本帖最後由 Danny.lin 於 2023-1-20 22:25 編輯
路軌互聯互通唔等於綫路互聯互通！師兄，內地國鐵、地鐵涉及嘅政府管理部門唔一樣、涉及嘅訊號系統結構喺綫路運營方式特點、設備組成和內外部接口上均存在非常大嘅差異。內地嘅情況唔可以同香港鐵路混为一谈。
需要講明，喺內地，國鐵制式綫路係由國家鐵路局（National RailwayAdministration of People's Republic of China，NRA ）管轄，城市軌道交通制式綫路由交通運輸部（Ministry of Transport of the People's Republic of China，MOT）管，現階段唔係話列車裝咗國鐵CTCS設備同城軌ATC設備就可以跨制式綫路運行，需要NRA出嘅“出世紙”先得，連內地嘅行業大佬廣州地鐵都對佢冇符，本來喺規劃中考慮廣州18號綫北延段（廣州東至花都天貴城際）接入旗下子公司廣東城際運營嘅廣清城際綫，但宜家喺建設中僅預留聯絡綫接入條件！
你睇內地相關通勤鐵路（市域（郊）鐵路）綫路嘅情況就明喇，例如：要同其他城際、普速铁路路軌互聯互通都係用市域C型車（兼容其他國鐵EMU以及符合鐵路標準嘅鐵路列車），訊號採用CTCS級列控系統，按國家鐵路限界以及《城際鐵路設計規範》、《市域（郊）鐵路設計規範》提及嘅相關技術標準進行建設，開業後，車長攞嘅駕照係由NRA頒發嘅《鐵路機車車輛駕駛證》（相關綫路舉例：上海金山鐵路、北京市郊鐵路、珠三角城際铁路等）
若同既有地鐵綫路互聯互通或獨立成網，就採用市域A/B/D型車，訊號均採用通訊式列車控制技術（Communication-basedTrain Control technology，CBTC），按《市域（郊）鐵路設計規範》、《市域快軌交通技术規範》中嘅車型限界以及其中相關技術標準進行建設，綫路開業後，車長攞嘅駕照係「地鐵駕照」（相關綫路舉例：溫州S1綫、北京地鐵大興機場綫、廣州地鐵18、22號綫等）
雖然我哋日日話「搭火車過海/去屯門」，但東鐵、屯馬呢啲前九鐵綫路本質上係城市軌道交通制式市域快軌綫路，同廣深城際唔係同一種鐵路，如果互通，起碼成條東鐵綫要按國家鐵路技術標準進行改造，宜家大學站都過唔到國鐵動車，你點搞廣深-東鐵聯通呢！
另外，按照深圳羅湖口岸改造嘅規劃，東鐵綫羅湖站北移至深圳羅湖，係深圳嗰邊進行一地兩檢，現時東鐵沿綫客流壓力本身就大，過海段啲壓力有排俾你歎喇，邊有同廣深綫接軌互聯互通嘅需求呢？做好自己市域快軌嘅本分就夠喇，仲使乜考慮長途城際運輸！
| 
