喺預計同現實有落差時失去彈性空間應付預期以外嘅人流時
當然係以分流過海乘客效果最佳嘅換綫方案作為首選方案
除非政府公佈同時一次過拉哂東涌綫去東區同將軍澳綫去灣仔

ryandroid 發表於 2018-10-23 10:10
問題係依家都可以預計東鐵綫過海段塞爆港島綫
太古城/鰂魚涌都不斷重建緊
難保有日柴灣都會填海發展商業( ...

所以說何來減少分流？

qunow 發表於 2018-10-23 18:27
所以說何來減少分流？

其實你啲回文可唔可以有頭有尾啲。。。。

我冇乜點爬文，唔係好知大家嘅立場係點，但我想講幾句

我自己覺得換線定係交匯方案，東鐵線去港島東都好大機會轉咗落去將軍澳線，而唔係港島線。去灣仔就會展落車行，因為灣仔站都幾深，轉得車來都行到過去。去銅鑼灣就轉咗去將軍澳線（好似係過對面就轉到），銅鑼灣北落。去炮台山、天后就會上返港島線，甚至隧道巴（冇乜可能）。去北角鰂魚涌就將軍澳線，又快又少人。雖然係同主流客流量係相反，但都有一定紓緩作用，起碼唔會再加太多人轉車落港島線。反而我擔心下繁，因為幾乎個個都貪有位坐，而搭港島線落金鐘轉東鐵線，令到下繁西行好爆。

將軍澳線方面，換線定交匯，我覺得將軍澳線去港島沿線都好大機會轉搭北港島線，同樣地，去灣仔就會展落車行，現時去灣仔北會轉咗落嚟，而被北角轉車嚇怕嘅都會選擇北港島線，會展落。去銅鑼灣就銅鑼灣北落，不過視乎個站嘅出口係邊。去金鐘就添馬落，唔洗轉車，一定好吸引。去中環我覺得就一半半，可能轉東涌線落香港站（如果轉車好快好近），去內街就應該都會上返港島線，但被北角轉車嚇怕嘅都會自然選擇返北港島線。咁樣係會舒緩到朝早天后去銅鑼灣嘅樽頸，雖然效果無咁好，但一定有作用。而下繁，啲人可能會為咗有位坐而行遠啲去搭將軍澳線，金鐘去灣仔應該會少咗啲人，變咗去添馬同埋會展上車。

東涌綫就可能會唔想行，唔係香港站轉車，而係添馬站到轉車，但呢個就同現時嘅樽頸位係相反走向，換線定交匯都唔會太大影響。

boco1211 發表於 2018-10-24 04:30
我冇乜點爬文，唔係好知大家嘅立場係點，但我想講幾句

我自己覺得換線定係交匯方案，東鐵線去港島東都好大 ...

主要問題就係下繁東鐵綫金鐘站已經塞爆
會展站好大機會上唔到車過海
唔近會展站嘅灣仔北下繁要過返灣仔站搭港島綫去金鐘
間接令灣仔以東去南港島綫、西港島綫、荃灣綫嘅下繁服務受影響
亦令俾咗起碼幾十億嘅沙中綫會展站下繁廢咗武功

俾過千億去起沙中綫同北港島綫都係想市區有更佳嘅鐵路網絡吸納更多路面交通工具嘅乘客去減少過海隧道及市區道路嘅擠塞
但交匯方案都係得嗰朝早做個治標唔治本嘅分流
又唔係令鐵路網絡效益大咗好多

北港島綫唔係因為站位方便吸引人搭
而係因為轉港島綫會塞爆而唯有喺會展/維園行多啲路去返灣仔/銅鑼灣嘅話
係非常消極嘅分流方法
俾幾百億只係將部分灣仔行去灣仔北嘅人流改為會展被迫行去灣仔
咁樣合理咩？

加埋下繁分流效果不彰
自製灣仔至金鐘樽頸
自廢會展站沙中綫月台武功
我睇唔到點解要接受嘥咗幾十億嘅會展站沙中綫月台再拎多幾百億出嚟嘥

ryandroid 發表於 2018-10-24 08:10
主要問題就係下繁東鐵綫金鐘站已經塞爆
會展站好大機會上唔到車過海
唔近會展站嘅灣仔北下繁要過返灣仔站 ...

其實你都講到，交換缺點主要出喺下繁東區去東鐵乘客客未能有效離開港島線
但喺最高峰嘅上繁，東行方向，交匯方案即使要轉多次車，但將線喺會展東行肯定無港島線咁多人，亦避開金鐘人流，快咗又舒服咗，對東鐵客已有足夠吸引力

小弟返工地點係炮台山，自己大部分時間朝早最黃金時間行紅線過海，少部分時間行紫線，或者容許我分享一下睇法

現時來講，朝早金鐘轉車向港島東係足夠應付，開足班次下兩班車乜都上到，過銅鑼灣後係鬆動

新界西同事用不同方法過海，包括：
西鐵轉荃灣線、西鐵轉東涌線、西隧巴士/村巴到中上環轉地鐵
呢三個方法最終都係會經港島線金鐘灣仔段
雖然鰂魚涌嗰邊朝早有新界西特別巴士，但相信多數新界西去港島東嘅乘客，現時已經係用緊上述方法搭緊港島線，暫時係足夠應付
而喺港島東無新大型發展嘅前題下，新界西去港島東嘅新增客源有限
而交匯方案提供一個比起喺香港站行舒服嘅方法，俾東涌線乘客去金鐘外圍同會展維園
去港島東雖然要轉多次，但繞過中環金鐘，對東涌線乘客已有足夠吸引力離開港島線
交匯只係對荃灣線荔景以北去港島東嘅乘客無咁吸引，但呢群客量有限吧，連特別巴士線都唔多條

換線方案固然有效分流下繁人流，但上繁我會諗到另一個問題

現時港島朝早最樽頸嘅位置，係北角西行
將線轉車客固然多得交關，但另一被忽視嘅原因係：港島線西行本身已經載緊唔少東區人，去到鰂魚涌北角並唔多空間剩
東區客為數唔少係要去上西環、旺角尖沙咀，必須用舊線，用換線方案會令大量東區客喺北角落車
但換線下將線直入港島核心，將線客喺北角落車意欲減低，未能騰出足夠空間載東區客
北港島（東涌線）西行空間卻未能善用，因早上港島東去新界西人流相對少
北角轉車站人流恐怕難以解決，只係人流同而家相反
東區去油尖旺深水埗乘客更可能因要轉兩次車，而回到地面交通，重演16年前觀將換線後619頹線崛起

相反，交換方案直接帶領將線乘客前進
雖然去嘅維園、會展、添馬都係核心外圍，但唔使轉車，加上三個舊站都離地甚深，有足夠吸引力令將線客留喺車上

交匯有其不足，但換線並非完美
早繁盡量減少將線客流入港島舊線，係現時已有嘅急務，我覺得比起下繁分散東鐵乘客來得重要

HV7025 發表於 2018-10-24 08:43
其實你都講到，交換缺點主要出喺下繁東區去東鐵乘客客未能有效離開港島線
但喺最高峰嘅上繁，東行方向， ...

如果你咁講，似乎係興建黃埔花園至北角／炮台山的過海鐵路線，較興建「北港島線」來得重要。因為：

港島和九龍之間的過海客量是不斷增加，但港島東西區之間的非過海客量只是持平，甚至下跌，而灣仔繞道可解決港島東西區之間的交通需求，只要合理調動巴士、專線小巴路線，甚至開放灣仔繞道、東區走廊讓紅色小巴行走，便能減少依賴地鐵港島線的誘因。

至於炮台山，最主要的是過海問題，但若政府／港鐵能解決觀塘線黃埔站延伸過海的難題，例如於戴亞街新建觀塘線黃埔站往九龍方向月台，讓東區過海去旺角、深水步的乘客改於北角直接轉車往九龍，將港島區不同路段的過海乘客流量平均分佈，可能遠較興建北港島線更實際。

TYChow 發表於 2018-10-24 17:48
如果你咁講，似乎係興建黃埔花園至北角／炮台山的過海鐵路線，較興建「北港島線」來得重要。因為：

港島 ...

客流上我係同意你嘅睇法
過海客量重心始終係港島舊區<>九龍舊區
如果觀塘線直接過海，觀線本身係直入彌敦道，加上何文田段有足夠運力，係完全起到呢個分流作用，可直接減少經油塘、金鐘過海嘅客量
同時何文田站亦可讓新界西、啟德乘客轉車過北角
如此分流肯定比用老遠嘅東涌線救近火有效

但可惜係起第五條過海鐵路，錢同難度都相信高過起北港島線
同埋呢個方案未能惠及東鐵、東涌線
雖然港島線經觀塘線分流九龍客後會變得夠載，但如果無北港島線，兩批乘客仍需用曲折方法先去到港島東

個改動肯定大，但因為有南港島線西段、交椅州「西部外走廊」，還有嘉路連山道以及合和中心二期的的累積影響，RDS2014也未必有考慮，所以預多好過預少。

難題反而係：如何在黃埔站增建戴亞街月台、如何在德安街掘隧道通往海邊（可能涉及「保護海港條例」，但沙中線過海隧道已有成功通過之先例，有人會幫手拆掂），另可能需要遷移過海水管，如以北角轉乘，則需改動北角西碼頭及於書局街增建月台。