九巴84M、284減班

S3BL100 發表於 2023-11-16 01:34
問題係 85A 到底係咩款，仲有幾多存在價值，係咪真係無可替代

你講到定點班次咁重要，直接兩條線都做好咪唔到你殺

KE7066 發表於 2023-11-16 14:39
你講到定點班次咁重要，直接兩條線都做好咪唔到你殺

但 85A 同 82K 雖然都做緊區內流水，但後者係社區責任線，前者唔係，後者係有必要做返好，而且因為係社會責任，無論客量係點都要做，情況同 71K 同隔離條 thread 有人唔知點解想打主意而畀人鬧果條 296M 差唔多

而 85A 唔係社區責任線，就算減到定點 30 分一班，都唔保證之後唔會再減。望下隔離條 85B，之前都係已經跌落 30 分一班，結果都係要變兩味

85A 處境其實已經同變兩味前 85B 分別唔大。而家條線沙乙博尾站區同鐵路打到正，頭站區有替代品搞到無乜人坐，剩返獨巿位新田圍同富豪花園夾埋又根本唔夠客，支撐唔起全日線。殺線就未必，但變兩味好可能係遲早

S3BL100 發表於 2023-11-16 22:16
但 85A 同 82K 雖然都做緊區內流水，但後者係社區責任線，前者唔係，後者係有必要做返好，而且因為係社會 ...

講得出85A同85B縮時前分別唔大嘅，我諗你真係冇搭過先講得出。85A全日客量明顯仲多過82K，繁時85A都仲識唔止坐滿窗口，你嘅所謂「遲早」縮兩味講來講去都只係你一家之言，主觀感覺，事實上85A同85B同受鐵路影響，但程度明顯有差別。就算82X同84M合併會比人媽叉，我至少見唔到沿線居民會冇左部車去目的地，最多慢兩個字咁囉，但冇左85A明顯影響幅員更大，係搞到有人連車都冇埋，用「社會責任」為由去做呢種主動cut線嘅改動仲話谷番82K，聽到都覺得諷刺，偽善。
85A真係叫做近屯馬咪就係得宋皇台站，仲要個出口老蓮咁遠唔知你有冇行過，又唔係完全冇客，仲要仲保到25分班，點解要郁先？

1181174166 發表於 2023-11-16 10:10
你發完癲未？
我話殺3B變富山轉乘落土瓜灣你又話攬3B?截張圖睇睇？
又我又幾時講3B/5C聯合班次？

當日你拎 2F ETA 25 分一班截圖果個 post 我有見過但搵唔返，我唔回一來因為我唔係個個 post 都咁得閒事必要花時間逐一回應，第二係無的放矢既 post 唔回好過回。不過我當日只係話 2F 客量計，基本表列班次點睇都唔會跌穿 20，我無保證過收埋車之後會點

不過當日係有其他版友都同意 3B 有必要做野後你先立場軟化，但想換 5X 5P 大幅加強就真係諗多左。3B 收檔後 5C 下繁 12/15->8 係合理甚至必須；但橫睇掂睇 5P 5X 都唔係慈雲山呢一刻最迫切需要既野，更何況你拎走左斧山道一條線係咪應該要先滿足佢地其他願望？根本就無理由事必要加強 5P 5X 而唔係加強或者改善其他服務，5P 5X 來來去去都係得你一個提，當日已經討論左好耐，我唔重覆了

咁嚴格而言的確係要 1:1 梅花間竹先係真聯合班次，一密一疏根本就唔算，亦唔係問題不大。尤其是今時今日，一密一疏而本身又無咁多客，無差別減班下大多數都無好結果，一樣係密線被攬炒，3B 5C 正正就係其中一個例子

anyway，呢篇主題係講 84M 同相關路線，我唔想離題

12Lane 發表於 2023-11-16 23:05
講得出85A同85B縮時前分別唔大嘅，我諗你真係冇搭過先講得出。85A全日客量明顯仲多過82K，繁時85A都仲識唔 ...

其實繁忙時間只係「唔止坐滿窗口」已經係相當唔理想

咁當然而家 84M 仲疏過 85A，就咁睇亦的確同 82X 重疊程度更大，但首先減班前仲識打爆繁忙時間逆向班次，而且第一城段係得 85A 零零舍舍同 82X 84M 方向相反，呢兩點已經令 84M 存在價值比 85A 高，就算樂富角度都肯定係 84M 比 85A 有用好多

當然如果真係炮製到一個 82X 84M 合併方案出來又慳到一樣咁多部車又點話

S3BL100 發表於 2023-11-16 23:18
其實繁忙時間只係「唔止坐滿窗口」已經係相當唔理想

咁當然而家 84M 仲疏過 85A，就咁睇亦的確同 82X 重 ...

「其實繁忙時間只係「唔止坐滿窗口」已經係相當唔理想」你瞓左幾耐，沙田區繁時坐得滿/企人嘅線（特別是九龍番去果堆）而家已經唔算好多。
好多都唔理想，但點都理想過你要加班果條82K啦

你就唔睇客量比較，只憑感覺，又唔落去坐下車，一味淨係用85B黎比較。
85A同屯馬重疊唔算大你又扮睇唔到架啦，成個85系根本屯馬全通前都已經係麻麻，你淨係睇到你想睇嘅野架啫，就係你要死慳爛慳去做你F1重組不擇手段呀嘛，要招呼慈雲山班貴客嘛？真係荒謬，唔知隔座山出左九龍嘅慈雲山幾時變左同河東有親，要cut線比佢入沙田咁巴閉。

而家搭開85A果班又係鬼黎嘅，其實你自己落去睇過客都知受影響幅員唔細啦大佬。

S3BL100 發表於 2023-11-16 23:10
當日你拎 2F ETA 25 分一班截圖果個 post 我有見過但搵唔返，我唔回一來因為我唔係個個 post 都咁得閒 ...

2F乜嘢叫基本表列班次點睇都唔會跌穿 20?依家就係寫20-25，已穿

5X第一版啦，已經有版友提過走數，但係最後係咪唔找數呢，無人知
情況好似X6C到今時今日都未實際去做，無人答實幾時做
你如獲至寶話我攬3B，有無睇埋前面如果5C都係減班呢?
日後唔搞5X/P，或者要搞5X/P你做到5C一車不減，留3B呢句唔成立喎

以外國嚟講聯合班次又真係唔見得一定係1:1，細位提供唔到頻密接駁都無辦法，只可聯合班次去做
6/6A減到去返以前咁都仲可以打飛機話係比較密嗰批，唔係合併有效，而係你都識嘅無差別減班之下其他線差啫

主幹線理論唔會話你錯，不過沙田區睇唔到有線做住，處理唔到84M問題

1181174166 發表於 2023-11-16 23:34
2F乜嘢叫基本表列班次點睇都唔會跌穿 20?依家就係寫20-25，已穿

5X第一版啦，已經有版友提過走數，但係 ...

可能有啲離題，但呢個討論入面提到關於 82X 84M 85A 嘅困境，其實大家都明白係今時今日好多九巴路線都面對緊...

唔改線，輪流減班由得地區人士同乘客求其鬧下就算，全部一齊25/30就無位入，
但服務質素每況愈下，只會令巴士越嚟越惡做，但又唔係巴士爛做就一定推到客走去其他交通工具喎。

改線亦的確唔包生仔， 89B 被逐離觀塘之後，唔見得 80X 有幾大改善（當中可以包括 89B 死唔斷氣，阻礙 80 80X 改善）
但唔改就一定係死路一條，除非個區有新人口增長，仲要個新人口係有誘因或需要搭巴士
（例如蘇屋都有「新人口」，但對巴士而言，難以稱為有裨益）


講返轉頭，「主幹線理論」之於沙田區嘅突兀，係因為

1. 地理問題
沙田本身就位處幾個隧道轉乘站中間，區內道路網都係縱橫交錯，
區內就算有主幹道街道都唔似其他新市鎮（例如大埔廣福道、馬鞍山恆康街、北區百和路）咁有主導地位
轉乘站同樣冇一個係對廣泛區域有主導（即好似將隧、欖隧、屯轉、粉轉咁樣）

2. 歷史問題
馬鐵對沙田殺傷力有限，但隨住「屯馬線」開通、沙田人口老化、全港性質嘅客流量萎縮，沙田區巴士係比起以前更加唔好做
而沙田區由於上述地理問題，以往區議會於交通問題上亦以「山頭主義」聞名（雖然冇一個好似麗港城咁明顯嘅山頭）
沙田區做重組係難過其他區

然而，抽離少少睇，大線盡量10分鐘內，支線20分鐘內，社會服務線可以疏過20分鐘，
呢個願景有佢嘗試貼地平衡巴公利益、公眾（乘客）利益嘅一面，
亦不至於喺沙田係不可能實行，問題只係點樣實行，有冇咩路線組合適合實行？

唔想太離題，但輕輕提下號碼嘗試引發一啲聯想：
80K 88K / 80X 83X 89B / 86A 86C 之流，係咪完全冇任何（局部）整合空間呢？

S3BL100 發表於 2023-11-16 22:16
但 85A 同 82K 雖然都做緊區內流水，但後者係社區責任線，前者唔係，後者係有必要做返好，而且因為係社會 ...

點解唔係社會責任就無必要做好？最核心果點係你想殺 85A (最少非繁) 咋嘛，82K 點點點根本廢話黎

地獄啲講 82K 好似 14H 32H 74A 咁 60 分班都係叫做，無必要比 30 佢，社會責任同班次及服務質素完全無關係
咁咪又 cut 到 1 部車 fulfill 你嘅 hidden agenda

流星☆雨 發表於 2023-11-17 00:51
可能有啲離題，但呢個討論入面提到關於 82X 84M 85A 嘅困境，其實大家都明白係今時今日好多九巴路線都面 ...

最似主幹線嗰條叫81C?個班次比86C好啲不過都唔夠做
呢樣嘢引伸出嚟係收費相關問題，比如雙向分段車上設備

話說有無類似呢?北區應該係近似嘅
但係84M個情況有屯馬競爭之下要轉乘，我驚死得仲快

資源有限下諗緊佳主幹線不如先搞收費模式，就好似輕鐵畫區，最低消費兩區內嘅車資
最簡單咁講即係雙向分段，善用部分長途而客量低嘅路線運力
支線20分鐘都係疏，主線轉落嚟送車尾得個喊字
除非你話班車係指定等埋主線架車先開