屯馬綫全綫通車重組建議 (Part 9 - 取消11B[#59], 7/2更新)

2076 發表於 2021-2-4 16:40
先謝謝回覆。
我選擇留15不留14的原因，其實跟重組part 8有關，建議可以等埋part 8先一次過評論。因為part ...

14B 來回程都走咗入牛頭角道，已經補唔到德福，
加上 14B 淘大止步，於是油塘邨同油麗邨出啟麗流水又補唔到，
叫佢哋行到去大本型搭閣下嘅新 16 或者小巴？似乎腳程太遠。
至於 671，一來日間班次太疏，二來要穿過公園兼行過對面馬路，唔夠原 14 方便，
三來服務時間最盡都淨係去到 20:15，服務水平亦唔及原 14。

翠屏出九龍城，個人傾向透過 13D 縮短去補位，
順手提供翠屏內街來往旺角大角咀嘅巴士，多個籌碼去換走 11B，
17 就可以拉上平田圈，用何文田車（方便學生）去換新紅土車（15X）淨係行外圍。

觀塘返黃埔係我記錯咗 15 走線，不過觀塘返紅磡南可能都要補位。
如果紅磡站唔係太重要嘅話，11X 其實可以考慮搬去紅鸞道。

另外講埋 Part 8，想問 93X 尖沙咀方向會唔會有分段？
因為 213X 因素，$9.9 對於寶達尖沙咀黎講其實幾貴，
而且塞將軍澳道同成業街，繁忙時間未必快得過 213X 行樂華同啟祥道，
大循環可能會導致班次不穩定性增加，而且有大半段同 98A 重疊，
變相製造機會俾九巴用比 93K 更貴嘅價錢做康翠寶達出觀塘，98A 亦會有影響。

14X 同 15X 合併實屬唔太可取，一來佐敦段上海街塞車問題嚴重，
唔適合擺總站，即係話如果用新 14X 走線，已經要擺到去高鐵站咁遠，
二來油塘邨、油美苑同油麗邨出紅土同原 14 流水一樣變咗真空，
三來新 14X 又上碧雲道又兜紅土，已足以趕走原本油塘出佐尖嘅客，
藍田山無啦啦有成兩條線出尖咀，但係 14X 又唔夠 215X 快同密，
可以預見唔會有人坐 14X 由藍田山出佐尖，變相係浪費彌敦道配額，
仲有一開始將 14X 拉入鯉魚門係想補 14C，依家又縮返去大本型？

xdxd 發表於 2021-2-3 20:45
兩個P仔問題。

5P根本就好客過5X，同時更加容易做低埋5同5A，睇而家班次都可知一二，又唔係極慢，上路又ke ...

而家黃埔8P都開緊20分鐘一班啦
其實8A係好客過8P，成日非繁忙時間坐8P，成架車好多時得5至6個 (包埋司機，包埋我，仲有個郵差)。當然個數係武肺限定啦，但係8P成20分鐘先一班，都唔知係車駁船定船駁車
反而8A係有唔錯嘅客量，唔知點解咁多人覺得8P好過8A

唉，成日都好矛盾，又想快啲去尖沙咀碼頭 (而家黃埔花園去尖沙咀碼頭，最快6分鐘)，但又唔想睇住8P頹廢地吉車遊街，又想8P更深入尖沙咀，等我唔駛次次都要行去文化中心/尖東站，但係又唔想去尖碼耐咗。

不過咁唔代表用5同5D係好事，因為8P起碼海逸開，班次穩定得多，可以預時間。但係5 5D去到黃埔，跟本唔會知道幾時到，預時間變得更加難

BTW 對黃埔最有用嗰架，係叫E23，認真

AV296 發表於 2021-2-4 21:41
而家黃埔8P都開緊20分鐘一班啦
其實8A係好客過8P，成日非繁忙時間坐8P，成架車好多時得5至6個 (包埋司機 ...

正常班次8P係三個字一班喎…武肺班次先跌多級啫

我搭嘅偏少客班次就差極都有雙位數喎…
車程嚟講，4分鐘都出到尖碼喎…
的確，某啲時段單程少客，但另一邊又有返咁上下需求，咪唯有當私車出去啫…789咪都係有啲咁嘅情況…

SE7378 發表於 2021-2-4 19:44
14B 來回程都走咗入牛頭角道，已經補唔到德福，
加上 14B 淘大止步，於是油塘邨同油麗邨出啟麗流水又補唔 ...

14C既死因係人口下降加上紅Van睇住14C既班次來打

14C一開車，紅Van即刻隊係佢前面搶客
14C仲邊有得做

xdxd 發表於 2021-2-4 17:52
先想整走條30X，依家仲拉埋234X...orz不如簡簡單單唔好掂8P，5D去程落漆南，回程照舊，+ 5D轉8P BBI，再睇 ...

14X行晒碧雲道同紅土，我都係建議開30分鐘一班......資源上計，唔會夠拆兩條X線，始終紅土區都係要交下數。其實14X主要都係想填番14取消後的空缺，順便食到碧雲道呢一個紅小禁區的客源。因為15X的客量也不錯，而且215X有新14X後可以全日飛走曲街。

紅土去觀塘，最有競爭力的位就係家維邨以及下路一帶，因為唔近鐵。所以我建議的新11X係來回全程行下路+家維邨，食正這個市場。至於黃埔去觀塘，由於有鐵直達 (雖然車程不短)，所以我係放新14X去做黃埔去觀塘區唔近MTR站的地區，例如藍田山同觀塘碼頭。當然，我都係建議加番14X同11X互轉，方便乘客。或許11X往紅磡站方向可以入一入黃埔總站後才回紅磡站，甚至搬總站到紅鷥道，試下服務秀茂坪<>紅磡灣商業區的客源。

SE7378 發表於 2021-2-4 19:44
14B 來回程都走咗入牛頭角道，已經補唔到德福，
加上 14B 淘大止步，於是油塘邨同油麗邨出啟麗流水又補唔 ...

謝回覆。
14B補唔到德福的問題，一來牛頭角總站離九龍灣站都唔算遠，二來油麗都係有671，三來有油佐線。至於啟麗流水，東隧口的608比起14更為方便就腳，車費更低至$4.8......加上還有紅小行鯉魚門道，油佐線其實本身就係14的替代品。當然，14B其實我係考慮過改循環線，福淘街做循環點後，經觀塘道，轉左支路再轉右入返牛頭角道原線。這樣做就可以改善油塘邨油麗苑上德福的連接。

至於13D的問題，縮短唔會過到秀茂坪果關，因為佢地完全沒有在重組中得益。在構思這個重組計劃時，的確係諗過留14，用3D拉上平田圈殺15+15A，17拉去翠屏，但問題係平田落紅土要補位的難度高過油塘好多。平田圈實在太浪費時間，而且3D太密車。所以最後決定留15，一來係考慮到空缺位油塘邨有鐵、油麗邨有東隧車，回程亦有259D幫手 (雖然平田都有38)，但最重要因素係因為啟田道、碧雲道都係紅小禁區，聖安當一站反而有密密到的油佐線紅小，在紅小的競爭下，加上鐵路通車要交數，似乎油塘<>紅土係比較不值得保留的服務。我在油塘區重組的思維，是盡可能回避紅小及MTR走線，爭取最多獨市客源。當然，14B成為了聖安當站主力接駁線，係應該要加番轉乘15的轉乘優惠。

93X我看漏了眼，原來本身93K係有寶達分段。這樣我會建議93X寶達邨加一個$8.5分段，可以令寶達居民傾向選擇乘坐213X/93X而放棄13X。收費睇齊後，93X慢過213X也就沒有大問題了。至於大循環，在資源運用加上原本14X走線的包袱下，也是迫不得已。反正尖沙咀需要上93X的乘客，多為尖沙咀前往康翠的乘客，其他乘客均有合理替代品。製造機會比九巴用$9.9/$8.5做康翠寶達出觀塘是故意而為的，始終康翠寶達都經常以需要乘坐93K前往觀塘及牛頭角作為反對93K重組的理由，所以93X走線是特意進入觀塘道，輔助98A的同時，可以做到原本14X的觀塘出佐敦/尖沙咀客，從而放走14X。現時14X客量是明顯地不理想的。

14X總站位問題，其實該段上海街有260X及269B全日行走，而且塞車問題也未算過於惡劣。(油麻地以北的新填地街及上海街才是最惡劣的路段) 路邊亦有足夠空間擺放總站，加上只是影響尾段乘客，對主要客源影響不大。而新14X在上海街擺街，其實一定比現時的14X循環走線穩定，對油塘而言，其實班次反而較為穩定。
油塘邨、油美苑、油麗邨出紅土，都係MTR+紅小+608的三重夾擊下，真空也不算過分。
至於新14X的定位問題，其實往尖沙咀在速度上只會頂多比現時215X慢5分鐘，東九龍走廊塞車時段計，14X有機會反而快過215X (分科診所直飛觀繞+紅繞，215X要塞入觀塘+停曲街+漆咸道南)，加上直達彌敦道及能夠前往佐敦，定位是稍為不同。油塘客方面，其實現時14X在油塘的客量表現實在不濟 (MTR過兩次海去尖沙咀其實好快，去佐敦又被紅小打)，新14X叫做補返直達車去佐尖，主力其實都係油塘來往紅土區，主力做下路比起同紅小爭食會有好處。
最後，14X縮返大本型係因為有重組Part 2，288X取代了鯉魚門<>觀塘的接駁路線服務，加上配合未來油塘灣發展，288X走線會更切合鯉魚門及油塘灣居民需要。

AV296 發表於 2021-2-4 21:41
而家黃埔8P都開緊20分鐘一班啦
其實8A係好客過8P，成日非繁忙時間坐8P，成架車好多時得5至6個 (包埋司機 ...

8P在紅磡<>中環船重開後應該係有跌客，加上武肺因素，所以近排8P客量真係都幾難睇。不過8A多客過8P就肯定不可能，只係8A侷限了紅磡灣接駁，抽唔走。在現時有ETA的情況下，5/5D應該不算難預，加上上路路況算是穩定，相信未必會有大問題。重組都是希望半程吉車遊街的巴士數目，由7架，減少至4架，加上5/5D入海逸/黃埔，其實都算係改善了海逸/黃埔連接九龍城/新蒲崗的交通，不會算是一面倒倒退。

P.S. 黃埔8P/12A/115/E23都幾有用，係8A/30X太廢......

2076 發表於 2021-2-6 04:34
8P在紅磡中環船重開後應該係有跌客，加上武肺因素，所以近排8P客量真係都幾難睇。不過8A多客過8P就肯定不 ...

少少題外話：
昨日1425開嗰班8A，喺黃埔有14人上。
8P就1428到黃埔，海逸9個，黃埔29個。
永安落8個，當中有個係轉260X；文化中心落5個。
喺食4盞燈+梳士巴利道少少多車下，1435先到尖碼，並且落剩一個。
1433有班8A(估計係1405開)離開尖碼，所以應該有一定程度嘅客改上8A，但尖碼應該上咗23、4個客返黃埔。
但係，船開八個字一班，又貴過8P+天星，我個人覺得轉投船嘅人數唔多

Part 9 - 翠屏路線重組
(11B/17)->(17)

11B 觀塘(翠屏道)<>九龍城碼頭 $5.1
取消，由5D、11X、17、28、85X、91M取代

17 觀塘(翠屏道)<>何文田(愛民邨) $5.8
翠屏>觀塘道>九龍城>土瓜灣上路>天光道>何文田
https://goo.gl/maps/xURkNrDjK5joST5dA
何文田>天光道>土瓜灣上路>九龍城>觀塘道>翠屏
https://goo.gl/maps/eCri44nFtky8PhkDA
延長至翠屏道，以填補11B之服務
行車時間50分鐘，增加派車1部至16部 (+1)

附件A: 站位表
17 觀塘(翠屏道)<>何文田(愛民邨) $5.8

1. 觀塘(翠屏道)總站 $5.8 2. 翠梓樓 3. 觀塘游泳池 4. 成業街休憩公園 5. 觀塘(裕民坊)總站 6. 創紀之城 7. 觀塘定富街 8. 牛頭角下邨 9. 德福花園 10. 九龍灣站 11. 啟泰苑 12. 麗晶花園 13. 采頤花園 14. 譽．港灣 15. 富豪東方酒店 16. 宋皇臺道 17. 馬頭角道 18. 天光道 19. 常樂邨 20. 何文田邨景文樓 21. 何文田廣場 22. 常樂街 23. 何文田站 24. 迦密中學 25. 嘉民樓 26. 何文田(愛民邨)巴士總站

1. 何文田(愛民邨)巴士總站 $5.8 2. 聖三一堂中學 3. 忠孝街 4. 佛光街 5. 常樂街 6. 何文田廣場 7. 何文田巴士總站 8. 常樂邨 9. 常康街 10. 農圃道 11. 香港家庭計劃指導會 $5.1 12. 亞皆老街球場 13. 富豪東方酒店 14. 譽．港灣 15. 景泰街 16. 坪石邨 17. 啟業邨 18. 九龍灣站 19. 牛頭角下邨 20. 觀塘道休憩處 21. 創紀之城 22. 觀塘市中心 23. 觀塘游泳池 24. 翠柏樓 25. 觀塘(翠屏道)總站

附件B: 巴士轉乘優惠

首程	次程	路段	轉乘地點	合共車費	備註
17 (往愛民)	91M (往九龍城碼頭)	翠屏 至 九龍城碼頭	富豪東方酒店	$5.8
91M (往寶林)	17 (往翠屏)	九龍城碼頭 至 翠屏	富豪東方酒店	$5.1	回贈轉乘

2076 發表於 2021-2-7 01:23
Part 9 - 翠屏路線重組
(11B/17)->(17)

係細節位俾啲意見

建議放工時間前都行和樂邨果邊落裕民坊新總站，唔使行迴旋處，放工時段先考慮行成業街休憩公園，甚至全日行和樂邨，叫班客行去法院搭車
另外17加返宋皇臺道個站，依家馬頭角道同富豪酒店中間隔得有啲遠，同埋行去13街近啲

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－

我係度諗屯馬線對紅土到觀塘嘅巴士有幾大影響，始終地鐵要轉車，同埋巴士唔塞車九龍城沿著太子道唔駛停燈去九龍灣觀塘都唔係耐，地鐵要轉車，時間都唔係快得太多，一下子減咁多會唔會減得太多？反而留返比較密嘅班次會唔會留到班客？（11B值得殺，始終太平同太多重疊位）