係咪時候俾兩巴(城巴九巴)自由競爭?

AVBWU291 發表於 2023-12-23 17:10
聯營唔代表有競爭，大部份聯營線都係時段制，一個時段入面只有一間公司開車，何來競爭？頭尾車時段嗰一兩 ...

聯營線競爭,我只係諗到以前中巴係自己時段嘅頭車, 揸得快過九巴時段尾車去搶客!

真係想競爭嘅話
就唔只比九巴城巴嶼巴玩專利巴士

自從有紅磡過海隧道後，已經變左路線專利。其實巴士除了同自己其他巴士公司外，小巴，鐵路也是競爭對手。政府政策只會令經營者更慘，成區客更傷。

如果今日比九巴事旦喺香港島任開一條非過海線，我冧佢都唔夠膽開...成本高競爭大，困死城巴喺香港島，有咩事都係政府揹飛。另外比你兩巴自己競爭，咪又到小巴的士渡輪電車嘈...

s3n370 發表於 2023-12-23 21:22
講過好多次競爭只係經營權有競爭。

除咗51一類社會責任線，不嬲都係殺頭嘅生意有人做，

我比較想十八區區議會全權負責巴士路線，同時將所有巴士/小巴/村巴牌一次過殺哂變做一種牌照。巴士擁有者負責收錢開車就算，到時等子彈滿天飛轟炸班愛國愛港區議員都唔錯

回樓主
專營權既意義，就係賺錢線搭蝕錢線，等無錢賺既區域都有合理服務
呢個概念要work，前提係有水位拉上補下
如果全面開放競爭，可以想像賺錢既位，會俾人搶到變收支平衡
咁就無多餘水位，去補貼蝕錢既社會責任線
所以，除非政府肯大幅補貼蝕錢線，否則路線專營係有必要維持

其實簡簡單單改革招標制度，已經好好多
新區招標，運輸署只設立大致框架（e.g. 開辦新線服務 皇后山<>西九）
巴士公司自由定線，舊經營者可以重組舊線，新經營者開新線時，容許順便做埋無全日直達線既舊區
已經可以有效將競爭範圍擴大好多

每條路線獨立招標
揸住長途線既公司，短途線支標減分，製造間接競爭（A公司長途線 vs B公司接駁線+港鐵）
亦會令大家都無得hea做

castanopsis 發表於 2023-12-24 08:51
回樓主
專營權既意義，就係賺錢線搭蝕錢線，等無錢賺既區域都有合理服務
呢個概念要work，前提係有水位拉上 ...

玩減分點叫公平
不過都係個句唔好FF太多
香港只有紅色小巴可以接近自訂路線

綠VAN都係路線班次收費用車有規範
唔見得巴士可以鬆過綠VAN

巴士公司想開新線都係有路線班次收費用車
差在邊個劃咁解

kay 發表於 2023-12-24 09:06
玩減分點叫公平
不過都係個句唔好FF太多
香港只有紅色小巴可以接近自訂路線

規矩係人定出來
樓主問點解唔容許巴士公司自由開線搶客
我都一樣可以問，點解香港得紅小可以自定路線
運輸署有額外考慮既因素（e.g. 價錢、道路容量、新區車程），放埋落張標書打分已經得
路線專營既意思，純粹係開咗條線之後，條線有保護傘，唔可以好似樓主口中咁任搶
從來無話開線之前，一定係要由政府劃線

睇返宜家
推班未必熟巴士市場既運輸署公務員，italk版友上身亂咁畫
出到來效果人人都唔服氣
值得反思制度是否合理

castanopsis 發表於 2023-12-24 08:51
回樓主
專營權既意義，就係賺錢線搭蝕錢線，等無錢賺既區域都有合理服務
呢個概念要work，前提係有水位拉上 ...

第二段打後我認同，好似城巴50同55咁可以係屯市加站可能會好少少
要再改善客量就城巴加車費優惠俾兩線吸老九客, 好似將城巴50收優惠價同260X同價，城巴55全程優惠價同62X同價, 分段例外

AD118 發表於 2023-12-24 10:46
第二段打後我認同，好似城巴50同55咁可以係屯市加站可能會好少少
要再改善客量就城巴加車費優惠俾兩線吸 ...

公平嘅制度，但套落一個唔公平嘅實際情況，最後咪益左有壓倒性優勢果間，城巴真係有掟企？人地九巴資源多、月票、轉乘網etc.
唔用招標角度睇，50咪就充其量係58X、260X特班，55係258系特班咁囉；當你城巴問可唔可以停屯市，九巴咪又調番轉問277A可唔可以兜一兜皇后山。

算啦，其他post重覆太多次一樣嘅討論，見都係同一堆版友講番同一堆論點，無謂陳腔濫調。