三隧實行易通行+分時段收費後，對隧巴運作有何影響

tkglobe 發表於 2023-8-8 09:08
即係你為咗提高巴士嘅佔有率，就要犧牲其他人嘅利益，你嘅理論真係得你先識，好彩運輸署啲人唔係好似你咁 ...

搞清楚呢個提議嘅初心先。究竟係外界環境無事發生之下，平白無故為提升巴士市占率而由私家車果邊搶走路權，定係在三隧分流大環境之下，憂慮巴士會在樽頸路段被不斷增加嘅私家車拖累，車程變慢跌走乘客，憂慮巴士在過海市場維持唔到現有市占率？三隧分流呢件事，無論overall巴士係得益定受害，有機會在某些細節位巴士處境變衰左。我係希望做返少少野去平衡返巴士在呢類細節位受到嘅衝擊。

假若好好地無三隧分流呢件事，我都咁提，先好講係為提升巴士市占率。

sunhoo 發表於 2023-8-8 10:09
搞清楚呢個提議嘅初心先。究竟係外界環境無事發生之下，平白無故為提升巴士市占率而由私家車果邊搶走路權 ...

見到你嘅初心，但遺憾地同大環境或者政府態度都算係南轅北轍。

搞得「分流」，就係有人會慢左，唔favor西隧巴士線呢樣野完全係可預見，甚至可能係有意為之，如果唔係，點解唔直接私家車大加價維持現狀？減價吸引人行，但又提升出口限制，呢樣野唔係自打咀巴咩，三隧分流個初心都fail，又談何巴士優先？

政府想做死巴士，推人上地鐵呢個初心已經係陽謀；火車過海，就自然會令巴士市佔率下跌，而家過海搭地鐵仲要好過以前唔少，咁點解仲要做野去救番巴士市佔率？我又駛唔駛比晒成條紅隧巴士行去幫佢救市佔率？

12Lane 發表於 2023-8-8 11:17
見到你嘅初心，但遺憾地同大環境或者政府態度都算係南轅北轍。

搞得「分流」，就係有人會慢左，唔favor西 ...

巴士想自救，都未必一定要逼私家車兜水街咁激進嘅。我覺得折衷少少在上環出口設立巴士打尖位，而非成個出口買起，都仲有討論空間。我覺得變數就係私家車龍會唔會頂去出西隧揀向東定向西嘅分流位，呢度要小心處理。
最壞情形就係捨上環保中環，在上環出口完全無優化空間之下任由去上環嘅路綫躺平，做大民寳街出口以保住中環客。其實原本上環係相對中環來講西隧路綫更有優勢嘅位，上環更近隧道口之餘，如果競爭對手係荃灣綫同東涌綫，搭鐵過海去上環相比中環要再轉多次車。萬一真係不幸地因出口擠塞而被逼放棄上環，尋求保住中環同下游客嘅車程，有助維持返個交通生態。

道路擠塞無可救藥，巴士路線為保下游而含淚放棄個別車站，咁嘅事情在香港唔係無先例囉。事先講明，我唔係FF緊西隧線兩繁飛港碼同時以免費轉乘905為補償咁玩，我係真心希望討論西隧往上環出口加巴士打尖位嘅可行性。不過如果又loop翻去“如果唔做都唔會阻礙港九往來同社會發展”，咁就無嘢好講。

蒸蝦餃 發表於 2023-8-7 13:50
的士錢係個客比, 點會突然有堆的士會用多左西隧過海的士佬只會揀順路同近目的地去選擇過海隧道
的士佬唔 ...

會多咗我
上環去沙田以前揀紅隧獅隧
依家唔洗諗呀司機行西隧尖山唔該

要私家車出隧道時靠左去水街調頭 , 巴士出隧道時靠右去中上環
然後講可以減少阻塞巴士 ? 我睇緊 D 乜野
就算比你入隧道時巴士改靠右 , 私家車改靠左 , 西隧巴士站出嚟一樣要打交叉先入到隧道
... 睇唔明

樂仔〞 發表於 2023-8-8 16:35
要私家車出隧道時靠左去水街調頭 , 巴士出隧道時靠右去中上環
然後講可以減少阻塞巴士 ? 我睇緊 D 乜野
就 ...

ok，既然巴士站一定在條路最左同無可能抽走行人過路，最後一個改善方案都可以收皮。
留名等睇上環出口慘變地獄，兩巴之一死攬港碼倒走下游，對家大膽飛站積極搶客。