73X等城隧線換晒12.8米後, 夜間及假日上唔到車情況大幅改善

浸大小晴 發表於 2018-11-12 14:16
而家荃灣消遣選擇太多, 唔洗再入沙田玩,
仲有48X小左客, 唔多唔少是同ETA有關, 荃灣客可以跟ETA等49X, 唔 ...

沙田其實都冇乜好玩，新城市和隔離沙田廣場都係大陸客為主，新城市廣場多名店，沙田廣場多藥房

浸大小晴 發表於 2018-11-18 12:27
48X一直以來同小巴都係各有各做, 小巴亦無明顯加過班, 到底咩原因令48X少左客呢?
...

個人認為

1. 少咗梨木樹老人客，以前白板、殘廢躉年代有唔少人起梨木樹落。出咗2蚊後少咗好多

2. 多咗唔少客知道49X快過48X好多，以前眾安街啲人見48X或49X都會上，上咗車先算。家陣兩條長龍係度排，就算見到48X冇人啲客都唔會上寧願等49X，結果49X經常頂閘上山，48X半車上山

ETA應該唔係太關事，因為兩條線班次都係密得好緊要(如果出齊車嘅話)

反而出荃灣方向好似冇咩影響，一向都係49X人多過48X，上得48X嗰堆主要都係落眾安街以西或者梨木樹嘅客

其實48X自換咗JS躉之後都好似冇以前咁多客，以前大窩口已經要企，家陣搵架ATE大窩口分分鐘上層仲有位坐，去到城隧行落下層都仲有好多位企，以前得沙廠四部都躉嗰陣去到城隧落去下層都冇咁舒服

48X愈做愈頹，調番轉49X愈做愈有，假日入沙田上城隧頂閘唔難見

個人觀感係呢幾年 48X 越做越差。
兩年前批 ADS 未退果陣，48X 都算係成日派 ADS，明明高載線又揾架低載車，已經有問題 (當然呢個情況喺 43X 更嚴重)。
到印象中係上年開始，48X 班次開始不穩 + 小規模收車，不過本身條線密車所以唔覺唔覺，但唔代表無問題。
直到今年開學先大鑊。我 8 月前直至 9 月都係接近日日搭。8 月無學生真係舒服好多，眾安街大窩口都仲上到車而且有位坐，不過等車時間都有少少耐。9 月一開學，九記唔知做咩事，可能趕人上 43X 掛，繁時 48X 大河道上幾個留後。我通常喺大河道等車，見到 49X (49X 沙田方向唔停大河道) 基本上都企得幾滿。
所以去到眾安街，基本上都係嘩一聲，見到 48X 飛站或者逼多一兩個飛站。49X 情況一樣，上多一兩個就走人，結果有次眾安街連 43X 都可以接近坐滿。
況且 48X 成日派 ATE，不但低載，茘廠果幾架 ATE 車廂內部真係好污糟，十年無洗過咁樣。ATE 同新車 (ATENU、橙蛋、紅車) 唔同，櫈係唔會貼住車廂，所以櫈同車廂壁之間會有好大條空隙，只要架車無做好清潔，好容易會有紙巾或者食物盒喺入面，有次仲要見到紙巾喺安全帶扣入面，恐怖得很。
西行情況一樣唔好得去邊。同樣沙市可以一站打爆架車，48X 依舊可以連續出低載車。8-9 月果陣有幾日仲要連續撞到 AVBE，上城隧斜極低速咁死谷爛谷，同新車相比差得遠，情況仲差過批 3ASV。
城隧係另一問題。49X 條龍長期係清唔到，點解? 主要不論係落荃灣定葵涌，都有多條路線，萬一其中一條收車，都可以用其他線救亡。73X 批 12.8 (有時更有水塘車) 喺城隧會落一批葵涌客，基本上等得 48X 耐果頭都有車救亡。相反，49X 睇落就好多人搭，實際上一來落青衣獨市，二來收車俾 249X。49X 真係可以收到 12 分鐘一班 (望落開 12 好似唔疏，但以 49X 客量計應該係密一倍先啱)。
我成日覺得巴士迷落地底其實好嚴重，因為一係巴士收太貴 (例如荃葵過海)，一係巴士服務太差。住過荃灣都知喺荃灣行路好方便。當 48X 早繁開 8 分鐘一班，仲要等第二班先上到，而地底來往荃灣同沙田先 38 分鐘仲要可以坐半程果陣，點解我唔拍 $2 機落地底?
況且搭 48X 唔一定係去沙田站，如果係去啡色線沿線，鐵更有優勢，回程亦較大機會有 $2 機 (第一城拍完搭鐵真係行好近、頌安 McDonald's 對面果個行去亦只係 5-6 分鐘)。

tonychow 發表於 2018-11-19 10:17
個人觀感係呢幾年 48X 越做越差。
兩年前批 ADS 未退果陣，48X 都算係成日派 ADS，明明高載線又揾架低載車 ...

所以真係可以考慮拆線，慢線改為海濱——石門（一次過食哂 38AB），快線入灣景。

悅來返落海濱呢段路，當 38A 三架車係呢段路，係 keep 到 7 分鐘一班。如果悅來至禾輋用番，say，8 ~ 10 分鐘一班，應該唔使用 48X 太多車

灣景線改跟 49X 上山，再睇返客量同 49X / 249X 拆用車

剩返兩個死位（荃灣西——可風；海濱——葵興站）用繁時 / 返學 / 招標小巴線去頂

浸大小晴 發表於 2018-11-19 14:01
荃灣西——可風仲有改到好兜的36點到點, 以前未改線果陣D學生都係就咁行上去, 而家最多開番幾班原線服侍 ...

首先佢個荃灣西應該係講緊西約而唔係西站 (有錯請指)。
西約得條 234C 做可風客，不過已經幾滿下，同埋都貴。
48X 流水客問題其實好難搞。如果你搭過早繁，其實真係可以好多客。早繁大河道依然頂閘留後 (有人會轉投 73X)，可風落一大半。36 走線同 48X 又唔係好同 (一條做荃灣東部，一條做荃灣西部，以大河道分界)，唔可以亂咁改線。
當然如果海濱拆快線、原 48X 唔改走線係可以解決呢個問題，但到時 38A 流水依舊解決唔到。
至於 38B，青沙問題在於轉乘優惠不足。一日未有正常北區大埔線 (唔計 W3)，青沙都唔會係城隧代替方案。

tonychow 發表於 2018-11-20 10:44
當然如果海濱拆快線、原 48X 唔改走線係可以解決呢個問題，但到時 38A 流水依舊解決唔到。
至於 38B，青沙問題在於轉乘優惠不足。一日未有正常北區大埔線 (唔計 W3)，青沙都唔會係城隧代替方案。

38A 的問題是繁時要做點對點（海濱——葵興），非繁時則是 海濱——大窩口 以及 美孚北行執雞／救命（救 238X 脫班收車），實際上是兩個時段做兩批客。而家九巴見到咁做無肉食，又唔識搞，索性玩陰乾，唔搞。

然而，九巴睇唔到可以用佢去 facilitate 一啲大線拆線，純粹為咗敷衍鄒秉恬而整個一個怪胎 38B。佢同 48X / 240X 似啲唔似啲，兩條 X 線又唔可以落嚟取代，但喺客源上 38B 又係弱嗰方，正常人都知佢係唔會有條件做大。

所以如果你哋去諗呢個問題，都應該將 38A 繁時同非繁時分開嚟搞。
一、「海濱——葵興」嗰幾班應該要留，但其他時段應該只能用啲經嗰頭嘅大線拆入海濱，甚至 404M 向東北延長取代。
二、「海濱——大窩口」係衰 238M 要做街市客拉唔到過去，但仍然可以搵大線 cover，城隧線、東九線都得。
三、非繁北行救命客只有用東九線兜美孚（取代 40？）、拆分支解決，如果用沙田線就預咗放棄。
四、最緊要係做低 38B 呢嚿怪胎 + 瘀血