覺唔覺得香港人對鐵路偏見問題已經好嚴重？

因為東鐵線過海通車，好多人都擔心巴士線會大減。
而網上都好多人拍片測試東鐵過海比較現有過海巴士時間，當然有D係鐵贏，有D係巴士贏！

其實都唔出奇，雖然話沙中線全線通車係好影響全港巴士路線，但的確有部份巴士定線直接而仍然比鐵路優勝！

當遇到有D片得出結果係鐵路贏既時候，成班Haters就不斷質疑測試結果有水份呀、又話咩「巴士雖然慢但有位坐」呀、「巴士唔洗行」等等。

不過好奇怪，當有部份測試係巴士贏既時候，佢地就會話咩「唔洗試都知巴士贏啦」、「證明cut巴士冇理據」云云。

我知呢兩年黨鐵所作所為係令人人神共憤地步，但係咪咁就要否定所有測試呢？

如果咁講，其實根本就唔洗比較，因為你巴士就算慢如682、53兜到你暈，沿線有鐵幾快都好，我都可以話「巴士有位坐，舒服D」去解釋一切啦！

我唔係保鐵，但如果連基本數據都冇既時候，又點可以同運吉fight呢？

挫強扶弱心理吧

好多片都係偏幫巴士，例如搭鐵果個行得慢，搭鐵果個去到中環搵好耐個出口等等，造成搭巴士唔係耐好多既錯覺。不過舒適度巴士唔使轉車的確完勝

運輸月報，人口普查有數據，搭鐵既人多過巴士，多幾多可以自己計比例，不過呢d涉及人心理，依家好興同溫層，有得揀都會揀自己岩聽既，但如果兩邊既人講既野都睇，先唔好立場行先，其實兩邊講既野都有佢價值，只係到最後數據反映鐵路人多少少

kay 發表於 2022-5-21 19:44
運輸月報，人口普查有數據，搭鐵既人多過巴士，多幾多可以自己計比例，不過呢d涉及人心理，依家好興同溫層 ...

巴士好多時都係時間多又有位先坐
再唔係就出發點去最近鐵路站太唔方便，要駁車
路面出事機率同影響都遠高於地底出事

反而感覺上公司如果係彈性上班或唔係最大路嘅朝九晚六，搭巴士嘅比例會多啲，搭鐵路嘅比例會少啲
想留巴士，爭取彈性上下班時間，可以減少推走打工仔為準時返工揀番鐵路，同時叫做改善勞工待遇，效果實比要求「保留選擇」好得多
當然有啲巴士線醫番都嘥氣，競爭力相比平行鐵路/小巴太低都無乜好講

想問個主題係「香港人」定「巴迷/鐵迷」先？

Ricky403 發表於 2022-5-21 20:07
巴士好多時都係時間多又有位先坐
再唔係就出發點去最近鐵路站太唔方便，要駁車
路面出事機率同影響都遠高 ...

但香港都有一定比例藍領，非繁都好靠d唔係朝9晚6打工既人支持，只係平日朝搭鐵早出閘有優惠，又有都會票綁走班客，有d野好難拆，都會票九巴都有月票頂一頂，當然累埋城巴搶佢d客，但朝早減價巴士似乎做唔到，學生優惠都係九巴個別路線先有，變相點數都數到人地優勝政策，要打mtr除非鬥推差唔多既offer,但以巴士公司財力未必得

事實上市民作出選擇搭邊種交通的確會有不同因素
時間、舒適度、價錢等等等等...

係得呢啲片段下留言，多數都係交通迷
巴士迷偏幫巴士；鐵路迷偏幫鐵路
巴士塞到瀨屎我都鍾意坐，貪有得訓覺；又或者鐵路有得企，朝早可以醒神返工
各有各喜好，其實好正常

我覺得睇得果D鐵路巴士鬥快片都係巴士迷居多，
所以樓主標題唔應該寫香港人對鐵路偏見問題，
應該寫巴士迷對鐵路偏見問題先岩。

正常市民出行係睇趕唔趕時間、個站近唔近其次先係有無位坐同舒服。
我都鍾意坐巴士，但返工就一定坐鐵，各人選擇不同。
睇巴迷言論最好自己再思考，有時未必岩哂但有時錯唔哂，
一日無準確數據，什麼傳聞什麼客量預期都唔一定係正確，
睇呢度就知，鍾意既路線就棒到上天，唔鍾意既路線就踩到落地板。
好似上次有篇文話258X改道首日有事故好晏先到九龍灣，
結果有人話點會日日都出事，
佢講得無錯，
但事實係正常人第一日遲大到，
第二日都會轉坐需時比較穩定既交通啦，
會唔會為左偏坐自己喜好而收公司警告信？

106116_1023 發表於 2022-5-21 20:49
我覺得睇得果D鐵路巴士鬥快片都係巴士迷居多，
所以樓主標題唔應該寫香港人對鐵路偏見問題，
應該寫巴士迷 ...

我係見好多片下面同果D交通關注組D人狂踩鐵路留言而感覺係香港普遍人都對鐵路有偏見。
我明政府係港鐵大股東，大家反政府我唔怪佢地

但巴士公司有邊間係黃？

我只係覺得去唔同地方總會選擇唔同交通工具

好似我由馬鞍山去黃大仙觀塘一定坐巴士，因為85M/89C夠快

但去深水埗會坐鐵，因為86C實在太慢

而且當路面交通擠塞，乘客除左鐵路仲可以揀咩？