港女排隊尾上巴士 慘遭車門夾呻車長無道歉

GZ4031 發表於 2023-12-29 00:13
前門叫佢企入少少就閂左佢就好既, 隨時快到一支燈
後門合理地早少少閂都一樣, 係快左既

我前幾日106都試過，搭嗰架PW2609有兩個人落車， 我後面落， 我未落就閂門， 結果撞咗背囊， 好彩行得快唔係撞埋我

teddybus 發表於 2023-12-28 18:06
咁有一樣阿司機真係冇錯
係而家好似唔擺名牌出嚟
個名好似係喺報站屏幕度

好多客都係盲 正如成日見到有人行好遠去㩒鐘 然後返埋位  其實佢頭頂就已經有鐘.....

有啲車 放名牌個架仲喺度 佢見到吉咪話你冇放囉.....

slsso 發表於 2023-12-28 12:07
一個正常情況下唔會夾到人既車門夾到人咪就係唔安全囉

俾小小邏輯思考好唔好？咪為撐而撐啦

同喺街俾人踩到但冇道歉差唔多，咁少事都要開post呻，仲唔係玻璃心?

nwfb1001 發表於 2023-12-29 09:10
同喺街俾人踩到但冇道歉差唔多，咁少事都要開post呻，仲唔係玻璃心?

兩件事爭咁遠都可以拉埋嚟講…
行街畀人踩到最多腳痛一陣，除非踩你嗰個係變形俠醫。上落車時畀車門夾到隨時會演變成被拖行…
踩到人有90%真係無心之失，而且人多擠迫踩到一兩腳有幾閒。再講我覺得知到自己踩到人要道歉好正常喎，雖然絕大部分人被踩到都大方唔會計較，但佢絕對有權要求道歉，唔代表係玻璃心囉。
趕時間還趕時間，巴士車長係咪應該確保人上哂車先閂門呢？而且呢度係上車門，車長冇理由「睇唔到」。帶返個頭盔，雖然有權但我唔贊成咁做：如果個乘客作狀話被人夾傷又要驗傷又要乜又要七﹐盞搞到成車人無癮。
有時候一句道歉就可以化解好多紛爭。講句「對唔住，唔好意思」好難咩？最少讓對方知道你都知道有唔小心整親佢呢件事嘛。粒聲唔出真係會讓人覺得你咁都睇唔到，坐你車好危險。呢個已經遠超玻唔玻璃心範疇。

又舉一個例子：有人借錢唔還(幾千零蚊)嘈到上小額錢債。個官會唔會話好多人平時出街食飯都畀貼士，所以追嗰小小債嗰個係玻璃心？

朋友，你呢幾段嘢要零分重作呀，返屋企上多啲網學吓咩為之玻璃心再返出嚟講過啦。我地等你。


不過有樣嘢我認同：就係成件事都係由個客自己口講出嚟，或多或少都會偏幫返自己。之不過我就當個客上演帝王條款慢條斯理咁龜上車，正常車門操作下都冇理由會夾到，除非佢碰瓷專登走去被道門夾。
咁我地假設責任在於控制車門一方都好合理吖？

nwfb1001 發表於 2023-12-28 11:27
而家佢有咩唔安全呢? 被拖行XX米?

夾到都叫安全？