九巴3AD(HN770)晚上7點幾於紅磡總站著火

炒人呢家0野 做得0個份工0既都心裡有數
而家都無咩人寄望可以一份工做到老 只會諗幾時轉工 幾時睇定其他工

為咩要冒自身生命危險去撲火? 唔係為0左出位、見報
而係自身0既使命感
講心0個句 如果附近有公用0既滅火設備
唔止站長 一0的將生命財產安全放首位0既人都會去拎消防設備嘗試撲火
記住一樣0野：一個巴士站未必只有一架巴士
(隨時可以重演上次「火燒連環巴」事件)
係咪最好由得佢燒幾粒鐘燒通頂就算? 有無諗過中間為其他人帶0黎幾多麻煩?
點解要及早撲熄火種? 為0既就係減低損失同不便
(等到消防到場的話 隨時要成個總站封閉 對週邊做成0既不便 請自行想像)

原帖由 hardplastic 於 2008-10-26 04:02 發表
真係唔明個站長車長為乜去救火，佢救得到架車唔使湯
九龍公司極其量只會響龍虎豹細眉細眼登佢個名出來
但一個唔好彩架車爆炸令佢受傷/死亡，就別指望呢間公司
會幫你執骨!

唔好唔記得，50歲一到佢話你到膽固醇過高，你幫九 ...

睇完你呢篇文真係火都黎!!! 要知道發生火警時, 盡可能將情況惡化既可能減至最低, 因為火勢係會蔓延, 點解1號火會變5號火, 就係因為唔能夠及時撲滅......唔通九巴對你唔好, 你就要放火燒車?

睇返呢單野, 就算間公司點無良點刻薄, 遇到呢d情況, 當你唔係果間公司既職員都好, 一樣會去救火; 唔通你樓上個鄰居得罪左你, 有日大吉利是佢屋企火燭, 你會袖手旁觀等幫佢執骨? 倒返轉大吉利是你屋企火燭, 你見到佢企係度望住你間屋燒哂, 佢會開心d咩??? 去唔去救火, 都要考慮埋間公司既商業行為, 你做人都幾辛苦......

我而家冒住比版主停版既危險, 都要"醒"你一句: 唔該你反省下你既言論, 調節一下你既思想; 香港人越來越冷漠, 完全拜你呢種心態所致!!!

[ 本帖最後由 牛奶仔 於 2008-10-26 10:01 編輯 ]

原帖由 hardplastic 於 2008-10-26 04:02 發表
真係唔明個站長車長為乜去救火，佢救得到架車唔使湯
九龍公司極其量只會響龍虎豹細眉細眼登佢個名出來
但一個唔好彩架車爆炸令佢受傷/死亡，就別指望呢間公司
會幫你執骨!

唔好唔記得，50歲一到佢話你到膽固醇過高，你幫九 ...

我只知道個站長唔救火既話
九巴就有大條道理兜佢走
連一個賓都唔駛補

琴日...5點幾 見到架車入屯門都冇野

原帖由 hardplastic 於 2008-10-26 04:02 發表
真係唔明個站長車長為乜去救火，佢救得到架車唔使湯
九龍公司極其量只會響龍虎豹細眉細眼登佢個名出來
但一個唔好彩架車爆炸令佢受傷/死亡，就別指望呢間公司
會幫你執骨!

唔好唔記得，50歲一到佢話你到膽固醇過高，你幫九 ...

嘩..
你甘講..
真係唔比個服字你都唔得...

我諗你身為個間公司ge人
點都會保護下公司財物ge...

原帖由 LZ4519 於 2008-10-26 12:42 發表


嘩..
你甘講..
真係唔比個服字你都唔得...

我諗你身為個間公司ge人
點都會保護下公司財物ge...

即使唔係公司既人, 都唔會由得部車響度燒掛, 最起碼做既
都會報警叫消防黎救火啦

我只係覺得發表果段野果位版友係[事不關已已不勞心]
我黑心D講句
如果佢屋企著火 ,佢雙親係屋企被困走唔到 ,而鄰居因為用左果位版友既想法 ,所以選擇企係門口食花生袖手旁觀 ,咁果位版友會點諗呢?

我覺得大家唔好再為呢個問題嘈下去
站長盡了力, 在相關人員到場前及安全情況下救火就完成應有的責任,

因為如果在不安全情況下仍然堅持救火而受傷,
以致執行不到職務的話只會加重相關人員的工作負擔,
場面到時可能會更加混亂, 可能真的出現驚慌疏散時人踏人的情況
到時傷亡會更加大, 大家都唔想見到

所以當危險情況下, 站長好應該指揮人/車有秩序的疏散, 而唔係堅持救火
以減少可能出現的損失/傷亡

其實巴士公司應否定期為前線車務人員進行站頭火警演習
實地訓練有車著火時的處理手法

[ 本帖最後由 12A 於 2008-10-26 14:19 編輯 ]

唔好話火災
好似簡單咁見人暈低, 又或者見人打荷包, 又係咁喎

記得好多年前, 我晌筲箕灣遇見有人扑頭打荷包
我當時即刻係諗... 佢地有武器, 我一個人捉會唔會都中招
但係, 當時見到有兩三個人去追, 而且見佢地正截停我前面架的士上車
最後我都即刻上前去幫手去阻止佢地
幾個人雖然埋到架車, 但最後都俾佢地走甩左
但我冇後悔過自己多事

後來晌事發地 (及後去埋警局) 同警察落口, 又俾記者問
d 街坊俾掌聲我地幾個
唔通我幫手, 係純綷為左受呢類的嘉獎, 可以第二日見報俾同事見到大讚一番?
果一刻根本唔到我諗呢 d 野

番正題,
巴士上面有汽油, 有電子零件
佢既破壞力同殺傷力有幾大,
唔需要到真正發生左才明白吧?

講呢類說話既人, 如果當時身在現場
可唔可以事後上黎貼文都係一個疑問

原帖由 12A 於 2008-10-26 14:16 發表
所以當危險情況下, 站長好應該指揮人/車有秩序的疏散, 而唔係堅持救火' h'
以減少可能出現的損失/傷亡
其實巴士公司應否定期為前線車務人員進行站頭火警演習
實地訓練有車著火時的處理手法

發文者沒有交待站長和車長有沒有這樣做
可能已經做左呢

又有可能是總站內有其他職員/司機分工負責了疏散程序
然後有部份人是專負責救火
(不能排除總站內的職員, 本身有上一些基本消防講座
懂得做初步的處理和滅火筒使用...
我公司都有搵同事要接受呢類講座訓練
呢 d 好似係法法例規定要架喎)