B7去粉嶺特別班俾人鬧

lsc04d11 發表於 2023-7-9 20:00
咁B1都有元朗同天慈（疫前仲有天北加天恩）
又唔見有大問題？

其實你知唔知B1有幾多加班車？

tommy14D 發表於 2023-7-10 10:45
最簡單粉嶺特班叫B7A咪冇人吵，B7乘機不經粉嶺，回車快咗

其實而家都有人搭佢來往粉嶺同上水
最神奇嘅係有一次粉嶺上車去香園圍，塘坑有人落車

Peter03145212 發表於 2023-7-10 10:55
而家熱辣辣仲叫人拎住行李行呀，如果係想叫人搭B7嘅，喺上水搭一個站去粉嶺站轉咪仲好，再唔係搭東鐵去羅 ...

粉嶺條龍咪一樣誇張
見過排百幾人添呀，仲要無瓦遮頭，嚟架B7都上唔晒，你都識講而家熱辣辣

天空之神 發表於 2023-7-10 19:16
B1 同樣結果成個元朗收車齊齊餵飽條 B1 做線皇

應該連 59S 都唔比開

本身條59K其實未開口岸都只係勉強夠載（之前係一班正綫一班香園圍短棍）
開咗口岸實會多一班人搭佢
反正都搞到59K，畀佢開59S我又覺得OK
利申：就係疫前試過等59K上唔到車要等半個鐘，當然果日係唔好彩短棍壞車

dennis28a 發表於 2023-7-10 23:37
去蓮塘以東需求係咪真係咁大先？
你睇下深圳口岸城條天橋設計預計流量？

沙頭角有無高速公路接駁先？
香港都仲勉強（環評另計），深圳果邊周圍起晒樓，無位起喎
仲未計香園圍而家計劃起北環支綫，沙頭角呢？

dennis28a 發表於 2023-7-11 03:18
而家並唔係預期流量，
係 10 年後假設深圳居民可以免簽注自由出入預計流量。

福民一拖二咁揀？你有冇用過福民站先？你知唔知10號綫個站響邊呀？有無試過行去10號綫福民站？崗廈同崗廈北無人用？你係咪真係搭過咖？我就見好多深圳人響崗廈同崗廈北轉車啦，仲未計開咗卓悅中心呢個大商場
提提你，崗廈北係4號交匯車站，10號綫可以轉2/11/14，我去寶安就鍾意10轉11，去龍崗亦會揀10轉14貪佢舒服有位坐
當然，去坪山就可以夾時間去蓮塘搭E17

joechau123 發表於 2023-7-12 16:01
好記得當初落馬洲係冇巴士到，結果好似有持份者不滿意，於是運輸署先比巴士小巴入，先造就到B1今時今日嘅 ...

咁而家成個落馬洲支綫管制站地面有大型工程，成個的士站都縮咗大半，九巴都泊到咁多架巴士入去啦
加上落馬洲路又有河套區配套工程，而家有一段玩緊單綫雙程，我諗九巴想擺多啲車都未必得

jpoon 發表於 2023-7-13 03:08
其實而家都有人搭佢來往粉嶺同上水
最神奇嘅係有一次粉嶺上車去香園圍，塘坑有人落車
...

可能懶行出祥華呢, 又或者上左車先發現漏帶嘢.

jpoon 發表於 2023-7-13 03:10
粉嶺條龍咪一樣誇張
見過排百幾人添呀，仲要無瓦遮頭，嚟架B7都上唔晒，你都識講而家熱辣辣
...

如果拿住個喼班人係內地落嚟掃貨嘅話, 入面新X街行出運動場搭B7, 不比入番去火車站遠, 本地人上去仲會拿大件行李已很少見.

dennis28a 發表於 2023-7-10 02:27
根本就唔應該用普通雙層巴士去做咁大運量既客流。
依個係香港政府回歸咁多年之後，同大陸一樣缺乏遠見亂起 ...

鐵路如果只係起接駁線，仲衰過巴士。同埋如果鐵路繼續收過境費，起過去同宜家都唔會有分別。


機鐵拉過去人工島又有幾多人搭。位位六十蚊起錶喎。拉過去珠澳人工島差唔多。