China Airlines YVR-TPE-HKG

小弟已移居加拿大溫哥華接近2年。上年6月見華航做promotion，今年農曆新年期間往返香港連稅約七千多港幣，就立即扑錘去馬回港探親。

今次係小弟買過最貴的機票。中加關係近年緊張，連雙方的航權談判都受影響。
據聞加拿大交通部於疫情期間發現中加之間航權不對等——最離譜的時期中國和加拿大的航權比例達12比2（即每星期當中國籍航空公司能夠開出12班機飛往加拿大時，加拿大一方則只可開出2班）。經雙方多次談判後暫時調整至現時的6比4。
太平洋航班數量不足問題導致加拿大往來亞洲的機票價格在疫情過後仍然居高不下。
今次小弟所買既華航機票已經係我這一兩年間見過從溫哥華返港最平的機票。

第一程機
2/9/2024
CI31
YVR> TPE
A359


晚飯後約9點幾到機場check-in


該晚執飛CI31的華航A359 B-18912。2017年後期投入服務，機齡約6年。



隔壁的長榮77W



前往台北的BR9/CI31係溫哥華機場每晚出發的最後兩班航班


比我早約半個鐘出發，又早約2個鐘抵港的CX865。其實除非對直航情有獨鐘，否則搭華航長榮經台北轉機比動輒要過萬港紙來回的國泰加航超值得多。



Westjet 789



登機了。機上的廣播以及AVOD不停的播放廣告。有台灣的樓盤、日本化裝品、一時又是台灣政府的宣傳片。
這樣做的確能增加航空公司收入，但另一方面對乘客而言其實有點煩厭





正值農曆新年，華航也在機上播放賀年片段





起飛20分鐘後派welcome drink (?)




然後係宵夜，小弟選擇了宮保雞丁飯。另一選擇係牛肉長通粉



廁所有漱口杯及面紙供應



機尾galley



飛機跨過太平洋後，穿越日本東北到達日本海，然後經大韓海峽及東海上空南下向台北前進



到達台北前約一小時派早餐——可選擇中式炒飯和西式炒蛋香腸。小弟比較愛好亞洲菜，雖然早餐食炒飯怪怪地。



清晨五時多到達台灣桃園機場




TPE所有美加航線一律使用第二航廈，而華航飛往香港的航班則是使用第一航廈
其實乘搭穿梭兩座航客的Skytrain轉機會方便快捷得多。不過小弟想趁機買些台灣手信比香港的親戚。
反正layover時間約一個半小時唔算太趕





第二程CI601使用的B1R閘口其實係搭接駁巴士到外機坪登機的候機室。主要供廉航和窄體機航班使用



廉航航班集中係早上出發，再加正值年初一大量旅客外遊，令到整個候機室非常墟冚，幾乎水洩不通


過登機櫃檯檢查後再乘搭機場擺渡車到遠機位登機。
聽到車上唔少乘客分享自己係其他華航北美航班轉機客


華航A359+B738+波音彩繪77W



長榮B77W



長榮B78X+77W



Tigerair x Rakuten Monkeys聯名彩繪機


第二程機
2/10/2024
TPE > HKG
CI601
A321neo



這架2022年投入服務的B18108只有不足兩年機齡，內籠非常簇新



又係樓盤廣告播放。不過今次靜音，只有畫面沒有聲音。可能係機組將聲音關掉了。
順帶一提，華航只有第一程可以免費畫位，第二程畫位係要加錢



飛機餐只有一款——豬肉河粉配滷水蛋。
味道不錯。那包與五桐號飲品店聯乘出品的桂花烏龍很好飲，連我身旁的乘客在餐後都向空服員表示還想再要一包。
不過被告知一個餐只有一包




朝早9點幾返到香港，過關取行李後搭S64返家




（回程待續...）

回程report會簡短一些，因為跟去程其實差不多

第一程機19/2/2024
CI924
HKG > TPE
B738

大約6點鐘到機場，係客運大樓同家人晚飯後約8點道別入閘

閘口係非常前端的10號閘。CI924係華航每日在香港開出的最後一班客運航班



該晚執飛CI924的B-18665，2016年投入服務，機齡約7年



LH A346。一直好想坐A346但無奈YVR實在沒有航班用佢執飛



英航B789



LH A343 + CX A333



登機。
呢班機上座率一般，應該坐不滿一半
同去程一樣華航只容許乘客在第一程免費劃位，亦即是說回程只有駁腳HKG-TPE可以劃位







飛機餐一樣只有一款——豬肉米粉。應該係台灣上既餐。味道唔錯



約10點半抵達桃機，見到EK A388



我要搭的CI32同飛往SFO的CI4交換了登機閘口



今次轉機時間不足一個鐘，有點趕。坐桃機Skytrain去T2算




臨近深宵，桃機的航班大多都是飛往歐洲或北美



每個候機室都以台灣不同主題裝飾。我今次使用的D8係台灣雀鳥




隔離係阿里山森林火車展覽



帶我返加拿大的B-18907，2017年投入服務





第一餐——宵夜。雞扒飯，另一選擇係港式魚蛋撈麵



降落前約1個半派晚餐，小弟選擇了腸仔炒蛋長通粉。另一選擇係臘肉炒飯。




感想：
疫情後從溫哥華返港，經台灣轉機比直航性價比實在高太多。
直航票價居高不下之餘，服務亦應該比唔上台灣兩大航——至少以我所知AC服務近一兩年服務爭議不斷，有幾單更登上加國新聞頭條。CX的口碑眾所就知亦不斷變差。
而且當直航只提供一件免費寄艙行李時，CI及BR則仍然可寄艙兩件。
台灣兩間航空公司的YVR線來回程時段都很好，配合頻密的港台航班，飛行時間只比直航相差1-2個小時。
係可預見的將來經台灣轉機返港仍然會係小弟首選。

飛機餐只有一款——豬肉河粉配滷水蛋。 味道不錯。那包與五桐號飲品店聯乘出品的桂花烏龍很好飲，連我身旁的乘客在餐後都向空服員表示還想再要一包。 不過被告知一個餐只有一包

包桂花烏龍我直頭想買

老一輩香港人似乎仲係對華航印象麻麻，啲親戚朋友就算想平都唔係好願搭華航轉機，反而長榮接受程度會高啲

BTW，睇到 departures board 張相先留意到原來 YVR 咁多機飛墨西哥

clivetock 發表於 2024-2-27 21:42
老一輩香港人似乎仲係對華航印象麻麻，啲親戚朋友就算想平都唔係好願搭華航轉機，反而長榮接受程度會高啲

...

係。我公司有上一輩既港裔人士講到明無論如何點都唔會搭華航
華航返港機票又一定會比長榮平少少

溫哥華唔少人鐘意去Mexico 渡假，貪佢洗費平

clivetock 發表於 2024-2-27 21:42
老一輩香港人似乎仲係對華航印象麻麻，啲親戚朋友就算想平都唔係好願搭華航轉機，反而長榮接受程度會高啲

...

九十年代到 2000 年代初期，CI 每幾年就跌架機出黎，
大佬你唔驚我都驚。

我自己都唔傾向揀 CI (同埋佢 ST，我通常儲開 SA 或者 OW 分)。

確實台籍航空公司最近做多左唔少港客，我身邊識唔少返香港都揀經 TPE，
不過你比我，我都係會揀停日本

AVD1 發表於 2024-2-28 00:15
九十年代到 2000 年代初期，CI 每幾年就跌架機出黎，
大佬你唔驚我都驚。

只可以講大部分人都已經接受番華航，只不過同長榮比啲人又會比較prefer長榮（咁人地長榮咁多年相安無事）
除非想中停日韓留兩三日，否則而家經日韓轉機返港時間差之餘機票又貴，我身邊返香港既人都唔會揀日韓系航空公司了

AVD1 發表於 2024-2-28 00:15
九十年代到 2000 年代初期，CI 每幾年就跌架機出黎，
大佬你唔驚我都驚。

如果有時間停日本玩幾日咁梗係搭日籍公司最好

但係如果純粹轉機，JAL夾到時間但好貴，ANA溫哥華往香港夾唔到時間要東京過一晚夜，ZIP就冇interline要自己買多程HKG<>NRT；反而仲有個選擇就係經韓國，KE叫做來回都夾到時間

來回七千幾港紙真係平到嘔⋯

clivetock 發表於 2024-2-28 10:18
如果有時間停日本玩幾日咁梗係搭日籍公司最好

但係如果純粹轉機，JAL夾到時間但好貴，ANA溫哥華往香港夾 ...

台籍航空公司最大優勢就係時間真係好靚，可以用盡時間
返香港：夜晚上機，朝早到香港
返美加：夜晚上機，黃昏左右返到加拿大

好似小弟咁，收咗工返屋企食埋晚飯仲可以慢慢去機場
返到加拿大嗰程可以同屋企人食埋晚飯先走

KE時間麻麻，去程中午上機夜晚到，浪費咗一日時間