3年50個車站=.=!?

未被港鐵調查過意見, 但作為每日用東鐵上下班的我來說, 以上3點都非常同意

原帖由 |_arco 於 2008-12-23 23:58 發表


其實在合併前兩鐵都傾好左話翻新東鐵車站(好似係某位版友講過)，
但做得比較好同埋實際既個認為只有九鐵做既果幾個站，
eg: 紅磡站、大埔墟站大堂同埋上水站大堂。

而港鐵做既呢? 就淨係係度貼埋晒Ｄ唔美觀既貼紙，
至於 ...

我反而覺得九鐵做既果幾個站全部千篇一律,全個站都係白色,一點都不美觀(上水站原大堂變成全白色,非常不美觀,新大堂的設計較好),相反港鐵為各站配上主題色,更具特色,
而且港鐵貼貼紙只是中期改善工程,大翻新要遲一點(旺角東已開始招標),港鐵只接手一年,一個站做大翻新都要幾年,更何況全綫!

PS 我只是說九鐵的翻新不美觀,不是沒有用

誠然，兩鐵合併初期，的確係原地鐵既缺點就一蘿蘿咁推入原九鐵網絡，但原地鐵既優點就...... 又將一D好新淨既指示板更換，呢D冇錯係唔好，但今次翻新車站係咪真係上面各位版友講到咁差呢？我不認為

1.部份東鐵車站，簡陋得出口冇ABC代號，港鐵已編上

2.東鐵月台o個D掛板，同時顯示站名及出口方向，本來唔係問題，但o個個出口箭咀角色含糊，到底係指行車方向定出口方向定係乜野？港鐵將之換成藍/黑底站名，綠底出字同箭咀，讓人較易理解個箭咀所指既係出口(當然，綠色部份又真係大得濟)

3.以前東鐵月台上，只有o個D高高掛板顯示站名，在車廂內甚難察看(尤其企緊的話)，港鐵在牆上、柱上加上直式站名牌，改善了這問題(呢樣野，九鐵係知既，你睇下佢D新站同翻新後既大圍站點整就知，奈何九鐵就係做得咁多，其它舊站又唔執下佢 )

4.同上，花紙唔係淨係裝飾，仲有港島線式既毛筆書法站名，亦方便左從車廂內察看所在車站

5.講葵芳同葵興VS(翻新前)旺角東同紅磡，我認為分大堂同月台兩方面睇，月台方面，其實四個都係差不多的差，係葵芳好少少(只係少少)，大堂的話，旺角東同紅磡絕對好過葵芳同葵興(尤其葵興)N倍

當然，港鐵都有做得不足既地方，暫時我見有以下呢D，希望將來既翻新工程會有改善

1.八仔查閱機，原地鐵各站，幾年前已全數更換更清晰易用既彩芒版，原九鐵各站則新站用新版黑白機，舊站就仍然係97年第一代版，希望盡快更新

2.全港重鐵站最簡陋既站，就正正係位處東鐵線----大學站，除左月台一半露天之外，近北行車尾、南行車頭連接大堂既斜路亦好差，側邊塊牆完全唔似係車站室內，實在有大翻新必要

3.老問題，大部份月台黃線以外都冇上蓋，落雨時上落麻煩非常

4.九龍塘站及美孚站既月台編號問題(不用多說吧)

[ 本帖最後由 mckhgc 於 2008-12-24 20:34 編輯 ]

原帖由 da370 於 2008-12-24 01:41 發表

唔好講到港鐵冇係地鐵線路做改善
地鐵車站近一兩年逐步換晒假天花同照明、加升降機、換扶手梯、加無障礙出入口設施
呢d就唔算改善工程？

港鐵有咩指示牌由清楚變到唔清楚?
紅磡站自從換左港鐵式樣指示牌，指示清楚，擺 ...

紅磡站果堆指示牌係九鐵出錢既，屬於九龍南線改善工程之一
只不過是兩鐵合併，修改了訂單成港鐵格式
成個紅磡站而家舒適左咁多，除左上色同貼紙外，其他都係九鐵既功勞
而大埔墟站，港鐵也只是負責上色、貼紙同站牌，其他都係九鐵既功勞

港鐵有咩指示牌由清楚變到唔清楚?
有，原本東鐵站既「升降機」圖示，不知幾醒目
綠色低，箭咀向上向下，乘客在遠處一看都知那兒可乘搭升降機
但係而家港鐵版將佢改左做黑低，並無左箭咀移動既效果，乘客要行近先睇到知係升降機
而站牌更是變得更高、縮小了，乘客看站名時，更比80年代那種白低東鐵站牌難看到

原帖由 ahbong 於 2008-12-24 03:02 發表
有人一年唔搭東鐵一次
而呢個廣告係所有港鐵綫上都有
所以廣告亦令其他路線既乘客知道東鐵綫陸續翻新

點解係都要其他線既人知？顯然係show off自己幾好幾勁
唔見港鐵之前為市區線加裝升降機果陣，向機場鐵路/將軍澳線乘客宣傳「觀塘、荃灣、港島線加裝升降機啦」？

原帖由 thomasluke231 於 2008-12-24 12:19 發表
，
我反而覺得九鐵做既果幾個站全部千篇一律,全個站都係白色,一點都不美觀(上水站原大堂變成全白色,非常不美觀,新大堂的設計較好),相反港鐵為各站配上主題色,更具特色,
而且港鐵貼貼紙只是中期改善工程,大翻新要遲一點 ...

真係唔明
無明顯既主題顏色有咩問題？
係咪會影響乘客使用鐵路先。
九鐵有九鐵既格式，港鐵有港鐵既格式。

另外就係因為而家D貼紙係臨時性質，所以更顯得係浪費
試想想，你認為牆身用油漆還是瓦片裝飾較實用？一定是瓦片
沙田站、大學站用石屎填左原本既瓦片，再上過色同貼紙，更見浪費

保留東鐵原本殘舊車站設計就最唔浪費, 反正車站殘舊與否係唔會影響到乘車, 最好以後起鐵路車站, 乜o野外牆裝飾都唔駛整, 就咁石屎牆身, 好似o的地鐵隧道咁, 黑媽媽就可以, 慳返o的錢可能可以減票價o忝。

原帖由 mmlcs36 於 2008-12-24 08:55 發表
係出廣告之前港鐵做過份調查
係東鐵線沿線訪問乘客有關呢輪翻新的意見

詳細結果唔方便講

但係大多乘客對於以下陳述是表示同意/非常同意的
東鐵線車站有翻新整理的需要
現時東鐵線車站的佈置更美觀
現時東 ...

好老實講...
呢d所謂乘客調查...
真係多餘既....


大部份問題都好引渡性...
唔通咁問...
你答唔好好咩?
同埋d客趕時間既, 好多都唔唔會同你認真答啦...
只係少數人同你認真...

其實真係問唔d咩結果...

最好有一份係做對比...
俾乘客分翻新前 / 翻新後去比分, 比意見...

相信出來既結果會俾人有實際證據...
呢個先係調查結果...而用既...

而家一個問題, 港鐵將九鐵實際翻新既, 歸功...
反而佢所謂翻新, 只係加貼紙...