九巴84M、284減班

S3BL100 發表於 2023-11-15 21:33
呢一兩年就係，但再早多少少的確有好多線係因為要遵照休息同食飯時間指引而減班
...

依家又唔係見到巴士公司還原返去用盡一分一秒
舊市仲有咩討論價值

S3BL100 發表於 2023-11-15 21:45
車程不穩其實會更容易令到幾條 25-30 分一班路線同時到站，或者日日到站時間唔同，無得預

如果係幾條密 ...

車程不穩固然係一個問題，但係執行上又有幾多真係夾時間去開?

你有1A 5C呢啲幹線級就話啫，問題係你要執嗰堆線唔係吖嘛
況且你要做係要做轉車，唔同於現時1A單純流水
情況就好似地鐵轉車一疏車就留後，呢點巴士轉車會更明顯

至於bus zone，就係令其他道路使用者(不包括行人)唔方便而去用公共交通工具，如果唔係點解大城市中間成段路得返行人/電車

84M就難講，284就沙市囉(衰啲講根本個總站就係，出面燈口要較就真)
如果你話影響好多人揸車入停車場，就係唔想你揸車吖嘛
不過又咁講，bus zone應該係為要頂替84M/284嘅路線而諗，咁係邊條路線先?

12Lane 發表於 2023-11-15 12:41
老實講，85A呢啲，如果有一日上RPP要cut到40或者取消嘅，你個alternative plan咪work囉。我睇就好簡單，你 ...

85A 而家客量，的確可以直接縮到同 85B 類近服務時段

同埋望返點解點解有 85A 82K 呢個討論，無非係因為有版友提到 82X 84M 重疊，而事實係 85A 同佢地都有重疊，而反正重組都一定係三揀二，新蒲崗/鑽石山、樂富、九龍城點都唔可能一條線做晒，畀我就一定揀 85A 收檔、82X 拉去九龍城碼頭。至低限度服務範圍重疊但停站唔同甚至方向相反，係仲差過重疊但可以同方向同站等車

問題係 85A 最麻煩位置係新田圍，用 82K 加返落 30 分一班做補償其實都好合理

換言之一路唔係講緊 85A 82K 合併，而係 82X 84M 將 85A 分屍然後用 82K 替補區內段

不過又咁講，正如上面 KE7066 師兄話齋，唔重組一樣都可以減落去，大家唔好以為唔合併就好似有底線，25-30 以後就唔會再減

凱婷有權規管係事實，佢地唔好好地規管、由得人亂減班都係事實。當然大家都知道背後原因係因為唔想重組引來地區爭議，求其躺平就算，但問題咁又係咪最好結果？我立場就係，明明凱婷有權規管，而家成堆重疊線 25-30 呢個局面，佢地想既話係有能力制止，問題係佢地肯唔肯改變現狀、肯唔肯改變重組或減班指引

anyway，離題野唔講太多，隔離 F1 版寫左個詳細方案，有興趣可以自己睇

S3BL100 發表於 2023-11-15 22:06
85A 而家客量，的確可以直接縮到同 85B 類近服務時段

同埋望返點解點解有 85A 82K 呢個討論，無非係因為 ...

講完一大輪
合->可以40
唔合->可以40

咁我要直車線lu

1181174166 發表於 2023-11-15 22:00
車程不穩固然係一個問題，但係執行上又有幾多真係夾時間去開?

你有1A 5C呢啲幹線級就話啫，問題係你要執 ...

不如咁講啦，如果車程不穩，就算夾時間去開都無用。但更多係 25-30 一班但無執好時間，畀巴士公司藉口進一步陰乾廢線就一定，但如果係主幹模式，密車線主導，疏車線輔助做無替代品路段，至少巴士公司無藉口由得乘客等 25-30 分鐘車

同埋留意返，我從來無建議過 82X 84M 合併

其實就算畀你禁私家車都要解決搵食車問題，尤其是送貨果堆。反而係你一路都畀唔到方案，仲有咩路段可以畫 bus zone。大涌橋路可以禁私家車嗎？銀城街有可能禁私家車嗎？大老山隧道可以禁私家車嗎？我唔係反對進一步管制私家車，但呢個問題唔應該同解決載空巴士線重疊混為一談，反正而家有好多重疊廢線都唔係行咩塞車路段

S3BL100 發表於 2023-11-15 22:17
不如咁講啦，如果車程不穩，就算夾時間去開都無用。但更多係 25-30 一班但無執好時間，畀巴士公司藉口進 ...

不如咁講啦，如果車程不穩，就算夾時間去開都無用，咁呢個咪係理由開bus zone囉

你無講84M/284合併，咁你又套畀我?你劑劑都屈人，沙田點畫bus zone都係留返畀你啦好嗎?
送貨嗰堆，你覺得要落bus zone嗰啲真係無黃線?

S3BL100 發表於 2023-11-15 22:06
85A 而家客量，的確可以直接縮到同 85B 類近服務時段

同埋望返點解點解有 85A 82K 呢個討論，無非係因為 ...

你中意點樣去F1講悉隨尊便。

我就係捉住你講「補償區內線」黎講。閣下邏輯成日都亂晒大龍都唔係第一次。40+25變30仲可以話係「做好區內客」呢啲咁荒謬嘅論調真係恕難認同，又係嗰句咁多語言偽術嗰做高官嘥晒。係減咪減囉，包裝到有好左係咩事，而事實上82K嘅客量都一樣唔好。

咩野以為唔合併就唔會再減，又係talk shxt，明明係你自己主動講區內40+25變30，仲信誓旦旦講到82K加到30分好合理，我先提出就算合併都唔代表條線可以一直唔減番落40。資源有浪費最後點都要回收，然後你個建議直頭係加速佢回收，你睇番覺唔覺得你邏輯錯亂得有啲荒謬？

凱婷係有權規管呀，但成堆25-30又點？客少左就係少左，而家85X/85非繁都係收到25-30，就算比你條九龍城線合做一條兜晒沙田加馬鞍山，都難保非繁開得番落10-15啦，都唔在講地理上根本合併咁大嘅區黎做一啲都唔實際。比你82X食番85A都難保唔會照行25-30啦，咁我想問解決左咩問題？除左加速回收資源之外。躺平由佢死至少可以用最長時間去回收資源。除非你喺沙田沿線仲搵到方法開新線創造到新價值，如果唔係我睇唔到有任何比起慢慢陰乾更好嘅方法。

天空之神 發表於 2023-11-15 15:07
無

82K 84M 85A 85B 89B 89S 286M

另外幾條唔敢講
但就算係82K 89S大部分時段得單位數乘客喺車，返放學都係要用大巴先搞得掂

而 84M 85A 廢極都可以隨時超過19人喺車上
呢啲同時做跨區同區內流水嘅線，車上有幾多人係好飄忽

25-30分小巴搞唔掂嘅話，其實資源都係無少過

1181174166 發表於 2023-11-15 22:10
講完一大輪
合->可以40
唔合->可以40

要諗係合都得 40，唔合嘅平行時空就有機會唔止 40

除非重組有辦法脫離塘水滾塘魚嘅問題
否則合併只係等佢無死得咁快
睇下 81M + 88M > 281M > 281
搞完合併都係九龍塘止步，唔會話兩條變一條就出到客起死回生，咪唯有變 281

6 + 6A 就唔同情況啦，本身有客所以玩到依家唔係同當時啱啱合併完嘅太多

12Lane 發表於 2023-11-15 22:37
你中意點樣去F1講悉隨尊便。我就係捉住你講「補償區內線」黎講。閣下邏輯成日都亂晒大龍都唔係第一次。40+ ...

唔係我邏輯亂晒大籠，而係你（或者你地）無跟我個 flow，唔睇上文下理前因後果

不嬲我係講緊 85A 收檔或變兩味要補返區內線功能，但 82K 本身都做緊同一樣野而站位更理想、社區線功能亦更明顯，加一部車做 30 分一班係 85A 收檔既合理補償

之後會唔會減返部車跌返落 40 分一班，我控制唔到。但 82K 呢十年由 30 變 35 再變 40 好大程度係因為加時唔加車，全港其餘咁多條功能類似既社區責任線跌落 30 後都無再減過，甚至 RPP 方案 82K 縮圓洲角換 A 線上黃泥頭都係以加落 30 分一班作甜頭（當然我唔同意咁縮，但呢點係後話）

事實係對於 85A 收檔受影響地區而言，同區用緊 82K 乘客 40 變 30 係好左喎，82K 亦明顯比 85A 更名正言順做社區責任

至於你話咩 85 85X 合併好明顯係無限上綱撩交嗌，我不嬲係講緊服務範圍相近重疊線， 85 85X 根本風馬牛不相及，我唔打算進一步回應